الارشيف / قصص من الواقع

قصة عالية - المرحلة الرابعة ((5)) - 1

حنان حاضنة عالية يلي عم تبكي وبحرقة جمب غرفة العناية المشددة في احدى المستشفيات
الدكتور كريم واقف على بعد خطوات منهن عم يتابع عالية بنظرات حزينة
حنان بتلاحظ وجود كريم
كريم بيأشرلا بأصبعتو انو هوس
حنان بتفهم عليه وما بتعلق ع القصة
عالية بتبعد عن حنان وبتمسح دموعا
حبيبتي عالية شو صار لأجيتو لهون شبها خالة؟
عالية بترجع بتبكي وبتقول... لك الله لا يوفقو 
حنان بتستغرب... مين هاد؟
وليد الحقير
يبعتلو حمى شو جابو ع بالك هلأ 
لأنو هو السبب الله لا يسامحو الهي
تعي تعي احكيلي بيروحو بيقعدو ع كرسي جمب غرفة العناية
عالية عم تحكي لحنان شو صار وكريم عم يتابعون من بعيد وحنان كل شوي تطلع عليه
بهل اثناء بيطلع الدكتور من غرفة العناية وفوراً كريم بيركض لعندو
خير دكتور طمنا
عالية بتتفاجأ بوجود كريم وبتطلع بحنان
كريم بحاكي الدكتور بلهفة... خير دكتور طمنا شو صاير مع الحجة
الدكتور... مين حضرتك
كريم برد بثقة.. انا قرايبها ودكتورا الخاص
اي يعني بتعرف شو معا طالما انك دكتورها الخاص
اي اكيد بعرف.. بس بدي اعرف شو يلي وصلا لهون
صاير معها صدمة عصبية بالإضافة لمرضها ويبدو انها متعبة حالها كتير فا كلو اجا مع بعضو وصار معها هبوط حاد بالدورة الدموية
عالية عم تسمع وتبكي وهي مسنودة ع حنان مو ادرانة توقف ع رجليها
الدكتور بيتابع... بس الحمد لله هلأ هي بخير وتجاوزت مرحلة الخطر بس لازمها مراقبة 24 ساعة وممنوع تشوفوها
ما ع قلبا شر
بيحمل حالو وبيمشي
الدكتور كريم بيلحقو
حنان بتاخد عالية وبيعدو ع الكرسي... روئي حبيبتي هي الحمد لله اطمنا عليها ما اسمعتي شو قال الدكتور هي بخير وتجاوزت الخطر
عالية بتتنهد وبترفع راسا للسما.... يااااارب
كريم عم يحاكي الدكتور.. بس بدي اعرف كيف حالتا بالنسبة لمرضها
والله ما بخفيك دكتور حالتا سيئة والمرض منتشر ولازما راحة تامة وتكمل علاج وما توقف ابداً والباقي على رب العالمين
بحزن... ونعم بالله شكراً دكتور
العفو عليها العافية نشالله
الله يعافيك
الدكتور بيروح
كريم بضل جمدان بمحلو وعم يصفن بالأرض بعدين بيستجمع قواه وبيروح لعند عالية وحنان
بيحاكي عالية والابتسامة ع وشو... نشالله خير عالية لا تخافي عليها الحجة قوية ماشالله ورح تتعافى وترجع ع بيتا بإذن الله 
بترد عالية بدون ما تطلع فيه... نشالله 
...........................
بيمر وقت وعالية وحنان بعدون قاعدين ع الكرسي جمب غرفة العناية
الدكتور كريم جاية ومعو كيس مليان شيبس وسندويشات باردة وكولا وعصير ومي بيفتح الكيس وبيعطي عالية وحنان لياكلو
يلا اتفضلو صبايا من الصبح ما اكلتو شي
شكراً مالي ادرانة كلو انت وحنان
لااااا ما حزرتي بدك تاكلي
اذا بتريد لا تلح عليي مابقدر حط شي بتمي قبل ما شوف ماما بعيوني واسمع صوتا عن تناديلي
نشالله شوي تانية بتشوفيا وبتطمني عنها بس انتي كلي لقمة بالاول
حنان عم تحاول معها... اي يلا عالية كلي حبيبتي مشان تقدري توقفي ع رجليكي
كريم بيستأذن... انا رايح جيب فنجان قهوة  حدا بيحب جبلو معي
عالية وحنان لا شكراً
بيروح كريم
حنان بتقرب ع عالية... اي طيب وما التيلي شبدو هداك الحقير ليش اجا؟
قال بدو ياني اتنازل عن متقدمي ومتأخري
لعمى شو حقير 
اي
طيب هو مو كان محبوس شو طالعو
موكل محامية واطية متلو وطالعتو بسند كفالة
اي
ولازم يدفع المتقدم والمتأخر والا بيرجع بينحبس بس قال هو ما معو مشان هيك بدو ياني اتنازل
وانتي شو قلتيلو
ما لحقت جاوبو شي لانو وقتا اجت امي وشافتو ووقعت بالأرض يعليي عليها
ييييييييي.... طيب والواطي شو عمل لما شافا بالأرض
هرب... رفعت راسي عم بطلع ع الباب ما لقيتو شمع الخيط وهرب طبعاً جبان وواطي من طول عمرو
يخربيتو من حالو لك لعمى ع القليلة يساعدك
كلب يا اختي وبعدين مابدي منو شي بس يحل عني لك بكرهو وبكره الأرض يلي بيمشي عليها بس هلأ صرت احقد عليه واذا شفتو بدي نتفو تنتيف بسناني
روئي عالية مو مستاهلة تهزي بدنك مشان هيك واحد حثالة
كريم بيجي ومعو فنجان قهوة
تفضلوا صبايا
شكراً وصحة وهنا
اتفضلي عالية
يسلمو مو ع بالي
............................
بيمر وقت طويل وكلن قاعدين جمب غرفة العناية
بينفتح الباب وبيطالعو تخت متسطحة عليه ام عالية
بتركض عالية على امها.. ماما حبيبتي ما ع قلبك شر تؤبريني بتمسك ايدا وبتبوسا
ام عالية مبين عليها التعب بس شافت كريم اطلعت فيه وابتسمت بفرح
كريم... ما ع قلبك الا العافية يا حجة
حنان... سلامتك خالة
بياخدو ام عالية ع غرفتا
الدكتور طالع وراها... اطمنو يا جماعة الحجة بخير وصارت تمام ونقلناها ع غرفة عادية فيكن تطلعوا لعندا.. سلامتا نشالله 
شكراً دكتور 
عالية بترجعلا الضحكة وبتروح ورا امها
ووراها كريم وحنان
.......................
بعد شي ساعتين تلاتة بالغرفة عند ام عالية
كلن قاعدين حواليها وهي نايمة
بتصحى من النوم وبتنادي لعالية بصوت يادوب طالع
عالية... عالية
اي ماما انا هون يا عمري الحمد لله على سلامتك يا ست الكل... بتاخد ايدا وبتبوسا وبتضل ماسكتا
الله يرضى عليكي
أمريني يا نور عيوني يا امي
ما يؤمر عليكي ظالم تؤبريني
بدي مي بس
تكرمي من عيوني
الله يرضى على اسمك
بيمر وقت والكل قاعد عند ام عالية بالمستشفى
بيمرق لعندا الدكتور بيفحصا وبيطمنن عنها انو صارت تمام وفيا تطلع بكرة الصبح
عالية بتطلب انها تبقى بالمشفى كم يوم لتصير منيحة مشان تطمن عليها تمام
بس ام عالية بترفض وبتطلب من الدكتور يخرجها من هلأ بس هو بيصر على كلامو انو بكرز الصبح وبيطلع من الغرفة
عالية بتحاكي امها... لك ماما شو صرلك ليش بدك تطلعي لسى ما تحسنتي منيح الله يوفقك لا تعملي هيك
بنتي انا الحمد لله بخير بعدين ما بقدر ع المستشفيات بموت ع البطيئ والله
لك بعيد الشر عنك يا روحي
الله يرضى عليكي
الدكتور كريم وحنان قاعدين ع الكرسي جمب التخت
.......................
تاني يوم الصبح ام عالية عم تحضر حالا للخروج من المستشفى
بيجي الدكتور وبيشق عليها وبيكتبلا ع الخروج
عالية وامها وحنان بيطلعوا وبيوقفو ع باب المشفى فوراً بيجي كريم بالسيارة وبوقف ع الباب تمام بينزل وبيساعد ام عالية وبيطالعا قدام وبتركب عالية وحنان ورا
بيوصلو ع بيت ام عالية.... 
كريم بيستأذن وبيروح
وحنان بتبقى
كريم طلع من باب البناية ورايح ع السيارة
وليد عم يراقب كريم وبيت عالية
.....................
بيمر وقت وبصير المسا
حنان بعدا عند عالية بالبيت
عالية حبيبتي قومي نامي انتي انا بدير بالي ع خالتو واذا بدا شي انا بجبلا
لا مابدي نام بدي ضل حد امي
قومي تؤبريني واسمعي الكلمة هي انا متسطحة وعين الله عليي مافيني البلا واذا بدي شي بقول لحنان الله يرضى عليها
لا
قومي امي قومي يلا
ماما مالي نعسانة ومابدي قوم
تؤبريني طيب لا تنامي بس اتسطحي وريحي جسمك
طيب رح حاول
اي حبيتي حاولي ترتاحي وهي انا هون اطمني
عالية بتفوت ع اوضتا وبتتسطح
ام عالية بتدردش مع حنان
اي بنتي شو ما بدنا نفرح فيكي عالية قالتلي انك مخظوبة من فترة وخطيبك ابن عمتك بكون
اي صح خالتو وو كان مسافر وهلأ اجا مشان نكتب الكتاب والصراحة كنت بدي اعزمكن ع حفلة كتب كتابي وقت كنا جايين لعنذكن انا وكريم بس صار يلي صار الله يعافيكي يارب
تسلميلي
طيب وايمتى الحفلة؟
الخميس الجاية نشالله 
وين رح تعملوها
الصراحة خالة بالبيت ع الديئ يعني هي مقتصرة ع الاهل والقرايبين ورفقاتي ورفقات زياد المقربين كتير
اسمو زياد
بتبتسم بخجل.... اي
الله يوفقكن يارب... وعبال عند بنتي عالية لما شوفا ببيت جوزا متهنية ومبسوطة يعليي عليها... الله يبيض بختا يارب وشوفا عروس قبل ما موت
يوه خالة ليش هيك عم تحكي الله يطول بعمرك يارب
منيح يلي ما كانت عالية سمعانتك
عالية بغرفتا وبيرن موبايلا وبترد بدون ما تطلع على الرقم 
الو
يا اهلين
بتستغرب الصوت.. كانو ما عرفت مين المتصل
ايوا
الحمد لله
شكراً الك
عفواً بس مين معي؟
آااااااا اهلين دكتور 
استغربت
عفواً بس مالي مسجلة الرقم بعتذر
اي والله
الف الحمد لله منيحة
اهلا وسهلا بتشرف
هلأ اي لحظة بسأل ماما
ثواني خليك معي اذا بتريد
بتروح لعند امها وحنان وبصوت واطي بتحاكي امها وبتحط الموبايل ورا ضهرا قال يعني مشان ما ينسمع شو عم يحكو.... ماما الدكتور كريم معي ع التلفون وقال بدو يجي هلأ 
يوووه وانتي جاية تسأليني كمان يا عيبشوم هاتي التلفون لشوف.... بتعصب منا وبتاخد الموبايل
الو اهلين دكتور لا تواخذني بنتي اتلبكت وماعرفت شو تحكي ((عالية بتطلع بأمها وبتجن من كلاما وبتصير تنفخ وتأشر بأيدا وتدبك ع الارض اوووووف منك ماما اوف))
يا مية اهلا وسهلا فيك بأي وقت البيت بيتك يا عيبشوم منك
لا مافيا ازعاج ناطرينك يا اهلا وسهلا
الله معك مع السلامة
لك يا امي ليش هيك عملتي لك خجلتيني وطالعتيني بنت صغيرة وهبلة قدام الزلمة
حنان بتطلع بعالية وبتضحك من تحت لتحت بس ماحدا بينتبه عليها 
ام عالية بتقوم ع حيلا متل الحصان ولا كانو فيا شي
خرسي وليه وسدي حلقك وفوراً فوتي البسي شي مرتب وزبطي حالك بلا ما يجي الزلمة يشوفك بهل منظر
اوووووووف ماما اوف
بتنزعج وبتروح ع اوضتا
حنان بتطلع بأم عالية باستغراب
................... 
يتبع

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا