عبَّر الشاعر الغنائي أمير طعيمة عن غضبه واستيائه من الأفلام السينمائية المنتظر عرضها في موسم عيد الأضحى المبارك القادم، وتحديدًا تلك التي يشرف على إنتاجها عائلة السبكي الإنتاجية.

وكتب طعيمة عبر صفحته الرسمية على موقع التواصل الاجتماعي فيسبوك ينتقد أفلام السبكي، والجمهور الذى يذهب لرؤية هذه الأعمال التى يغلب عليها الطابع الشعبي من مهرجانات وغناء ورقص، وخاصة بعد تعاقد السبكى مع فريق "شبيك لبيك" الشعبي صاحب أغنية المهرجانات الشهيرة "مفيش صاحب يتصاحب".

وكتب طعيمة قائلًا: "طول ما في جمهور بيخلي الأفلام دي تجيب إيرادات، طول ما الأفلام دي هتفضل موجودة، أو الفيلم ده، لأن هو نفس الفيلم تقريبًا بيتعرض كل عيد صغير وعيد كبير بنفس الناس تقريبًا مع كل ما يستجد على الساحة من راقصات أو بتوع مهرجانات".

وأضاف: "الحل في رجوع الطبقة المتوسطة اللي كانوا بيوفروا من مرتباتهم جزء بسيط يروحوا يسمعوا أم كلثوم وعبد الوهاب وعبد الحليم وغيرهم، أو يحضروا مسرح لمدبولي وفؤاد المهندس وغيرهم وكانوا بيضحكوا برضه ويتسلوا".

وتابع: "منه لله كل اللي خلي تركيبة المجتمع المصري تسمح بوجود نوع زي ده من الفن وللأسف ليه مريدين. التعليم ورفع مستوي الطبقة الفقيرة وتقريبها من الطبقة المتوسطة هو الحل".

واختتم قائلا: "مبروك لخيري رمضان، العيال اللي فردت لهم وقت في حلقتك، دخلوا وشاركوا في العمل التاريخي ده كنوع من الطرشي والمخللات لفتح شهية ناس مبقوش بيستطعموا إلا النوع ده من الأكل، بقيتوا بتكرهونا في العيد". ‬