التزم الفنان أحمد عز الصمت أمس بعد الحكم النهائي في قضية إثبات نسب التوأم "عز الدين" و"زين الدين" طفلي النجمة زينة له، حيث حكمت المحكمة برفض الاستئناف الذي كان قد تقدم به، وقررت إثبات نسب التوأم له بشكل نهائي.

وخرج عز عن صمته اليوم وعلق على الحكم من خلال حسابه الشخصي بموقع تبادل الصور "إنستجرام"، وطمئن جمهوره مؤكدًا أنه راض بما كتبه له الله وأنه سعيد بما وصفه بـ"الابتلاء"، مضيفًا أنه يثق بأن الله سينصره عاجلًا أو أجلًا.

وفي نفس الوقت رفض عز التعليق على أحكام القضاء إلا أنه أصر على موقفة قائلًا: "وأقسم بالله العلي العظيم أني ماتجوزتهاش ولا رسمي ولا عرفي ولا شفهي ولا ثانية، وان شاالله يكون معاها 100 حكم و100 شهادة ميلاد برضه مش ولادي".

مساء الفل ياعيلتي واهلي، كتير سألوا عليا امبارح وانا باطمنكوا انا الحمد لله كويس وزي الفل وراضي باللي ربنا كاتبهولي كله، انا كمان مش بس راضي انا سعيد "بالابتلاء" اللي انا فيه عشان واثق في ربنا وفي نصره ان عاجلا او اجلا!!! وان اللي انا فيه ده ماهو الا رفع درجات بإذن الله. طبعا انا لا اعلق علي احكام القضاء ومش هاطلع اعمل دوشه ولا اتكلم عشان انا سايب حقي علي ربنا العادل الحق. اللي بقولهولكوا دلوقتي هو نفسه اللي بقوله من اول يوم في القضيه وهافضل أقوله لآخر نفس في عمري.. وبأشهد الله علي كلامي ده بل وأقسم بالله العلي العظيم "اني ماتجوزتهاش ولا رسمي ولا عرفي ولا شفهي ولا ثانيه وان شاالله يكون معاها ١٠٠ حكم و١٠٠ شهاده ميلاد برضه مش ولادي" بسم الله الرحمن الرحيم (ولا تحسبن الله غافلاً عما يعمل الظالمون انما يؤخرهم ليومٍ تشخص فيه الأبصار) صدق الله العظيم #احمد_عز #ahmedezz

A photo posted by Ahmed Ezz (@ahmedezzactor) on Jan 14, 2016 at 8:11am PST