دافع المخرج عمرو سلامة عن الإعلامي أكرم حسني الشهير بأبو حفيظة، مستنكرًا هجوم البعض عليه بعد كشفه للكثير من المشاكل التي يعاني منها التليفزيون المصري، ولكن بطريقة نقدية ساخرة.

وكتب سلامة عبر حسابه الشخصي بموقع فيسبوك: "أكرم حسني وطاقم عمل أبو حفيظة قالوا اللي كلنا عارفينه وبنقوله كلنا عن تليفزيون الدولة.. استعجب من ناس سابت المرض وهاجمت اللي شخصه، مش رجالة في مواجهة المشكلة بس رجالة قوي على اللي شاور عليها، مش بينضفوا الزبالة اللي بتشوه سمعة مصر بس بيصلبوا اللي صورها علشان يوريهالنا علشان نشيلها.. حتى البرامج الكوميدية اللي مش بتتناول السياسة بشكل مباشر وبس بتنتقد بعض من الحال المايل".

وأضاف عمرو: "خلاص؟ عايزنا نشوف المجاري ونقول عليها جناين؟ نشوف الفضايح فنتكلم عن الإنجازات الملفقة؟ نشوف الجوع فنغني "قول هاتدي أيه لمصر؟" يا إما نسجد ونركع يا مش عاجب؟ متفهم أنكم مش قادرين إلا على البردعة، وكل ما تلاقوا بردعة مالهاش ظهر بتعملوا حفلة علشان تعرفوا تعلوا صوتكم لكن القليل من الخجل لا يضر... أبدًا".

تعود تفاصيل الواقعة حينما وجه أبو حفيظة نقدًا لاذعًا للتليفزيون المصري خلال حلقة برنامجه "أسعد الله مساءكم"، الخميس الماضى، على قناة MBC مصر، موضحًا تراجع التليفزيون المصرى في الفترة اﻷخيرة وانصراف المشاهد عنه لمشاهدة القنوات الخاصة.