علق النجم عمرو واكد على قرار وقف قناتي الحياة والمحور عرض مسلسله الجديد "أهل إسكندرية" بأوامر من جهات سيادية بعد ما تعاقدتا على عرضه وبدأتا الترويج له عبر شاشتيهما مؤخرًا، وكتب واكد عدة تغريدات عبر حسابه الشخصى "تويتر" عبر فيها عن استياؤه:
"هل يجوز سحب عرض مسلسل في رمضان أسبوع قبل العرض؟ طب المدينة كده تبيعه لمين دلوقتي لو ده حقيقي؟ بعد عروض البرومو كمان؟ فيه حاجة غلط في الكلام".
وتابع واكد: "مسلسل واخد موافقة رقابة وتنتجه مدينة الإنتاج الإعلامي مباشرة دون وسيط. يا ترى لو سحبوا عرضه يبقى إيه السبب الحقيقي؟ ومن وراء ذلك القرار؟".
واستكمل: "على فكرة المسلسل أحداثه تدور في ٢٠١٠. والضابط الفاسد الداخلية بتعاقبه. زي فيلم تيتو كده. مش فاهم إيه المشكلة".
وأضاف فى تغريدة أخرى: "أنصح اللي بيفكر يمنع عرض مسلسل أهل إسكندرية إنه يدخل على الهاشتاج ده قبل إتخاذ قرار نهائي. ده ما بقالوش ساعة #ضد_وقف_عرض_اهل_اسكندرية".
واختتم النجم عمرو واكد: "التهديد مش أسلوبي. التويتة اللي فاتت معناها إن هناك جمهور عريض ينتظر المسلسل. لا تخذلوه لأنه وثق في قناتكم. #ضد_وقف_عرض_اهل_اسكندرية".