وليد بيترك المطبخ وبيفوت ع اوضتو وبسكر الباب
بيحاكي حالو... وضريب يخلع رقبتك لعمى شو مجنونة هففف ياه
بيحط راسو وبينام
........................
عالية عند امها بالبيت قاعدين عم يتفرجو ع التلفزيون... عالية حاطة جاط بوشار بحضنا وعم تاكل بنهم ومدموجة بالفلم
ام عالية عم تطلع ع بنتا كل شوي وترجع تكمل فرجة بس كأنو في بتما حكي
بيمر وقت طويل بيخلص الفلم وعالية بتغفل ع الكنباية وبحضنا جاط البوشار فاضي
ام عالية بتطلع من الحمام وبتفيق عالية وبتفوتا تنام بتختا بتغطيا وبتبوسا وبتعد ع كرسي بأوضة عالية وبتتأملها بحرقة
.............................
بيمر اربع شهور وببين الحمل على عالية صارت بالشهر السادس
عالية بغرفتا ببيت وليد طبعاً عم تبكي وتضب شنتايتا ووليد عم يتخانق مع اختو وصوتو عالي ((جعران يعني)) وشغالة المسبات الكبيرة من تحت الزنار ونازل بينو وبين اختو النورية متلو اصلاً هنن عيلة نور وعالية ما كانت تعرف الا لما عاشرتن بين هالشي معا وندمت ندم عمرا لانو اتجوزت هيك واحد لا من تيبا ولا ترتيبا
صوت وليد من برات الاوضة... لك انتي الحيوانة ريتو الله ياخدك بس بدي افهم شو جابك شو جااااابك انقلعي لعند جوزك وحلي عنا بقى لعمى شو مكيودة ومدودة
خراس يا واطي قال شو جابني قال
اي شو جابك مالك شي عنا انقلعي
مالي شي لكان ما..
حبيبي ليكون بمعلومك هادا البيت بيتي فهمت بابا كاتبو باسمي وخلينا هالشي سر بيناتنا انا وياه لانو بيعرفك واطي وحقير اول ما حيموت حتروح تبيع البيت وتاكل حقنا انا وجمانة لهيك كتبو باسمي لاني الكبيرة والواعية بيناتكن
ها ها ها ها ضحكتيني والله لكان الكبيرة والواعية التيلي.... و ع فكرة ما بهمني ان كان باسمك ولا باسم القرود بدي حصتي وهلأ
شو هااااد ما سمعت حصة شو نشالله
حصتي من الورتة
مافي الك شي طول ما هي السرنوة هون قلعا بتاخد شو ما بدك
ليش هي شو دخلا
خلص ما بدنا نحكي وهي هون
عالية طلعت من الاوضة جارة شنتايتا ودموعا على عرض خدودا بتطلع بوليد من فوق لتحت باحتقار وبعدين بتحكي مع اختو جيهان بعصبية وبطريقة التهديد وهي رافعة اصبعتا بوشا.... ليكي وليه انا ما عاد اسمحلك تحكي عليي وتطولي لسانك معي ابداً فهمانة ولا لا
هديك النورية بتنفلت على عالية... له يا أم نص لسان له طلعتي مالك قليلة وبتهددي كمان.... بترفع اصبعتا بوشا وبتقرب عليها بتخوفا يعني.. ليكي وليه انتي بدك تحملي حالك وتنقلعي من هون بالحسنا والا صدقيني راح طالعك من بيتي بفضيحة الها اول مالها آخر فهمانة
لا مالي طالعة وجكارة فيكي قاعدة على قلبك اصلاً كنت رايحة بس بالجكر فيكي بطلت... بترجع ع اوضتا وبتفوت وبتحط الشنتاية وبتقلا مشان تجاكرا... وهاه وهي قعدة
وليد بيعصب على عالية وببهدلا... عالية انتي شو هاد يلي حكيتيه مع اختي وشو هالتصرفات هي مو عيب عليكي
بالله شو انا يلي عيب عليي ولا انتو يلي العيب راكبكن من ساسكن لراسكن وخصوصاً انت اصلاً مالي طايقتلك كلمة ولا بدي اسمع صوتك
شو هااااد شو قلتي
اي متل ما سمعت وبزيدك من الشعر بيت انك واحد خروق ومالك طعمة مالك رجال يعني
شو قلتي ولييييييييييه بيروح بيضربا كف قوي
هديك اختو بتسكت وبتهرب ع اوضتا وبتسكر الباب
عالية بيجن جنونا وبتنكت كل شي
لك انت واحد واطي وحثالة واصلاً انا حمارة وبدي لئ بستين صرماية لاني ماسمعت كلمة امي يلي عرفتك ع حقيقتك من اول نظرة لك ويلي عرفتو انا اكتر واكتر لك الله لا يوفقك ما بكفي معيشني بقلة وعاملني خدامة الك ولاختك وانا حامل وبطني لحلقي ونسونجي ونس فكرك ما بشوفك انت ورفقاتك شو بتعملو لك اااااااااخ يا امي يا ريتني سمعت كلمتك
وليد صفنان فيا وساكتلا
عالية بتكمل... لك بيعتني دهباتي يلي جايبتلي ياهن امي ويلي لبسني ياهن خالي وكل شي معي مصاري اخدتون على قولة مدايق ومافي معي حبيبتي معك تعطيني شي لبين ما اقبض برجعلك ياهن لك وشو بكتشف انو حضرتك ما بتشتغل اصلاً وعايش عالة على اخواتك شي من جمانة وشي من جيهان هادا غير انك متزوج سبع مرات زواج عرفي وشفت الصور يلي محتفظ فين بألبوم مخبيه وانا بالصدفة طلع بأيدي.... اااااااااخ شو بدي احكي لاحكي لك اااااااااخ من اول ما تزوجتك كرهتك لانك دغري انكشفت بس ضليت مثل السعادة قدام امي من خوفي عليها ليصرلا شي ومن خجلتي منها ومن حالي على اختياري يلي اصريت عليه وطلع غلط بغلظ بغلظ
وليد بكل هدوء وهو مكتف ايديه.... خلصتي؟
بعصبية وهي عم تبكي وتكمل حكيا.... لااااااا ما خلصت لسى في بلاوي ما بتخلص وكل ما دق الكوز بالجرة ليش حبلتي مو وقتو هلأ ما بدي ياه ما حدا قالك تحبلي وكأنو انا حملت لحالي...... عالية بتحط ايدا ع بطنا وبتبكي بترفع راسا بزعجة وبتعلي نبرتا ليك بدك تتغير وتصير رجال وتاخدلي حقي من هالنورية اختك
هون وليد بيرفع ايدو وببلش ضرب بعالية بأيديه ورجليه ورفس وكل انواع الضرب بأيديه وبرجليه ع وشا وع كل جسما بعد ما وقعا بالأرض وضل يضربا وهو عم يقلا.... شو يا واطية انا اختي نورية لك لكن انتي شو اااااه شو انتي يلي اول ما التلك تتجوزيني ركدتي وقعدتي بحضني ما صدقتي هي شو اسما فلتنة ولا مو فلتنة ااااه شو... وبيكمل ضرب وعالية عم تتوجع وتصرخ بس هو ولا هو هون عم يضربا بغلللللللل....... بتطلع اختو من اوضتا وبتركض لعندون ع صوت صريخ عالية وبتلاقي وليد نازل فيا بتموت من رعبتا وبتبعد وليد عن عالية وهي عم تضربو.... لك يا حيوان الله لا يوفقك لح تروحا للبنت بعد عنا بعد يخربيتك من حالك
بكل برود وليد بيطلع بعالية وبيقول لاختو... اي نشالله عمرا بحفض رجلي خليا تتربى بلكي بتعرف شو عملت هالواطية تفه عليكي بيقولا لعالية وبيحمل حالو وبيطلع من الاوضة
عالية بالأرض وجيهان عم تحاول تساعدا
......................
