التفتت عالية باتجاه الصوت يلي عم يناديلا واستغربت كتير وبنفس الوقت ما بتعرف بشو حست لما لقت انو يلي لاحقا وعم يندهلا هو وليد...
ابتسمت بدون ما تشعر
وصل لعندا وهو عم يركض
ماشالله عنك سريعة مبكي شي اذا فتي سباق بتكسبيه بسهولة
ضحكت بخجل بس انتبهت ع حالا وحاكتو بجدية
عفواً حضرتك شو بدك مني ليش لاحقني /في شعور جواتا مخليا مبسوطة وفرحانة يعني ما ادايقت لما لحقا بالعكس وما بتعرف ليش / عفواً لا تواخذيني بس اضطريت الحقك
بابتسامة خجل: ليش خير
مافي شي الله يجعلك بخير
مد ايدو ع جيبتو
بس نسيتي باكيت الدخان تبعك
انصدمت وادايقت واخدت الباكيت وانتترت وصارت تمشي بسرعة لحقا وشدا من ايدا: عم بمزح معك الباكيت كان حجة وانا لازم احكي معك ضروري حاسس انك بتعنيلي
ابتسمت بخجل وهي عم تطلع بالارض...
ابتسم وصار يطلع فيها نظرات حنونة
طيب ليكي منروح منشرب قهوة او كابتشينو بمكان هادي ورايق
ليش؟
التلك بدي احكي معك ضروري
بشو؟
لنقعد بقلك
طيب احكي هون
التلك لنقعد
ما بقدر
اذا بتريدي ضروري
كتير صعب ماما ناطرتني
اتصلي فيا وخبريا واذا بدك انا بحاكيا
ما معك موبايل
لا تاركتو مع ماما مشان اطمن عليها
طيب خدي حاكيا من موبايلي
شو الرقم؟
0933........،،،،،،،
الو ماما انا بدي اتاخر شوي صار معي شغلة ضرورية بس اجي رح بحكيلك... اوكي ماما لا تخافي عليي... باي حبيبتي
ابتسم واخد الموبايل منا ومسك ايدا
وقف تكسي وطلعو فيا
وصلو ع مكان كلو مطاعم وكافيات اختارو يقعدو بكافيه ع الطراز القديم و ع صوت فيروز
طلبو قهوة ☕
وضلو ساكتين شوي بعدين بلش وليد بالحكي
بتعرفي شو
عالية اطلعت فيه ورفعت حواجبا انو شو بدي اعرف؟
عجبتيني كتير
عفواً
اي لا تستغربي
حبيت اسلوبك وثقتك بحالك ونضجك رغم صغر سنك
شو عرفك بسني
مبين عليكي البراءة وانا روح قلبي البنات البريئة لانو تقريباً انقرضو
عالية سكتت وما عاد حكت ولا حرف
