وجه الشاعر أمير طعيمة رسالة للفنان حميد الشاعرى عبر صفحته الرسمية بموقع فيسبوك بمناسبة عيد ميلاده ال52, حيث كتب له رسالة حب وتقدير لتاريخه الفنى وشكره على مساعدته الكثير من الموهوبين فى مشوارهم الفنى وذكر أنه واحد من تلك الأشخاص الذين ساعدهم الفنان حميد الشاعرى :

" رغم اليأس و الاحباط و كل اللي احنا فيه، أنا حابب أقول للفنان الكبير حميد الشاعري كل سنة و انت طيب. حميد الشاعري اللي ليه - بعد ربنا - فضل علي أجيال مش جيل واحد و أنا واحد منهم، حميد الشاعري وقف جنب مئات الموهوبين و كان سبب ان يبقي فيه صناعة اسمها الموسيقي بداية من التمانينات لما كان معظم الشباب بيتجهوا للأغاني الغربية فقط.
أخويا الكبير و أستاذي وأستاذنا جميعا، أنا ندل ومقصر ومش جدع وبقالي مدة ما سألتش عليك، بس أنا بحبك قوي وعمري ما هنسي كل حاجة عملتهالي و هتفضل فوق دماغنا جميعا يا نجم ".

ونالت رسالة طعيمة إعجاب عدد كبير من جمهوره، فمنهم من كتب معلقاً " انت بجد محترم ومش ناكر الجميل لان فى ناس لما ربنا بيكرمهم بينكروا جميل الناس اللى وقفت جنبهم ربنا يوفقك وكل سنه وهو طيب ".

الرابط الإلكترونى لرسالة الشاعر أمير طعيمة للفنان حميد الشاعرى
https://www.facebook.com/photo.php?fbid=678514472182950&set=a.195389830495419.46240.193373680697034&type=1