وليد بيسكر صندوق السيارة بعد ما حط فيه الشناتي وعالية طلعت ورا وهو طلع قدام السواق... بتمشي السيارة وبتبعد شوي بتقوم بتطلع ام عالية كانت متخبية ورا عامود بتركض ع الشارع بتوقف تكسي وبتلحقون....... ((طلعت مو قليلة الحجة))
بتوصل سيارة وليد وعالية ع بناية حجر حلوة كتير وبمنطقة شيك واكابرية ومبين عليها غالية
بتنزل عالية وبتطلع ع جمال البناية والمنطقة ووليد بجيب الشناتي وبيفوتو ع البناية
بيوصل الاسنسير ع الطابق المطلوب بيلاقو باب مفتوح وصوت عم ينادي من جوا... تعا وليدو فوتو اتفضلو حبيبي اهلا وسهلا الحمد لله ع السلامة
بيبتسم بفرح وبيفوت بسرعة هو وعالية وبيسكر الباب
بيفوتو ع الصالون وبيلاقو وحدة متمكيجة ع اخر طرز ولابسة فستان متل التفريعة ع قد مو مشلح قاعدة ع الكنباية عم تشرب قهوة وتدخن بتطلع بعالية مم فوق لتحت بتشئلا شئل بنظراتا الحادة
عالية بيئمطا قلبا من هالمخلوقة
بيركض وليي لعندا وبيعانقا وهي قاعدة ما كلفت خاطرا تقوم تسلم
اختي حبيبتي كيفك لك اشتقتلك كتييييييييرررررر
ياروحي انت وانا كمان اشتقتلك
لك ليش بعتي الشوفير توقعتك انتي يلي تجي تاخديني ولووو بعرفك مابتحبي تعطي حدا يسوق سيارتك مهما صار
اي حبيبي مزبوط بس هادا من زمان اما هلأ هيك صايرة الشوفير بيروح وبيجي وبيعمل كل شي وانا مريحة حالي
ييييييييي لك ما عرفتكن ببعض بعتذر اضرب شو بلا ذوق انا
عالية خجلانة وعم تطلع بالارض
تعي قربي حبيبتي
اختي بعرفك هي عالية خطيبتي يلي حكيتلك عنا
مممممممم اي اهلا وسهلا حبيبتي شرفتي
شكراً لحضرتك انا يلي اشترفت فيكي
علوشة هي اختي توأم روحي جمانة
اهلين جمانة
اهلين عالية
قربي اتفضلي عدي ليش هيك خجلانة تعي عدي جمبي مو بدنا نصير عيلة نحنا
بتبتسم بخجل وبتقرب وبتعد ع طرف الكنباية
بتنادي بصوت عالي متل النور والشوايا.... يا شوووووناااااااا
بتجي وحدة فلبينية مدري اندونيسية مدري حبشية المهم خدامة سودا
هادر مادام
حطي غدا اوام
اوكي مادام
اكيد جوعانين الطريق طويل وبالبولمان ما بيطعمو الواحد شي يروحو فئي الهي
اي عادي اختي احسن مشان ناكل من اكلاتك الطيبين يلي اشتقتلن انا شخصياً
اي تكرم عينك حبيبي
........ مر وقت واتغدو وهلأ قاعدين عم يشربو شاي ع البرندة والجو اكثر من رائع
اي اختي وين البنات مالي شايفن شو نايمين كل هالوقت يعني؟؟
لاااااا راحو ع عيد ميلاد رفيقون
ايواااااااا
طيب وجوزك وينو
طلقتو
😮😮😨😱 شوووووووو..؟!!!! لك اختي مو وقت مزحك هلأ الله يهديكي ههههههه اختي هيك بتحب تمزح كتير
لك ما عم بمزح انا عم الك طلقتو
ولييييي عليكي لك كيف وايمتى وليش لك شو صار؟؟ والله فلجتيني ماعاد اعرف شو احكي
عالية قاعدة عجنب ما عم تشارك بالحديث بس مذهولة ومستغربة كتير وما حبتا لجمانة يبدو
اي غليظ يقطع عمرو عوفني حياتي امت طلقتو
هيك بكل بساطة
اي خلعتو
ليش بصير؟
اي كلشي بصير بالمصاري حبيبي 💰💰💸💸
بالله قيمي المزح شو صار؟
بدو ياني طول الوقت بالبيت لا روح ولا اجي الا بإذن منو ويا بيوافق يا ما بيوافق كمان وربي البنات ع كيفو وبيطالعنا مرة وحدة بالأسبوع بس وعلى تعي لهون ووين رايحة ومنين جاية وهي رافقيا وهي اتركيا وعيب تحاكي رجال وعيب تلبسي هيك وما بصير تحطي حمرة كيت ومسكرة كيت ووووووو اي حلللللل عني عللي قلبي حبيبي انا مو متعودة ع الخنقة وقعدة البيت وامشي ع كيف حدا انا بمشي ع كيفي انا وبس
بس اختي زودتيا يعني انتي بتعرفي وضعك
شبو وضعي
لك يعني عايشة بمحافظة بعيدة عن اهلك ولحالك ما بصير
اي شو يعني طززز والضراطة منو ومن يلي متلو انا الف مين بيتمناني بعملة هيك بلاقي الف واحد بدالو قال على قولة المتل ((بيروح حبيب بيجي الف عاشق)) بتضحك ضحكة غير لائقة (( متل ضحكة بنات الليل والكازينوهات))
عالية بتطلع بوليد
وليد بيبتسم وبيعمل حالو عادي
.............................
بيمر وقت وعالية ووليد قاعدين لحالن بالبلكون عالية عم تدخن ووليد عم يشرب اركيلة وشاي
صمت ما حدا عم يحكي فين وهدوء الليل مخيم ع الجو.... فجأة بيرن الجرس
الشغالة شونا بتفتح الباب
ماما تئالي في واحد مادام واقف عند الباب
اي يلا جاية
صمت ما منسمع ولا صوت
عالية بتطلع ناحية الصالون وبتنصدم وقت بتلاقي امها
اهلا وسهلا خالة اتفضلي يا هلا زارتنا البركة ظية مرحبا اتفضلي لجوا اتفضلي
اذا بتحبي عالية ووليد ع البلكون اذا بتحبي تقعدي معون
وليد بيطلع بعالية بعصبية وبيزورا
ام عالية بتطلع ع البلكون وبتقعد معون
عالية بتطلع بأمها بذهول
ماما شو جابك لهون
رجليي
مامااا
شو
كيفك وليد يا صهري المستقبلي
الحمد لله اهلين خالة بس ليش عزبتي حالك ولحقتينا كنتي قولي حابة تجي كنا جبناكي معنا
لا انا كان عندي مشوار بالاول
اي طيب
عالية مبينة مصدومة لساتا
ليش خير ليكون ادايقتو
لا ييييي الله يسامحك شو ندايق مية اهلا وسهلا اصلاً بالعكس سهلتي عليي المهمة هيك اختي بتتعرف عليكي وبتطلب عالية منك هون وانتي موجودة احسن واسرع ساعتا مننزل فوراً ع العرس
اي اي صح حلوة الفكرة
شو هي يلي حلوة خانم؟
اي ماما يعني اجيتي واجيتي شوفيا
لك انتي مابتفهمي ولا رح تفهمي بحياتك بشي اسمو اصول
المفروض يا سيد وليد البنت تنطلب من بيتا هيك الاصول بتقول
اي معلشي خالة مافرقت المهم نطلبا متل ما انتي شارطة يعني الشرط تبعك كان انو اختي تطلبا وبس ما حددتي لا مكان ولا زمان
ام عالية بتطلع بوليد نظرة كأنو عم تقلو فيا ((يخربيتك ما أخبثك))
ماما لا تقعديا الله يخليكي
بتجي جمانة ومعها صينية ضيافة فيا عصير وبتيفور وبتضيف ام عالية
اتفضلي خالة زارتنا البركة والله
تسلمي حبيبتي هادا مم ذوقك
عالية حست براحة نفسية لما لقت استقبال جمانة لامها حلو مع انو استقبالها لعالية كان زفت بس مو فارقة معها لانو يلي بهمها هو امها
................
مر وقت وكلن قاعدين وساكتين ومبين عليهن التعب والنعس..... جمانة بتنادي لوليد وبيفوتو لجوا
عن اذنك خالة ثواني
خدي راحتك حبيبتي
عالية بتقوم بتبوس امها وبتدلع عليها
شبدك
مامي بليز خليكي رايقة ومتعاونة ولا تقعدي الأمور يخليلي ياكي
ماشي لنشوف شو اخرتا مع هالابن الحرام
ششششششششش لك شبكي نحنا ببيتون هلا بيسمعوكي دخيلك روئي خلص
.....................
بتجي جمانة
خالة اتفضلي انتي وعالية مشان تنامو انا زبطلتكن اوضة نشالله تعجبكن
لا مو هلأ بعدين معلش خلينا قاعدين ع البلكون اذا مافيا ازعاج
لك لااااا ولو اني ازعاج هاد الله يسامحك يا خالتو بس انتو تعبانين من السفر الطريق طويل ومتعب مابدا خجل رجاءً قومو ارتاحو ولا تخجلي مني اعتبريني بنتك
تسلمي حبيبتي شكراً
قومي عالية يلا
اتفضلو معي
وليد بيطلع على عالية وهي بتأشرلو بأيدا انو راجعة
جمانة بتفتح باب الاوضة وبتفوت معون وبتعطين بيجامات لينامو
خدو راحتكن البيت بيتكن امانة اذا اعزتو شي اندهولي انا سهرانة
بتطلع وبتسكر الباب
البسي البجامة واطفي الضو ونامي يلا
بكرة الصبح بكير حنسافر من هون
شووووو لوين بدنا نسافر وليش
بدنا نرجع ع الشام
ماما لا تعملي هيك ارجوكي
لكن بتليقيا ع حالك تسافري مع واحد ما بيربطك فيه غير شقفة محبس قشرة وما بيسوا نكلة
ماما شو دخل المحبس هلأ بعدين انا اخترتو لان حبيتو
لا اخترتيه مشان حقو لانو رخيص شفتك وقت اخترتي واحد وقالك لا هادا غالي اختاري ارخص شي صحي هو كان عم يحكي بالهسي مشان ما اسمعو بس اسمعتو لهل مقوص
لك اوووووووف مارح نخلص بقى لك مو ع اساس وافقتي بس المهم اختو تطلبني ولا عم تضحكي عليي وتاخديني ع قد عقلي
لا ما عم بضحك عليكي بس عم جاريكي وعم حاول فتحلك عيونك وورجيكي قديشو ندل وواطي وكل مرة عم يثبتلي انو وجهة نظري ورأيي فيه صح 💯%
غلط ماما مو صح وليد مو سيئ ابداً بس انتي مابدك ياني اتزوج وبدك تنغصي عليي فرحتي وبس
تصبحي على خير
بتنام بالتخت وبتغطي وشا
.................. يتبع
