ام عالية بترفع الغطا عن وش عالية
قومي وليه لسى ما خلصت حكيي ويلي بدي قولو بدو يصير
ماما بدي نام
قومي مالنا ببيتنا لتنامي وانتي مرتاحة كل هالقد
يعني شو ساوي نام ولا اطلع اسهر معون برا
وضريب
طيب شو بدك ماما فهميني بس المهم تحلي عني
قليلة ادب في وحدة مأدبة بتقول لاما حلي عني؟؟ ياعيبشوم عليكي
اسفة ماما عفواً بس والله جننتيني وماعاد اعرف كيف ارضيكي
يعني عملنا سلي طلبتيه وما خلصنا
تعملي تحتك اي... شو هاد يلي طلبتو واعملتوه اسم الله حولكن
يعني قلتي نجي لعند اختو ونبلغا مشان تطلبني واجينا
لك تجيكي مجية البعيدة اي انا طلبت تجو لهون وليه؟؟ لك مو انتي اترجيتيني وبستي ايدي كرمال وافق تجو
لك اي يعني قصدي وافقتي ع القصة بقى ليش لحقتينا وبلشتي بقصصك وفنونك والكوانة تبع مو عاجبني ومو مرتاحتلو وخبيث ومقوص ومدري شو
سدي حلقك وبلا علاك يعني انتي غبية لهي الدرجة لحتى تصدقي انو امك بهي السهولة رح توافق تطلعي مع هيك واحد ع حلب ولحالكن
اي والله طلعت غبية يا امي وما بعرفك منوووووب صدمتيني فيكي
شو كان بدك ياني اعمل ااااه اتركك تسافري كل هالمسافة معو وانا ضل قاعدة بالشام عم ضرب اخماس بأسداس واقتل بحالي
لك ليش امي ليش لحتى تقتلي بحالك وثقي ببنتك يلي ربيتيا وثقي بأخلاقا شوي مو معقول هيك ع فكرة كتير عم باخد ع خاطري منك لما عم لاقيكي هيك مالك ثقة فيني بالمرة
لك بنتي مو انتي المقصودة مو انتي يلي مالي واثقة فيكي في ولادين حرام حوليكي لك كيف بدي اوثق فين انا قليلي كيف
مين ولادين الحرام ماما ممكن بلا هالحكي
خرسي
خرست
بس معلش قول شغلة قبل ما اخرس وسد حلقي ونام
شو
انو شو رأيك بـ أخت وليد حبابة مااااا لا تقليلي بتجننن
شو هاد حبابة وبتجنن كمان لك والله انتي يلي حبابة وهبلة ومسطولة وحوبة
بلشنا 😑
سديه
حاضر
هي وحدة مخباية بتيابا وما استنضفتا وانا قلبي دليلي وبكرة بتشوفي
بكرة بتعرفي امك انها على حق بشكي وظني فيه وبكل عيلتو لك يخربيتو ما حبيتو خبيييييثثثث يا عالم ما استنضفت نظراتو واسلوبو بالحكي ابداً ابداً ولا اختو يا عين يا عين لك نفس المسطرة بس على اتقل كمان يخربيتا شو سرنوة ومكولكة... بعدين شو هاللبس يلي لابستو قدام اخوا لك مو عيب عليها يخربيتا من حالا اي تشلحو احسن الحمى تسلقا سلق الهي... لعمى شو نورية والله ما شفت هيك بعمري
وينك وليه عالية ليش ما عم تردي عم حاكيكي وليه لك يا بنت
بتقوم من التخت يلي هي قاعدة عليه وبتروح ع تخت عالية يلي مغطية وشا باللحاف وبترفعو عن وشا وبتلاقيا بسابع نومة
نمتي..!! آآآآآآآآآخ منك آآآآآآآآآخ
بترفع ايديها للسما بوضع الدعاء ومن قلب محروء بتدعي..... يارب تحميلي ياها وتبعد عنها بنات السوق وولاد الحرام ياااااااااارب
عالية بتفتح عين وحدة نص فتحة وبتطلع على امها وهي عم تدعي
بتخلص دعاء ام عالية وبتقوم لتطفي الضو وبتروح ع تختا
.................... طلع الصبح
عالية وامها نايمين
هدوء بالبيت مافي صوت
شوي ومنسمع صوت نقر ع الباب
بتقوم عالية من تختا وبتفتح الباب شي انو
عالية حب
اي
صباحو يا قمر
شششش وطي صوتك هلأ بتفيق ماما بتشختني
اوكي
يلا اطلعي
لوين
ع الصالون
ليش
جمانة عملت قهوة تعي نشربا معا
طيب ماشي روح انت هلأ بلحقك
اوكي لا تطولي ناطرك
اوكي حبيبي
بتفوت ع الاوضة بتزبط شعرا وبيجامتا ع مراية الخزانة وبتقرص خدودا ((قال يعني مشان يحمرو ويبين انو هي بتفيق الصبح هيك خدودا حمرا خلقة ربا جمال رباني))
ببت جمانة وع البلكون الصبح بكير الساعة ستة تقريباً عالية ووليد لحالن بالبلكون عم يشربو قهوة وعالية عم تدخن
بيطلعو ببعض كل شوي وعالية بتبتسم بخجل وبتحط راسا بالارض
قاعدين عم يشربو قهوة ☕ ع الساكت ما حدا فين عم يحكي حرف بس عم يتصفنو بالسما ويبتسمو لبعض
عالية بتوقف ع طرف البلكون وبتحط ايديها ع الدرابزين وبتتأمل الجمال يلي قداما المنطقة حلوة وكلا شجر وبنايات حجر
وليد بهي الاثناء فات لجوا ع السريع ورجع عالية ما حست عليه غير عم يضما من وراها لف ايديه خولين خصرا من ورا وحط انفو برقبتا هي بتموت من رعبتا وبتحاول تبعدو
لك لك وليد شو عم تعمل بعد لك بعد عيب
ششششششش روئي واسترخي هي لحظة رومانسية
لك بس ارجوك بعد هلأ ماما واختك بشوفونا وبيفهمو غلط بليز خلص
طيب خلص هي بعدت لفي
بتلف وشا لعندو وهي مصفرنة من رعبتا وبتصير تطلع لجوا من خوفا لتجي امها وتشوف هديك الشوفة... بتطلع بوليد نظرة ذهول.. لك انت شو عملت
بيهجم عليها وببوسا من شفافا وهي عم تحاول تبعدو بس عبث بهي اللحظة بتجي ام عالية وبتجمد بأرضا من هالمنظر وبيكون معا كاسة مي بتوقع من ايدا وبتنكسر،،، وليد بيبعد عن عالية فوراً
عالية مذهولة وميتة رعبة وعم تبحلق بأمها
بتجي الحجة ركض وبتلطشا كف بيرن رن بالمكان كلو.... بتشدا من ايدا بدون ما تحكي ولا حرف وبزور وليد وبتمشي
..............................
عالية وامها واقفين بالشارع وقفو تكسي وطلعو فيا
وليد عم يطلع عليهن من بلكون البيت
بيوصلو ع الكراجات بتفوت ام عالية ع المكتب وبتقطع تذاكر
بيطلعو بالبولمان
طول الطريق عالية عم تبكي وحاطة ايدا ع خدا وامها ساكتة سكوت قاتل
...........
بيوصل البولمان وبينزلو وبلاقو تكسي واقف بيركبو فيه فوراً
بيوصلو ع البيت
بتفوت عالية فوراً ع اوضتا
ام عالية بتقعد ع الكنباية بالصالون بدون ما تحكي ولا تنطق بحرف
.........
بيمر وقت طوووويييلل يبدو انو بعد نص الليل وبعدا عالية باوضتا ومسكرة ع حالا وصوت بكاها مسموع وام عالية بعدا ع وضعا ساكتة وقاعدة ع الكنباية
..............
فجأة بتقوم ام عالية وبترفع سماعة التلفون وبتتصل بتنطر شوي بعدين بيردو
الو
اي اخي كيفك
صوتي مبو شي
بس بدي شوفك ضروري
انت قاعد بالعيادة لايمتى؟؟
اي طيب جاية فوراً
باي
باي
ام عالية بتحمل شنتايتا وبتقفل باب اوضة عليا عالهسي بدون صوت وبتاخد المفتاح وبتحطو بشنتايتا ومتل ما هي بوشا ع الباب بتطلع وبتقفل وراها بقفلين الاساسي العادي وواحد اضافي من فوق
بتطلع ع الشارع بتوقف تكسي بتركب وبتمشي
بتنزل من التكسي وبتفوت ع بناية مكتوب عليها الدكتور عدنان /داخلية -نسائية-اطفال/
بتفوت ع العيادة وبتلاقي السكرتيرة وفي اتنين بالانتظار
مرحبا
اهلين خالة
حبيبتي قولي لاخي اني اجيت
هو عم يستناكي تفضلي
بتحمل حالا وبتفوت فوراً ع العيادة وبتكسر الباب وراها
.................
منرجع ع البيت لعند عالية
لساتا ع وضعا طابة ع وشا وعم تبكي
بتسمع صوت موبايلا عم يرن بتقوم بدا ترد بدور عليه بالاوضة ما بتلاقيه بتحاول تفتح باب اوضتا بتلاقيه مقفول بتصير تدق ع الباب وتنادي
ماما ماما مامااااااااا افتحيلي ماما
يالله ماما اذا بتريدي
ماما
بترجع ع تختا بتطب ع وشا وبتبكي
لك ليش هيك ياربي لييييشششش
وبتكمل بكاء بحرقة
.............................
يتبع
