عالية بعدا جمدانة بالباب
بتفتح امها الباب مرة تالتة وبتفوت... ليكي عالية يكون بمعلومات بدك تطلعي معو رجلي ع رجلك وكل شي بتاخدي رأيي فيه وما بتتصرفي اي تصرف بدون موافقتي فهمانة؟؟ والا قسماً بالله ببعت خبر لأبوكي هو يتصرف معك عم تسمعي شو عم بحكي
بتضحك باستهزاء... أبي؟!!!!!!''''''' اي اب هاد يلي اتبرا مني لاني اخترت عيش معك؟ آاااااه شو ماما سكتي لاقيكي ردي جاوبيني هادا هو الأب يلي قصدك عليه؟؟ اذا عنو عم تحكي فا ما بهمني كلو ع بعضو لانو مابيعنيلي شي واصلاً انا ما عندي أب
خرسي وليه بضلو ابوكي هاد عيب

لا مابدي اخرس ومانو ابي ومو عيب وحزري شو لابقى تجيبيلي سيرتو اذا سمحتي امي انا مالي حدا بهالدنيا كلا غيييررررررركككككك فهمتي عليي.. والله يخليلي ياكي وما يحرمني منك يا اغلى ما بحياتي وبتقرب لعند امها وبتحضنا وبتبوسا ام عالية بتنرل دموعها متأثرة بكلام بنتا وبحضنا 
الله يرضى عليكي تؤبريني 
حبيبتي ماميتي الغالية انتي موووووااااااه بتبوسا بوسة بصوت 
يلا يا عمري تعي اتغدي انا لهلأ مت اكلت عم بستناكي
حاضر ماما يلا اصلاً انا ميتة جوع وشامة ريحة بموت عليها ليكون يلي ببالي بالك 
بتضحك ام عالية وبتطلع برات الاوضة وبتناديلا بصوت عالي... يلا عاليتي تعي امي متت من جوعي
حااااضر اجيت اجيت ييممممميييييي 
.........................................................
مر وقت بعد الغدا عالية وامها قاعدين عم يتفرجو ع التلفزيون ع فلم وعم يفصفصو بزر
عالية منجعية ع الكنباية وعم تفصص بزر ومدموجة بالفلم فجأة بتنتتر وبتحط ايدا ع رجلا عند جيبة بنطلون البيجاما وبتقوم 
وين قمتي ماما في شي 
لا مامي فايتة ع الحمام وجاية كملي انتي مشان تحكيلي يلي حيروحو عليي ماشي 
اي يلا... وينك عالية لا تطولي حلو الفلم هاه
اي مامي ع حسب الشئسما هههههه 
وضريييييب 
ههههه 

عالية فاتت ع الحمام وطالعت الموبايل من جيبتا وهو عم يرن بس يبدو انها عاملتو صامت.. بترد فوراً وبتحكي بهمس
اي
الو
اي حبيبي
تمام
لحظة خليك معي
عالية بتفتح الحنفية تبع المغسلة
اي
الو
ما عم تسمعني
لك لااااا بس عم حاكيك من الحمام 
لا مو هيك 
بس ماما ما خلتني اطلع اليوم وانا مابدي زعلا ولا اكسر كلمتا فا خلينا نمرقا اليوم بس وبكرة نشالله بشوفك
لا ولوووو لا تعمل هيك 
خلص شبك عم الك مابدي زعل ماما
ما صار شي كلو هاليوم
طيب منشوف
خلص بعدين بحكيلك 
لا مو منك القصة 
ام عالية بتناديلا.... لك يا بنت شو صار معك يلاااا شو عصيتي
اي يلا ماما جاية انا 
ليك حبيبي انا بدي سكر مالي حابة ماما تشتلئ عليي وتزعل ماشي 
ياريت ما تعملا زعلة وتقدر وضعي 
اوكي حبيبي 
تشاو تشاو 
بتبل ايديها مشان تبين انو غسلت وبتنشفن شي انو وبتطلع وهي عم تزبط تيابا /ع اساس عملت نونو الكذابة/ 
لك طولتي يلا عدي اوام كتير حلو الفلم
اوك ماما
مر وقت طويل خلص الفلم وام عالية غفلت ع القاعد وهي عم تتفرج وعالية نفس الشي

.......................
تاني يوم الصبح 
ام عالية عم تحط فطور
عالية يلا ماما قومي حاجتك نوم حطيت فطور تؤبريني يلا صحصحي وغسلي وشك وايديكي وتعي لنفطر سوا
صوت من جوا.... اي ماما فقت يلا قايمة
بتطلع من اوضتا وبتروح لعند امها وبتحضنا..... صباحو مامي
تؤبريني يسعدلي هالصباح......... وبتلحمسلا ع شعراتا وبتبوسا........ يلا يا قمر غسلي وتعي 
حاضر 
.....ُ................................
عالية عم تجلي وامها عم ترتب البيت
ماما
شو 
بدي اطلب منك طلب
خير
معلش اطلع اليوم مو وليد
ليش
ماما بليز لا تبلشي يعني شو ليش خطيبي وبدي اطلع انا وياه
انا ما التلك مافي طلعة معو
ماما مبارح ما حبيت زعلك بس اليوم مابقدر
شو هادا يلي ما بتقدري
انو ما اطلع مع وليد اليوم لانو مبارح زعل مني كتير بالزور راضيتو
زعل!!!!!! جعلو نشالله لجهنم ان زعل ولا رضي كان من بقية اهلك هو ليهمك زعلو او رضاه
ييييييييههه 

شو لاقي ما عجبك الحكي
طيب ماما تعي معنا عادي
طيب شو مناسبة الطلعة في شي ضروري كتير وما بيتأجل يعني؟
اي 
شو
بس ما تبلشي
شو احكي
بدنا نحدد موعد العرس
شووووو هاااااااااد انو عرس هاد
ماما عرسنا انا ووليد
لك وليه شو ساوي فيكي انا يعني انتي البعيدة حمارة شي يعني بغلز تيسة بقرة شي لك حيوانة انتي حيوانة شي!! 
ماما ليش هيك عم تحكي معي يالله منك
ليش عم بحكي ما لك يا بنت يا حبيبتي يا روحي يا عيني انو انتي شو طينتك من شو معجونة من زفت يعني...... استغفر الله العظيم رح تخليني احكي كلام ما بينحكا
لك يا بنتي شلون بدكن تحددو موعد العرس واصلاً خطبة متل العالن والناس ما صار اهلو ما بيعرفوكي ولا سمعو باسمك حتى لك شلون بدو يتجوزك ويفوتك ع بيتون يعني غصبن عنون رح يفرضك فرض عليهن...!!!!!! 
ماما التلك ما بهموني
بنتي ما بيصير عييييييبببببب مو بنت من الشارع انتي مابصير وين كرامتك وكرامة امك وعيلتك شلون بدي اعزم اهليتنا وقرايبينا اه شلون ع اي اساس واهلو مو موجودين ولا بيعرفونا مو اصول تؤبريني اعقلي
ماما معلش اسالك سؤال انو انتي ليش بتكرهي وليد وليش ما بدك ياني كون مبسوطة بحياتي 
لك تؤبريني انا مابدي ياكي تكوني مبسوطة بحياتك؟؟؟ الله يهديكي بالعكس انا عم بعمل كل هالشي لتكوني مبسوطة وتعيشي حياة سعيدة وهادية بلا مشاكل وبدون منغصات وبعدين انا بكرهو لانو ما فات من الباب متل الاوادم نطوط من ع الاساطيح فهمتي
بتترك الجلي وبتفوت ع اوضتا 

.. ... ................ 

ام عالية بتتنهد وبتروح ورا بنتا يلي فاتت ع اوضتا بتفتح الباب بهدوء 
علوشة 
بصوت حزين..... اي ماما
بنتي تؤبريني لا تزعلي مني انا بدي مصلحتك ياروحي 
اوكي ماما مالي زعلانة
يوه ليش هيك عم تحكي
شلون حكيت
بلا نفس والتي مالي زعلانة وانتي مبين عليكي كتير زعلانة شو مالي امك انا وبعرفك من نظرة
عالية ما ردت ولا بحرف حاطة راسا بالموبايل وعم تكبس فيه ومبين عليها مدايئة
لك تركي هالموبايل من ايدك عم حاكيكي ردي عليي يا بنت
بدون ما ترفع راسا عن الموبايل... نعم ماما
طيب ليكي تعي نتفق انا وياكي 
ع شو بدنا نتفق
انتي بتسمعي كلمتي بتساوي يلي بقلك عليه ومنشوف
شو بدنا نشوف اصلاً انا طول عمري بسمع كلمتك وما بساوي الا يلي بدك ياه حتى لو كنت مو مقتنعة ومو عاجبني يعني بعمري ما ساويت يلي بدي ياه انا عطول يلي بدك ياه انتي هو يلي بيتنفذ
هلأ هيك طلع معك؟ تاريكي معبية وساكتة
لا معبية ولا ساكتة اتركيني لحالي ماما لو سمحتي
طيب قومي البسي 
ليش 
بدنا نروح مشوار انا وياكي
مابدي روح لمحل
لا بدك تروحي
لا
مبلا يلا
ماما مابدي بليز لا تلحي اكتر
بتروح لعندا وبتشدا من ايدا.... يلاااااا اك اي قومي 
....................

عالية وامها عم يتشمو بالسوق
ماما ليش جبتيني لهون
تؤبريني بدي اشتريلك كم قطعة حلوين 
ليش انا مو لازمني بعيين منلك المصاري يادوب معنا مصروف البيت
لا تؤبريني هدول من مصروف البيت لكن شو
هدول المصاري كانو معي بالبنك من زمان وخليتن ليوم زنئة بس انا ما عندي اغلى منك يا روحي 
ماما شو لزومو هلأ 
لزومو انك عروس ولازم تكوني مرتبة وحلوة قدام بيت حماكي 
عروس؟ انا!!!!!! 😮😮
اي تؤبريني واحلى عروس كمان
يعني وافقتي ماميتي.... وهي فرحانة وعم تنط عن الأرض نط
اي بس ئلي شرط واحد
اوكي موافقة ع شروطك كلا.... بتقرب وبتحضنا وبتبوسا بفرح.. وهي بوسة يا احلى ام بالكون انتي
تؤبريني بيخضنو بعض وبيكملو مشي بالسوق
...........
عالية عم تحكي ع الموبايل بالبيت وهي قاعدة ع الكنباية 
لك اييييييي وحياة الله متل ما عم الك 
اي اي
وانا طار عقلي وما صدقت
لك اي صح مزبوط وقت بعتلك الرسالة والتلك مالا موافقة كانت فعلاً مو موافقة وكنا متخانقين انا وياها بس بعدين لبستني غصبن عني واخدتني ع السوق واشترتلي اواعي حلوين كتير قال لازم تكوني مرتبة قدام بيت حماكي لك ما بتتخيل شو طار عقلي من هالحكي
اي اي
ماشي اي حبيبي 
ضروري اليوم نلتقا ونحدد الموعد بس حجيب ماما معي 
اي عم قلك مشان تعمل حسابك انها جاية معي
لا 
اي طيب
بشوف ماما وبخبرك وين منلتقا 
اوكي حبيبي 
تشاو تشاو

........
وليد واقف بالطريق عم ينتظر عالية وامها بتوقف تاكسي وبتنزل منها عالية وامها
هاااااي لودي
هااااي حبيبي كيفكن
كيفك خالتو
يا هلا اتفضلو في كافتريا هون حنفوت نعد فيا هادية وظريفة
اوكي اتفضلوا 
............ قاعدين ع الطاولة بالكافتريا تلاتتون وكل حدا قدامو فنجان قهوة وعم يتحدثو
اي طيب الصالة قديش بتسع كم واحد
حبيبتي ليش الصالة انا شايف بلاها هالكلفة
يييي لكن وين بدنا نعمل العرس يا وليد هي بنتي الوحيدة بدي افرح فيا
اي خالة معك حق بس الصالات غالية وبلا طعمة يعني لو بجيب بالمصاري تبع العرس دهب لعالية احسنلا مهيك
اي ماما عادي لا تدققي ع هيك قصص مو ضروري العرس والطنة والرنة
بس انا الت انو عندي شرط
اتفضلي خالة
ماما مو وقتا 
لا لا عادي اتركيا لازم نعرف شرطا قولي خالة
بيجو اهلك بيطلبوا
بس انا ماعندي غير بابا وهو ضرير 
ماعندك اخوات بالمرة؟ ووالدتك وينا
عطتك عمرا من سنتين
لا تواخذني ما كنت بعرف
ولا يهمك بسيطة
الله يرحما
اااامين يارب تعيشي وتترحمي خالة
عنجد وليد الله يرحما يارب 
تعيشي حبيبي
طيب واخواتك وين؟
كلن عايشين برات البلد مافي غير اختي الصغيرة ساكنة بحلب 
اي تجي معلش حتى لو اختك الصغيرة مو مشكلة
اوكي انا بشوف شو ظروفا وبخبركن
هو الصراحة انا كنت بدي استأذن حضرتك اخد عالية ونطلع لعند اختي ع حلب عرفون ع بعض وبس تتعرف على عالية اكيد رح تحبا كتير وتجي فوراً وتطلبا نشالله لانو الصراحة بيهمني تكون هي موافقة
لا والله ما بصير تاخدا وتطلع ع حلب وانتو مو متجوزين
الله يسامحك يا خالة مالك واثقة فيني..... لك عالية رح تصير مرتي يعني هي عرضي وشرفي وما حدا حيخاف عليه ويصونو قدي
مااامااا 
ام عالية بتطلع ببنتا وبتسكت

.....؟........
بكراجات البولمان عالية ووليد عم يحطو شناتين بالبكاج تبع البولمان بعد ما قطعو تذاكرون 
يلا اطلعي حبيبتي 
بيطلعو ع البولمان
نص الطريق عالية نايمة ع كتف وليد
وبعد مشقة وعناء السفر بيوصلو بالسلامة ع حلب
بينزلو وبياخدو شناتيون وبوقفو ع جنب 
وليد بيتلفت يمين وشمال عم يدور ع حدا
بيطالع موبايلو من جيبتو وبيتصل 
صوت زمور سيارة يبدو انو هالزمور لوليد بيطلع ناحية الزمور وبيبتسم وبيأشر بأصبعتو لعالية ناحية سيارة واقفة ع جنب
بيحملو شناتيون وبيروحو ع السيارة
........ يتبع