عالية بعد ما فاتت ع اوضتا ام عالية قامت ورتبت البيت شوي وغسلت وشا ولبست وقعدت تستنى ضيفها الدكتور كريم
بتطلع عالية من اوضتا لابسة شي مرتب متل ما قالتلا امها
بتجي لعند امها وبتسألا ببرود... منيح هيك هادا مرتب متل ما أمرتي
دوري لشوف
لك شو دور شو لابسة فستان كلوش انا
خرسي ودروي
بتدور عالية
اي ماشي حالو اي بس طويلة كتير الكنزة وعريضة مو حليانة فوق البنلطون يعني مالك بالشارع انتي لتلبسي مستر لهي الدرجة
ما دخل شارع ولا مو شارع المهم في رجال غريب متلو متل اس واحد ماشي بالشارع
وضريب بلا أدب
لك شو حكيت
بالله حنان انتي احكمي انا حكيت شي غلط
ما بعرف والله خالة ادرى... وبتضحك هههه
ما أغلظك حنان 
حنان بتطلع بأم عالية وبتضحك 
وبتقوم بتوقف وبتحط شنتايتا ع كتفا... اي خالتو بتوصيني بشي انا بدي امشي حاجتي
لك لوين رايحة عدي هلأ بيجي قرايبك
لا خالتو مابقدر اتأخر خطيبي جاية لعنا بدنا نرتب لكتب الكتاب
اي حبيبتي نشالله بالهنا يارب.. وبتطلع بعالية 
حنان اني كتب كتاب هادا وليه؟؟
لك تؤبريني والله كنت بدي خبرك بس يلي صار نساني اسمي بس انا حكيت لخالتو وقت كنتي متسطحة بأوضتك
بسيطة يا حنان انا آخر من يعلم ما بسيطة
لك بلا لا تعملي هيك جد مو بقصدي
ههههه ولوووو عم بمزح معك ونشالله الف الف الف مبروك تعي هاتي بوسة... بتقرب وبتحضنا وبتبوسا
يلا بخاطركن يا جماعة ومعافاية خالة ما ع قلبك شر يارب
تسلمي حبيبتي الله معك سلمي ع خطيبك وع اهلك كتير السلام
بيوصل خالة
عالية بتروح معا ع الباب بتودعا وبتسكر الباب وبترجع 
بتسأل امها وهي مستغربة وكأنها اتذكرت شي.... ماما صحي هلأ مو الدكتور كريم كان المفروض يسافر اليوم الفجر وقتا انتي عملتيلو العزيمة مبارح ع هادا الاساس
ممممم اي ونحنا شو دخلنا سافر اليوم ولا ما سافر يسطفل هو بيعرف مصلحتو اكتر مني ومنك
عم بسأل سؤال شو حرام يعني
اي حرام
يوه مين حرمو
انا
ههه تؤبشيني يا احلى ماما بالكون... بتجي وبتحضنا من راسا وبتبوسا بقوة ((بغلاظة يعني))
ام عالية بتدايق منا وبتبعدا.. لك ايييي وليه بعدي وضريب وجعتيني
سوري مامي
ينطحك توري اي
خخخخ اي موافقة
حاج بياخة و روحي شئي ع اليبرقات اذو سخنو 
يييي لك ماما انو يبرق هاد
يبرقات مبارح لما اجا يلي ما بيتسمى ونزع علينا العزيمة كلا يعدمني اسمو
انسي ماما
صحي يييي نسيت اسألك شو بدو هل كلب
مابدو شي طنشي وانسي
لا مو ع كيفك بدي اعرف شو بدو
ماما التلك ما بدو شي
بنبرة حادة... عالية
نعم ماما
عالية
بلاها ماما الله يوفقك لا تنزعي مساكي ومسانا هلأ خلينا رواق ونقدر نستقبل الضيف ونحنا مبتسمين ع الاقل
بيرن الجرس
عالية بابتسامة عريضة... هاه ابن الحلال عند ذكرو بيبان هي اجا الدكتور روح افتح؟
ماشي عالية بس لما بيروح بدك تحكيلي كل شي فهمتي؟
حاضر ماما بأمرك بس هلأ شو روح افتح؟ 
لك اي لكن شو بدو يضل واقف ع الباب ركدي خلصيني
عالية بتروح وبتفتح وهي مبسوطة انها خلصت من سؤال امها على امل تنسى وما تتذكر تسأل مرة تانية عن الموضوع
يا اهلين تفضلو
ام عالية بتسمع وبتستغرب... اتفضلوووو 😮😮
....................
عالية بتجي لعند امها وبيحكو بالهمس
لك ماما تعي ما عرفت شو اتصرف
لك شوفي مين اجا يعني مين هدول يلي اتفضلو
الدكتور كريم وفي معو وحدة
ما عرفت شو اتصرف فوتون ع اوضة الضيوف
ومابعرف اذا في غبرة ولا لا انا صرلي شي يومين تلاتة ما فتت عليها
ييييي ولي عليكي يا عالية
طب ماما شو اعمل اتلبكت وما عرفت شو ساوي والجماعة واقفين ع الباب
زيحي هيك لروح شوف مين هي يلي مع كريم
بتروح بترحب فين
يا مية اهلا وسهلا نورتو
اهلين حجة تسلمي هادا نورك
الله يرضى عليك
بتقرب وبتسلم ع الضيفة يلي مع كريم.. اهلا وسهلا شرفتي... صارت تطلع فيا من فوق لتحت والفضول عم يقتلا لتعرف مين هي
بتنادي لعالية
عالية تعي ماما
بتجي عالية وبتفوت وبتسلم ع الضيفة اهلين وسهلين نورتي
كريم.... حبيبتي نورا هي عالية يلي حكيتلك عنها
ام عالية بيطق مخا انو شو حبيبتي وكذا وجايبا لعندا كمان... بيقلا عقلا تقوم تقلعن بس بتعمل حالا مو مهتمة وهي حتطق وطبعاً عالية مو فهمانة شي ومو فارقة معا
اي حبيبي ماشالله عليها لذيذة
ام عالية بتحاكي حالا.... حبك برص الهي قال اي حبيبي لذيذة.. وضريب يلي ياخدك
بنبرة حادة... عالية
بتننتر عالية من رعبتا حاضر ماما... قومي جيبي القهوة لضيوفنا
اي حاضر ماما بتطلع عالية من غرفة الضيوف
ام عالية بتطلع بكريم والبنت يلي معو بطرف عينا.... وبا يئشك ئش ع قولة أمي الله يرحما... أبوس روحا شو كانت فهيمة
كريم بيقطع سلسلة افكار ام عالية.. اي حجة بدي احكي من الآخير وبدون مقدمات وعلى بساط احمدي انا واختي نورا جايين نطلب ايد عالية من حضرتك اذا ما عندك مانع
ام عالية بيبرقو عيونا برق من الفرحة
وعالية بتكون ع الباب رح تفوت بصينية القهوة بتقوم بتوقع من ايدا وبتنكب كل القهوة بالأرض
كريم وام عالية بيركدو ع الصوت
كريم... خير خير خير صرلك شي
لك شو صرلك لك بنتي
اتفركشت ماما ما صار شي
اي بسيطة حجة لا تدايقي اصلاً دلئ القهوة فال خير هيك بيقولو وبيبتسم بوش عالية
عالية بتستأذن
عن اذنكم 
كريم.. اتفضلي اذنك معك
ام عالية... ما صار شي خير كلو خير بإذن الله اتفضل دكتور اتفضل ارتاح مطرحك هلأ برجعلكن خدو راحتكن يا مية اهلا وسهلا البيت بيتكن
صارت تطلع بأخت كريم وتبتسم تغيرت نظرتا ومعاملتا 180 درجة لما عرفت انها اختو
بتروح ورا بنتا... لك شو صرلك وليه
ماما شو هادا يلي اسمعتو
شبو يلي اسمعتيه انا شايفة انو احلى شي اسمعتو من سنين الدكتور كريم مافي منو وما بينعاب بالمرة ولا حضرتك الك رأي تاني
لا ماما بس انا مالي مفكرة بهيك موضوع بالمرة
عالية
ماما اذا بتريدي لا تصري لانو هي حياتي ما بصير انتي تختاريلي ياها والصراحة انا اخترت عيش حياتي معك وبس
عالية هالمرة مارح اسمحلك تعملي متل ما بدك انا يلي بقرر
ماما بس هي حياتي
شفناكي لما تركتك تقرري وتختاري حياتك بنفسك شو ساويتي بحالك وفيني
عالية بتنقهر من كلام امها وبتحط راسا بالأرض وبيدمعو عيونا
بتجي امها وبترفعلا راسا من دئنا..... عالية انا ما حكيت هيك لتوطي راسك بالعكس انتي بنتي وانا بعتز فيكي كتير ويلي صار كان مقدر ومكتوب والحمد لله على كل حال
بس انا كل يلي بدي ياه منك انك تسمعي كلمتي هالمرة وتوثقي فيني انا امك وما بريد غير مصلحتك
بقى ارفعي راسك لفوق وافتخري بحالك وتعالي ورايي تؤبريني اوام
حاضر ماما
بيروحو ع اوضة الضيوف
يا مية اهلا وسهلا ولا تواخذونا
عالية بتقعد جمب امها
كريم بيطلع على عالية وبيبتسم
اي حجة منكمل كلامنا يلي كنا عم نقولو قبل ما تندلئ القهوة
ههه اي اتفضل
كنت عم قول لحضرتك اني جاية اطلب ايد بنتك عالية اذا ما عندكن مانع ولهيك جبت اختي نورا معي واجلت سفري وحاكيت ماما وخبرتا وهي جاية بعد بكرة من فرنسا لانو هي عايشة معي هنيك يعني مشان الاصول انو الوالدة تجي وتتعرفي عليها حضرتك وتحكو بالتفاصيل طبعاً اذا كان جوابكن ايجابي وبتمنى من كل قلبي يكون هيك
ام عالية... نشالله خير يارب الله يقدملكن يلي فيه الخير 
آمين يارب
نورا اخت كريم..... اذا بتسمحولي انا بدي احكي شغلة عن كريم... 
ام عالية بترحب بابتسامة عريضة.... اتفضلي حبيبتي خدي راحتك
كريم اخي الحقيقة قليل كتير ما يعجب بحدا ويطير عقلو لهي الدرجة الصراحة عالية كتير عجبتو وانا بعرف اخي كتير منيح
عالية بتخجل كتييييييييرررررر 
بتكمل.... وع فكرة كريم اسم على مسمى والله هو الكرم كلو الله يرضى عليه ونشالله يا عالية ما بتكوني الا رضيانة بس في جزئية مهمة لازم تعرفيا عن كريم بفضل هو يحكيلك ياها
شكراً حبيبتي.... هو الصراحة انا بحكم اني طلعت كمل دراستي بفرنسا يعني من عمر صغير وانا هنيك تقريباً كنت بالـ 22 سنة يعني شب أول طلعتي فا متلي متل اي شب علقت بوحدة فرنسية واتزوجتا
هون ام عالية ببرقو عيونا وبتبحلق فيه وبتطلع بعالية وهديك بترفع حواجبا
بس هو بتابع.... طولي بالك حجة هادا الحكي من 18 سنة تقريباً وهلأ نحنا منفصلين تماماً ومن زمان
نورا اختو بتحكي..... اصلاً هنن اتزوجو زواج ع الورق بس مشان الإقامة وهيك قصص بذكر
اي صح
ابني شوف انت مافي منك ويعلم الله قديش حبيتك وارتحتلك بس في شغلات لازم تعرفا عن وضع بنتي عا....
بيقاطعا وبكل ثقة... حجة لا تعذبي حالك انا بعرف كل شي عنا وعلى علم بكل يلي مرقت فيه وما عندي اي مشكلة بشي وبالعكس متمسك فيا لابعد حد وبيطلع فيا بحب
عالية بتنبسط بالحكي وبتحس بخجل وسعادة سوا
امها مذهولة ومبسوطة بنفس الوقت
.......................
يتبع