تحدى الإعلامي محمود سعد وزير الكهرباء لخوض التحدى الأشهر عالميًا فى الوقت الحالي "تحدى الثلج"، حيث رشح سعد الدكتور محمد شاكر وزير الكهرباء لذلك الأمر.

وقال سعد فى برنامجه "أخر النهار": "انا كنت عايز أدلق على نفسى تلج واتحدى وزير الكهرباء يبطل قطع الكهربا بكرة لو قطعها يبقى انا هدلق على نفسى التلج".

وتابع سعد: "فيه ناس بتهزر بالمياه وفى ناس مش لاقيا كوب مياه، احنا عملنا تقارير كتير السنين اللى فاتت عن ناس بتشرب من مياه ما يعلم بيها إلا ربنا، أومال الناس عندها كبد ليه وأمراض ليه، الحكاية أصلا مش محتاجة هزار".

جدير بالذكر إن حملة "تحدى الثلج" أطلقتها جمعية ALS لمكافحة مرض ضمور الأعصاب والعضلات، وتهدف الحملة إلى جمع التبرعات للتوعية بمخاطر هذا المرض، وقد خاض التحدي العديد من المشاهير العالميين.

ومن المتبع أن يقوم كل شخص بخوض "تحدي الثلج" باختيار ثلاثة أشخاص آخرين يتحداهم لخوض التحدي خلال 24 ساعة فقط، وإلا سيتعين عليهم دفع 100 دولار لصالح جمعية "ALS".