بعد ما لبسو المحابس واحتفلو وشربو البيرة ورقصو كل مين مع رفيقتو او حبيبتو يعني كل واحد معو وحدة وعالية مع وليد يلي صار خطيبا وامها المسكينة عم تراقبها من بعيد بحزن... ام عالية الها وجهة نظر عندا احساس غريب تجاه وليد ما هضمتو ما ارتاحتلو ولا حبتو ابداً ابداً.. وكتييييييييررررر حاولت تخلي بنتا تغير رأيها لكن عبث ضلت مصرة عليه انو هادا هو الزوج المناسب وهالشي يلي خلا امها تضل بحيرة من امرها من موقف بنتا لانو متل ما هي ذكرت انو مافي شي بهادا البني ادم بيشبه احلام بنتا يعني عالية ما بتعحبا ولا صفة من صفات وليد ابداً ابداً لهيك ضلت شاكة ومستغربة ومذهولة وما عم تصدق انو بنتا اختارتو... نظرات امها الحزينة وبنتا عاليةعم ترقص سلو وهو عم يلزق فيا ويحاول يضما وهي تبعدو... كذا مرة تهم لتروح تاخدا من ايدا وتقلا امشي من هون وما تسمحلا تكمل هالمسخرة بس بكل مرة كان في شي يخليها ساكتة ويصبرا وهو ضحكة بنتا يلي ما شافتا من سنين ابتسامتا البريئة والخجولة يلي ارتسمت ع شفايفا لما لبسها المحبس وباسا ع خدا

عم تطلع عليها وتراقبا من بعيد والدموع بعيونا: الله يحميكي يا عمري ويبعد عنك ولاد الحرام ويسخرلك الخير تؤبريني... 
بتخلص الرقصة وبتقرب عالية من امها: شو ماما ليش واقفة هون عدي ع الطاولة مع رفقاتنا.. 
هدول رفقاتكن؟ انتي بتعرفي هي رفقات فلتانين.. 
هوووسسسس لك وطي صوتك ماما شبكي ليش هيك عم تحكي عنون لك عيب هلأ بيسمعوكي مو حلوة...
اي يسمعوني شو انا عم بظلمون شرب وسكر وفلتنةومباوسة وهنن مافي شي يربطن ببعض.. لك بنتي تؤبريني شو صرلك لك ليش هيك عم تعملي مو جوك مو تيبك هدول العالم الله يرضى عليكي فيئي من الغيبوبة يلي انتي فيا
لك ايا غيبوبة هي ماماااااا خلص لو سمحتي انا كبرت ومسؤولية عن اختياراتي وتصرفاتي لابقى تدخلي فيني رجاءً 
بتروح عالية بتعد معون ع الطاولة وبيكملو السهرة ضحك ومزح وامها واقفة بمحلا مذهولة ومقهورة ع بنتا وعلى يلي عم يصير معا 

بيقررو بعدين يتركو البار يلي قاعدين فيه لانو رح يسكر وبيتفقو يكملو السهرة عند وليد بالبيت
ام عالية بتنادي لبنتا: تعي 
شو ماما
شو نروح نكمل ببيتو؟؟!!! جنيتي انتي لك ما بكفيكن سهر
ماما ما تعملي هيك الله يخليكي 
لك يا بنت زوئي ع دمك لا تخليني اتعامل معك بأسلوب تاني انا لهلأ ساكتة ومحترمتك هاه بس وقت بدك تعملي شي ما بيناسبنا ولا بيناسب تربيتنا ساعتا مارح اسكتلك فهمانة
ماما خلص انا كبرت لابقى تعامليني هيك انا حروح معون اذا بدك تعي واذا مابدك روحي ع البيت وانا بعدين بجي 
حملت حالا ومشيت وتركت امها مصدومة فيا وما عم تصدق يلي عم تشوفو وتسمعو 
ماشيين كلن بين الحارات الساعة اربعة الفجر وصوت ضحكاتن السكرانة وطرطئة كعب كنادرون معبية المكان... 

ام عالية ماشية وراهن بقهر...

المرحلة الثانية الجزء (2)
 

[*] ضلو ماشيين لحتى وصلوا للباركينج يلي صافين فيه سياراتن بس طبعاً وليد ما معو سيارة فا وقف لياخد تكسي بس في وحدة معون نادتلو ليطلعوا معها بسيارتا وكانت سكرانة وعم تتلولح لولحة وحالتا حالة لهيك رفض وليد يطلعوا معا بس هي اصرت وقالتلو انو يجي يسوق هو 
[*] طيب اذا هيك ماشي لانو مستحيل خليكي تسوقي فينا بدك تروحي حالك انتي حرة بس انا مو مستغني عن حياتي وحياة عيلتي خطيبتي وحماتي وبيبتسم وبيطلع على عالية
[*] بتخجل وبتطلع بأمها
[*] مافي اي ردة فعل من ام عالية
[*] اي طيب سوق انت ما النالك شي وانا بقعد جمبك
[*] لا عدي ورا شو بيقعدك جمبي انتي لازم عالية تجي لجمبي
[*] بالله شووووو اول شي هي سيارتي وتاني شي مالي مضطرة اعود ورا مشان اي حدا مفهوم وحمود ربك اني ساكتلك ع القصة اصلاً 

[*] وليه شبكي عم تخبصي انو قصة هي يلي ساكتيلي عنا 

[*] قصة خطبتك المفاجئة يلي هيك صارت طب غم 
[*] خرسي خرسي انتي اكيد سكرانة ومالك عرفانة شو عم تحكي تضربي شو تافهة 
[*] بينزل من السيارة وبيترك الباب مفتوح وبياخد عالية من ايدا وبيوقفو تكسي 
[*] البنت بتنرل وبتركب محل السائق وبتسكر الباب بعصبية
[*] بسيطة يا دونجوان وليد انا بفرجيك
[*] بتشغل سيارتا وبتمشي

[*] بيوصل الكل ع بناية وليد وبيتجمعوا عند الاسنسير شوي وبيجي وليد مع عالية وامها
[*] ليكو من هلأ بدي نبه عليكن مابدي فضايح بالبناية واصوات عالية وضحك وصهصلة عم تسمعوا؟ والا بلغي الفكرة كلا وكل مين ع بيتو اوكي
[*] كلن بيهزوا براسون انو موافقين وبيحطو اصبعتن ع تمن انو هوس ما حيطلعو صوت 
[*] بيجي الاسنسير وبيطلعوا عالية واما ووليد بواحد ورفقاتو بالتاني
[*] بيوصلو ع الطابق وليد بيطالع المفتاح وبيفتح الباب ع مهلو وبيفوت ع روس اصبيعو وبخلي الكل يشلحو من رجلن مشان ما يطالعو صوت ما عدا عالية واما بضلو لابسين 
[*] بيفوتو كلن ع البلكون فيا طاولة وكراسي بلاستيك وكلن غبرة ووسخ 
[*] بس رفقاتو سكرانين ومو مبين معون شي فا بيعدو عادي بس عالية واما منتبهين وقرفو كتير وماقدرو يقعدو ووليد انتبه وراح جاب شقفة ومسحلون كراسيون وقعدو 

[*] لا تواخذونا امانة بس انا وبابا لحالنا ومافي مين يدير بالو علينا وع البيت 
[*] ام عالية بتتسملو ابتسامة صفرا
[*] صوت بينادي من جوات البيت
[*] ولاااا ولييييدد هادا انت؟؟؟ اجيت؟
[*] اي اي هادا انا بابا 
[*] وليش لهللأ يا جحش 
[*] ههههه بابا بيحب يمزح معي عادي 
[*] مين معك ولا مين جايب هالمرة يا بغل 
[*] ههههه عن اذنكن شوي وراجع خدو راحتكن امانة
[*] بتقوم عالية وبتوقف وبطالع باكيت الدخان من الشنتاية تبعا وبتسحب منو سيجارة وبتشعلا وبتوقف ع طرف البلكون بتتآمل بالسما والنجوم وبتسحب نفس عميق
[*] حلو الجو عنا ما
[*] بترتعب عالية.. بسم الله الرحمن الرحيم لك انت ايمتى رجعت مو فتت لجوا هلأ 
[*] هههه اي اجيت بس انتي ما حسيتي علي حياتي كنت صفنانة بالسما والنجوم والكواكب وفيني اكيد هههه 
[*] لك شو وينون رفقاتك 
[*] لك راحو من زمان 
[*] بس ما حسيت عليهن 
[*] اي راحو ع الهسي مشان ما يزعجونا

[*] مر وقت وعالية ووليد لساتن ع نفس الوقفة وعم يحكو ويضحكو ويهمسو بصوت واطي مو مسموع منو غير تمتمات وام عالية قاعدة ع الكرسي وعم تراقبن كل الوقت 
[*] ييييييييي لك جهجه الضو ولي اتاخرنا كتير ماما يلا قومي نروح
[*] لك لحظة لحظة شو تروحو هلأ مستحيل خليكن هلا بفوت ع اوضتي بزبطا شوي وبتنامو فيا وبترتاحو وبكرة بتروحو بقلب النهار احسنلكن
[*] عفواً شو ننام باوضتك!!!
[*] اي شو فيا خالة انا هلأ صرت صهرك يعني متل ابنك وهادا البيت بيت بنتك بالفترة الجاية نشالله 
[*] اي بس نحنا مابصير ننام هون ما منقدر لا مستحيل يلا بنتي 
[*] حجة طولي بالك صدقيني مابصير تروحو بهيك وقت ما بأمن عليكن رجاءً وافقي 
[*] اي ماما عنجد ماخرج نروح هلأ خلينا ننام وبكرة من الصبح بكير منرجع ع البيت بوعدك
[*] ام عالية بتزور بنتا 
[*] عالية بتطنش نظرة امها 
[*] وليد راح ورجع بسرعة واخدون ع اوضتو فتحلن الباب اتفضلوا نوم العوافي يارب لا تواخذوني اذا اوضتي مكركبة شوي مافي مين يساويلي ياها 
[*] ولا يهمك تصبح على خير 
[*] وانتي من اهل الخير حياتي باي
[*] بيفوتو وبسكرو الباب
[*] اقفلي الباب بالمفتاح عالية 
[*] اي ماما لحظة وهي قفلتو

[*] لك يا بنت انتي ليش هيك عم تعملي ليش عم ترخصي حالك لك ليش هيك دالئة حالك عليه دلئ ما بعرفك هيك لك بنتي شو صرلك تغيرتي 180 درجة لك ما عم اعرفك بالمرة
[*] ماما لشو هالحكي ليش انا شو عملت يعني كلو لانو حنام هالمرة هون شو فيا يعني هادا خطيبي وهادا بيت اهلو ويلي فيه بكونو اهلو يلي المفروض يكونوا اهلي انا كمان
[*] لك يا بنت مجنون يحكي وعاقل يسمع اني خطيب واني اهل عم تحكي عنون يلي ما منعرفون ولا بعمرنا شفناهن ولا حدا منون كلف خاطرو واجا وطلبك لهل مغضوب 
[*] اوووووووف ماما لا تحكي عنو هيك بعدين انا ما بهمني حدا ولا بدي اتعرف على حدا ولا ضروري يجو يخطبوني هو طلب ايدي وانا وافقت وخلصنا مابدا القصة تعقيد
[*] لك اااااااااخ بس يارب تخلصنا من هالقصة ع خير
[*] هلأ انا نعسانة ماما اختاري ع اي تخت بدك تنامي لنام ع التاني انا 
[*] ئييييععع ليش هي تخوت هي لك قسماً بالله شي بكشش البدن شراشف بتقرف وسخة وكلا بقع وريحتا بتقتل ولا المخدات ولي على آمتي يمكن من قرن مو غاسلينن ئيييييعع 
[*] هوووووسسسسس لك ماما وطي صوتك مو حلوة يسمعوكي
[*] اي صح معك حق مو حلوة يسمعو انون مئنتنين ووخمين 
[*] ييييييييههه ماما تصبحي على خير 
[*] عالية بتطفي الضو وبتنام