شن الشاعر والمؤلف أيمن بهجت قمر هجومًا لاذعًا على الملحن محمد رحيم بعد مشكلة الأخير مع الملحن الشاب شريف بدر على خلفية تصريحات بدر بوجود أزمة ملحنين فى مصر، والتي نال بسببها كم كبير من السباب والشتائم من قبل محمد رحيم.
وكتب أيمن بهجت عبر حسابه الشخصي بموقع "فيس بوك": "وبعدين يا رحيم! مرة عمرو مصطفى ومرة وليد سعد ومرة الملحن الشاب شريف بدر! هو أنت مالك يا رحيم؟ من بعد أغنية مشاعر وانتخابات الجمعية اللي اترشحت فيها وما اتوفقتش وأنت مابتعملش غير خناقات مع شيرين ونانسي ونازل تنظير في زمايلك الملحنين وطول الوقت شايف نفسك أحسن ملحن في مصر وإنك السورس".
وأضاف قمر: "اللي بيقول على نفسه جامد بيبقى مش جامد ولا حاجة أو عايز يخلي الناس تفضل تاخد بالها أنه جامد وبيفكرها أنه جامد".
وتابع: "طب والله العظيم يا رحيم أنت مش أحسن ملحن ولا حاجة ووالله العظيم بقالك فترة مش مركز وخفيف وأنا عن نفسي عمري ما ركزت معاك ولو كنت شايف أنك أجمد واحد فعلا كنت اشتغلت أكتر معاك".
واختتم قمر رسائله: "أنا يمكن مارضيتش اتكلم ساعة عمرو ووليد عشان هما يقدروا يردوا وعندهم اللي يرد بجد عيب عليك تصغر نفسك كل شوية وبصراحة أخلاق شريف كبرته في نظرنا كلنا وشكرا".
وبعدين يا رحيم !مره عمرو مصطفى ومره وليد سعد ومره الملحن الشاب شريف بدر !هو انت مالك يا رحيم ؟من بعد اغنية مشاعر وانتخاب...Posted by Ayman Bahgat Amar on 6 نوفمبر، 2015