[*] عالية نايمة ع تخت من التختين الموجودين بغرفة وليد.... في صوت خشخشة وحركة بالغرفة فاقت عالية ع الصوت ونطت من اربعتا وقفت ع رجليا بتقوم بتلاقي امها عم تلبس جراباتا وكندرتا وتحط حجابا 
[*] لك شو ماما رعبتيني يعني
[*] شو فقتي خانم 
[*] اي
[*] لكان يلا البسي خلينا نمشي بسرعة اصلاً ما نمت ولا ثانية وانا عم استنا تصير الساعة تمانة مشان نمشي 
[*] لك ماما شو معجلك 
[*] اسكتي والبسي برجلك من تم ساكت
[*] بالبيت بتنامي قد ما بدك بأوضتك وبتختك مو عند العالم الغريبة

[*] اوووووووف مابدنا نخلص من هالسيرة ماما
[*] عالية 
[*] حاضر سكتت 
[*] لبست عالية كندرتا وزبطت شعراتا وحملو حالن وطلعو من الغرفة صارو يمشو ع روس اصابعن مشان ما حدا يحس عليهن ويفيق وليد ويعلقو 
[*] ماما طب استني ليفيق وليد
[*] اسكتي وامشي وبلا صوت يلا قدامي
[*] هفففففففففف 
[*] فتحت عالية باب البيت شوي شوي وطلعو 
[*] اخدو تكسي وراحوا ع بيتن 
[*] فاتو ع البيت 
[*] فاتت عالية اوام ع اوضتا وامها لحقتا فوراً ومبين عليها انو معصبة كتير
[*] تعي لهون 
[*] نعم ماما نعسانة وبدي نام 
[*] وانا امك وعم الك تعي لهون بدنا نحكي بعدين بتنامي
[*] ماما بدي نام بليز
[*] وانا عم الك بدنا نحكي احسن ما جن عليكي واصلة معي لهون هاه وبتحط اصبعا ع انفا

[*] خير ماما شوفي
[*] شوفي!!!! قولي شو مافي
[*] طيب
[*] اسمعي يا بنت انا هالوضع كلو مو عاجبني مالي مرتاحتلو ابداً ابداً ولا بشكل هضمت القصة 
[*] انو قصة
[*] لا تجدبيا وليه فهمانة عليي شو قصدي وليد 
[*] شبو؟
[*] ما حبيتو ولا هضمتو لا هو ولا وضعو ولا بيتو ولا اهلو ولا رفقاتو ولا اي شي بيتعلق فيه يا بنتي مو مريح عينو خبيثة سبحان الله ما حبيتووووووووو
[*] ماما انا عاجبني وشايفتو كتير ظريف ولذيذ ومناسب الي وبعدين ما بهمني لا اهلو ولا رفقاتو ولو اني مالي شايفة فين شي غلظ
[*] شووووووو مو شايفة شي غلط لك كلن ع بعض غلط بغلط لك وضعو كلو غلط هو ذات نفسو غلط لك بنتي فكري شوي يعني معقولة يخطبك واهلو ما بيعرفوكي ولا حاكيلن عنك ولا اجو خطبوكي ولا شي بالمرة بيصير هيك يعني انتي برأيك هي اصول؟؟
[*] ماما حبيبتي التلك كذا مرة ما بتهمني هالامورة المهم انا وياه متفاهمين وخلصنا
[*] طيب وهذيك البنت السكرانة يلي كنا حنطلع بسيارتا ما ثارت الشك عندك ما لاحظتي شي غريب؟!!!
[*] لا وما بتهمني وحدة مو محترمة اصلاً مبين عليها
[*] هاهاااااااااا تمام انتي التيا وحدة مو محترمة طيب معناتو ليش رفيقة وليد هي يعني هو ليش مرافق هيك وحدة طالما هو برأيك مناسب ومحترم وعاجبك كل هالقد
[*] ماما ما دخل هي بهي
[*] لا دخل يا خانم لان كل واحد بيرافق الشخص يلي بيمثلو وع شاكلتو فهمتي
[*] مااااا بتهمني... مامااااااااا بدي نام خلص تصبحي على خير.... 
[*] بتفوت عالية ع اوضتا وبتسكر الباب وبتترك امها واقفة محتارة ومصدومة 

[*] اااااااااخ ياربي دخيلك تحميلي هالبنت وتبعد هالابن الحرام عنها على اهون سبب بيجاه الحبيب المصطفى 
[*] بتقعد ع الكنباية وبتسند ايدا بكوعا وكفا ع جبينا /متل يلي ماسك راسو من الوجع/ 
[*] لك اااااااااخ شو اعمل اااااااااخ يارب ساعدني يارب فتحلي عيون بنتي وخليا تشوف يلي ما عمتشوفو دخيلك ياربي دخيلك ماعندي غيرا بتروح روحي اذا بيصير عليها شي او بتتعس بحياتا يارب بدي ياها سعيدة ومبسوطة ومتهنية بعيشتا يارب تحققلي يلي ببالي وتبعد عنها كل ولاد الحرام ياااااااااارب 
[*] بتنزل دمعتا ع خدا 
[*] ............................. 
[*] بعد شي كم ساعة ام عالية واقفة بالمطبخ عم تطبخ وبتسمع صوت الموبايل عم يرن بالاوضة عند عالية بتروح لترد مشان ما تفيق عالية بتوصل ع باب الاوضة المسكر بدا تفتح بتقوم بتسمع صوت عالية
[*] الو اي حبيبي
[*] معلش لا تزعل بس ما كان فيني زعل ماما واكسر كلمتا 
[*] اي 
[*] اي 
[*] اي 
[*] لا الله يسامحك مو هيك ابداً بس جد ما كان فينا نضل اكتر من هيك عيب مشان اهلك
[*] لا بالعكس كتير ارتحت بالنومة 
[*] اي 
[*] هههههه اي صح لانو تختك 
[*] اوكي حبيبي بشوفك المسا 
[*] باي باي 

[*] ام عالية بتفتح الباب وبتفوت
[*] شو مين ع التلفون؟
[*] وليد ماما وليد 
[*] اي وشو بدو
[*] عم يطمن علينا 
[*] ممممممممممممممم اي يلا قومي كلي
[*] لا ماما مالي قدرانة بدي نام كمان
[*] طيب قومي كلي بعدين نامي
[*] لا مابقدر بدي شوف وليد بعد كم ساعة
[*] لك شو تشوفيه لسى من كم ساعة اجينا من عندون لحقتي تشتاقيلو
[*] ماما بدنا نروح نشرب اركيلة نحنا ورفقاتنا
[*] لك الله يقصف عمرو وعمر مشاويرو والاركيلة تبعو اي 
[*] بتطلع من الاوضة وبتطبش الباب بقوة من عصبيتا
[*] بترجع فوراً بتفتح الباب وبعصبية بتقلا لبنتا: لك ويقصف عمري انا كمان اي 
[*] بترجع بتطبش الباب
[*] عالية جمدانة بأرضا وعم تبحلق ناح الباب
 

 يتبع