ولكن انزعجت مقدمة برنامج "المتوحشة" من بعض الانتقادات التي تلقّتها من جانب بعض جمهورها، بسبب ملابسها التي تظهر بها على الشاشة، ثم ارتدائها للحجاب فقط في العمرة، وعودتها لارتداء تلك الملابس مرة أخرى.

ولم تسكت سالي عبد السلام أمام انتقادات هؤلاء، لترد عليهم برسالة شديدة اللهجة عبر حسابها على Instagram، لتوضح لهم أنها آخر صورة لها بالحجاب، حتى يكتبه الله لها.

أما عن المهاجمين، فقالت إنها حرة في حياتها، وأن الله سيحاسبها عمّا تفعل، ولن يُحاسب أحد مكانها، وأنها أدت العمرة 5 مرات من قبل، كما أنها توجهت بالشكر لكل من أشاد بمظهرها بالحجاب، وطلبت منهم الدعاء.

وأضافت سالي أن أي شخص سيعقّب مرة أخرى بتعليقات غير لائقة، لن تكتفي بحظره فقط من على حسابها، ولكنها سترد عليه بقوة قائلة: "ملكوش عندى غير قلة الأدب"، دون وضعها في الاعتبار أنها شخصية عامة أم لا.

اخر صورة بالحجاب لحد ما ربنا يكتبهولى وابقى مستعدة بإذن الله..محدش هيتحاسب بدالى ودى حياتى انا،ادعولى بدل ما تقولوا كلام ملوش اى لازمة انا مش عايشة ارضى حد ويمكن احسن من ناس كتير بس دايماً بحاول،اللى هيفكر يعمل ولى او شيخ او يستظرف ((ملكش فيه)) شفت القوسين دول يابا؟ اعمل بيهم بقى! بهاجم قبل ما حد يفكر يتحسر عليا..حبيبى/حبيبتى عيطوا على نفسكم اولى وللفولورز اللى عددهم زاد وانا هناك ولسه جداد فنعذز بعض يا جماعة ..فهنقول تانى وصلت خلاص..والله ما نسيت حد فى الدعاء على قد ما قدرت حتى اللى فى الdirect messages و ال comments و ال messenger اللى اعرفه واللى معرفوش دعيت له دى امانة وانا وصلت الأمانة على قد ما قدرت..والله دعيتلكم اكتر منى! وكفاية انكم تأمنونى بأمانة غالية اوى كدة وواثقين انى هعملها وربنا بذمة وضمير 😂✋🏻✋🏻.. الحمدلله،الحمدلله حتى يبلغ الحمد منتهاه #اللهم_تقبل ..ده انا شايلة كتير تعالوا بقى نقول تانى عشان الناس الزهقانة اللى بتدخل فى اللى مالهاش في،انا لا شخصيتى ضعيفة ولا هتأثر بكلام حد او هتكسف ارد على حد...و لا ربنا لسه مأنعمش عليا بنعمة الحجاب وربنا يكتبهالى و ودى العمرة ال٥ اللى ربنا هو وحده بيسهلها لعبده و مش اى حد بيروح معنديش انبهار ووعود كدابة زى ناس كتير بترجع كدة وتتصدم اكتر بالواقع وترجع بعدها اسوء ولسه ربنا مأذانش انى البسه وشكلى احلى بيه شكراً لكل اللى شجعنى بس انا حرة مالهاش وهتتدخل وتعمل نمرة وتكتب كومنت هايف يرضى غرورك من غير ما تبص لنفسك و عيشتك وتخليك فى حالك منك ليها ملكوش عندى غير قلة الأدب! انا مبعملش بلوك بس! لا انت هتزعل و هتجيب ناس تزعل وبحلف! اقسم بالله هرد ولا شخصية عامة ولا الهرى ده يا معلم ولا ياكل معانا! بلاش العشم والحب ياخدونا لحتة وحشة! متعلقش وملكش فيه لو سمحت/لو سمحتى انا اعمل الأنا عايزاه والبس الأنا عايزاه وبحب لبسى و مقتنعة بيه وبلبسه و محدش يقدر يحكم عليا طالما بحترم نفسى فى طريقتى مع الكل وعارفة حدودى ومبحكمش على حد وده اللى بتوقعه منكم كمتابعين وصحاب! نقول تالت..عشان محدش يجى يقول عصبية او بتغلط او مبيهمهاش حد ويزعل!! انا محدش ليه عندى حاجة ولا يفرقلى كلام حد انا مش زيكم! والله ولا بفرح لما اكتب لحد كلام يضايقه! بتحس انك عملت راجل كدة؟؟؟ او انتى كدة رابعة العدوية ياختى؟؟! كدة انتوا احسن منه بقى؟؟؟ والنبى كفاية تمثيل !!!و بلاش الفراغ اللى عندك/عندها،المسلم من سلم الناس من لسانه..مش هسمح بأى تجاوز اى كان!!..ومش هيبقى العيب عليك هيبقى على اللى نسى يقولك ان ده عيب،خليك فى حالك..والسلام عليكم ورحمة الله و بركاته❤

A post shared by Sally Abdalsalam (@sallyabdalsalam) on Apr 30, 2017 at 4:54pm PDT

إقرأ أيضا

سالي عبد السلام من المدينة المنورة: أنا حلمت بالرئيس هنا والراجل ده شايل كتير
بالصور- سالي عبد السلام برفقة أسرتها بملابس العمرة
سالي عبد السلام تواجه التعليقات السلبية على صورها بالحجاب