عالية بتوصل ع بيت وليد وبترن الجرس بتوقف كتير ما حدا بيرد بترجع بتدق اكتر من مرة وهي متوترة وكمان ما حدا بيرد... بتحمل حالا وبتنزل ع المكتب يلي شافت فيه وليد اول مرة يلي كان صاحبو نصاب وهي كانت بدا تشتغل عندو المهم بتوصل ع باب المكتب بتلاقيه مفتوح وفي عمال جواتو بتفوت شوي ع اول الكوريدور بتلاقي شب قاعد ع مكتب صغير وعم يكتب شي ع ورقة
مرحبا
بيطلع عليها الشب مستغرب
يا هلا
اتفضلي كيف فيني اخدمك
بتتلبك... أأأأاااا عفواً بس مو كان في واحد اسمو زهير هون
الشب بيضحك باستهزاء
شو ناصب عليكي انتي كمان
لا لا بس كنت بدي اسألو ع حدا
خير اختي بشو بقدر ساعدك انا
لا شكراً اكيد انت ما بتعرف
اختي هادا يلي اسمو زهير نصاب واجا استأجر مني هالمكتب لاني المسؤول عن التأجير بالبناية وحمل حالو وهرب بدون ما يدفع باقي الاجرة وكل يوم بيجي حدا وبيسأل عنو شكل بقى انتي بشو ناصب عليكي لا تخجلي احكي
ايوااااا يعني حضرتك جار وليد
بيستغرب شوي.... انتي بدك وليد؟
اي والله طلعت ع البيت ودقيت كتير بس ما حدا فتحلي فا الت بركي هادا زهير بيعرف وينو او فكرت ممكن يكون قاعد عندو مثلاً مابعرف وين ممكن لاقيه
طيب مين انتي
انااا انااا عالية خطيبتو
مممممم ايوااا لكان انتي عالية
يا اهلا وسهلا اتفضلي ارتاحي وهلأ بتصلك فيه تكرم عينك
لا مافي داعي الله يخليك كلك ذوق بس ياريت تتصلي فيه وبسرعة لو سمحت
تكرمي ثواني
بيطالع الموبايل من جيبتو وبيتصل بيستنا شوي
الو اي وليدو كيفك ليك ع السريع تعا وينك انت ليش لاااا ولووؤو اي طيب بس ليك خطيبتك الانسة عالية هون وعن تسال عنك
والله
لك والله
لك اي ليكا
اي ثواني
بيعطيا الموبايل... بدو يحاكيكي اتفضلي
عالية بتخطف الموبايل خطف من ايدو
اي وليد دخيلك تعا اوام وينك انت
لاااااا عم تمززززح
طيب انا شو بعمل هلأ
ياربي
اوووووووف
لك ما بقدر احكيلك هلأ
لك موبايلي بالبيت
خلص بعدين بشرحلك
المهم هلأ شو اعمل انا
اي
اي
اي
بس
اي
طيب رح شوف
بخاف
طيب
يعني ما بضيع
لانو اول مرة رح اعملا لحالي
ماشي يلا فوراً
باي
باي
بتعطيه الموبايل.... يسلمو ايديك عذبتك وفرصة سعيدة سلام.... بتقول هالكلمتين ع السريع وبتحمل حالا وبتركض بتطلع ع الشارع وبتاخد تكسي
...........................
ام عالية بالبيت مغمى عليها واخوها الدكتور عم يفيئا ويحاول يشربا مي
بتفيئ واخيراً
وين بنتي... بتقولا بكلمات متثاقلة
روئي اختي منلاقيا نشالله وين بدا تروح يعني معروفة انتي بس زوئي وهدي اعصابك لانو ضغطك علي كتييييرررر
جبلي بنتي دخيلك اخي... وبتبكي
حاضر نشالله اليوم بتكون بحضنك
بيطلع عليها بزعل وهي عم تبكي محروئة من جوا
................
بتوصل عالية ع كراجات البولمان بيركضو كذا واحد لعندا ووبلشو
واحد ع حمص واحد تفضلي
ما بترد بتتركو وبتمشي بيجي واحد تاني
واحد حلب واحد بس ماشي هلأ يا انسة طالعة حلب
اي اي اذا بتريد احجزلي فوراً بس اذا ماشي هلأ هاه
اي اي لكن باقيلو راكب وبيمشي ولقينا الراكب يلا اوام تعي حطي شنتياتك تحت بالصندوق
لا معلش بطالعا معي
متل ما بدك.... وبيعطيا التذكرة... اتفضلي
شكراً
بتطلع ع البولمان وبتقعد
شوي وبيمشي البولمان
....................
بيمر وقت وبيصير نص الطريق وبيوقف البولمان بلاستراحة
عالية بتنزل فوراً وبتروح ع تلفون عمومي وبتتصل
الو
اي
صرت بالاستراحة
اي خلص قربت وصل نشالله
ماشي اوكي
يلا باي بشوفك
باي
بتسكر السماعة وبتفوت بتشتري عصير وبتطلع ع البولمان يلي مافيه غيرا كلن بالاستراحة لانو
بتشرب العصير وهي عم تطلع من الشباك وتتأمل السما والنجوم لانو ليلت الدنية
بهالوقت ام عالية واخوها بيصلو ع بيت وليد وبيدقو وما حدا بيرد عليهن ابداً
بيحملو حالون وبيمشو
بيركبو بالسيارة
بيطلعو ببعض
ام عالية والدموع بعيونا... دخيلك اخي ساعدني جبلي بنتي لحضني وشو مابدا بعمل بس ترجعلي سالمة
لا تخافي اختي وروئي نشالله ما بصير عليها الا كل خير
بيشغل وبيمشي
ام عالية واخوها بالطريق سبدو انون رايحين ع حلب لعند اخت جمانة
السيارة مسرعة ع طريق السفر
.............
عالية بتوصل ع كراجات البولمان بحلب وبتنزل من البولمان وهي عم تعرج بتلاقي وليد ناطرا
الحمد لله على السلامة يا قلبي
الله يسلمك
بيشوفا عم تعرج
خير خير شبكي
بعدين بحكيلك
اوك ماشي
بياخد شنتايتا بحطا بالسيارة تبع اختو لانو هو اجا فيا وبيركبو وبيمشو
......................
ام عالية واخوها بيوقفو باستراحة نص الطريق وبينزل اخوها بجيب مي وعصير وبيرجع ع السيارة بسرعة وبيكملو طريقن
ام عالية عم تسبح وتقرا قرآن طول الطريق
....................
جمانة اخت وليد قاعدة بصالون بيتا كالعادة عم تدخن وتشرب قهوة وتتفرج ع التلفزيون
شوووونااااا
بتركض الشغالة بسرعة لعندا.... ايوا ماما هادر
خصرتي الاكل يلي التلك عليه هلأ بيوصلو
اي اي ماما كلو تامام
اوكي يلا روحي كملي شغلك
بتحاكي حالا.... هفففففففففف انو من وين اجتنا هي الخانم هلأ هففف اي شو انا ناقصني
بيندق الباب والشغالة بتفتح وبيفوت وليد ومعو عالية ع الصالون وجمانة قاعدة
اهلين وسهلين الحمد لله على السلامة
انو هيك يا منظومين بتعملو هيك بتردو حسن الضيافة
عالية خجلانة وما بترد
وليد بيزور جمانة
بس هي ما بتفرق معا وبتنجعي وبتلف رجل ع رجل وبتشعل سيجارة
اي ما رديتي عليي
عالية بتطلع بوليد وبعدين بترد على جمانة بخجل... والله مابعرف شو بدي قول لحضرتك بس بعتذر منك
اي حبيبتي يلي عملتو اسمر قلة ذوق شبدك تقليلي يعني
لك اختي عيب هالحكي ومو وقتو هلأ
لك شو عيب ما عيب هنن يلي عملوا العيب حملو حالن ومشيو بدون ما يخبروني انا صاحبة البيت يلي استضفتن بكل صدر رحب وانا اصلاً لا بعرفون ولا بحياتي شفتون
وليد بيعصب... عم الك مو وقتو هالحكي هلأ
شلون مو وقتو لكن ايمتى وقتو هلأ بتلحقا اما متل هديك المرة وبيعملولي بلبلة ومشاكل بالبناية وبيفضحوني بين الجيران لانو اكيد رح يتقاتلو وتشدا من شعرا ورح نصير فرجة يا سلام
شو هالحكي هاااااااد اسكتي
وليد خلص معها حق خلينا نمشي من هون الله يخليك اصلاً هلأ ماما بتجي لهون اكيد وانا مابدي اتواجه معا
لا حبيبتي هلأ مافينا نروح من هون
بليز عنجد خايفة ماما تطب علينا بأي وقت
جمانة بتقوم من ع الكنباية وبتروح ع اوضتاوهي معصبة وعم تزور عالية وبتقول وهي كازة ع سنانا... لك نشالله بتطبي على خلقتك الهي اي
بتفوت ع اوضتا وبتطبش الباب
عالية ببين عليها انها مدايئة
شفت هي اختك ادايئت من وجودي الله يوفقك خلينا نروح
التلك لأ يعني لأ
بتكست
.............
ام عالية واخوها بيوصلو ع مدخل حلب
....................
تلفون وليد بيرن
الو
اي
اي
شو عم تحكي انت
لك خرااااس
بيعصب كتير وبينفعل وبيركض ع الاوضة لعند اختو وبيفتح عليها الباب
هي بتنفلج
لك قوووومييي
لك شوفي يخربيتك رعبتني
قومي قومي وييشدا من ايدا
بدنا ننزل هلأ ع الشام قومي عم الك.. وبيصير يصرخ
عالية جمدانة
.......................
وليد وجمانة وعالية بيركبو بالسيارة ووليد بيسوق بسرعة بينطلقو ع الشام
........................
بتوصل ام عالية ع المنطقة تبع بيت جمانة بس مو متذكرة انو بناية لانو كلن بيشبهو بعض
اختي انو وحدة ببوس ايدك صرلنا ساعة عم نلف
اي اي اخي صبرك عليي شوي
اي يمكن هي قرب شوي لشوف الباب تبعا اي والله يمكن هي هيه
ليش شو فرقت عن غيرا البواب كلن نفس الشي
لك لاءة اخي الباب علمتو انو فيه شقفة قزازة مكسورة يعني معين من هالمعينات مكسور عرفت بقى
ممممممم طيب بس نشالله تكون هي
نشالله
يلا قومي انزلي لنشوف
بس وينك من هلأ عم الك الهدوء ثم الهدوء ثم الهدوء
اي اي حاضر اخي المهم بنتي تكون بخير
تمام قومي لشوف
استعنا ع الشقا بالله
يارب
بينزلو من السيارة وبفوتو ع البناية
بيوصلو ع الطابق تبع جمانة بيدقو الباب
وبيستنو شوي ماحدا بيفتح بيطلعوا ببعض رد بيدقو وبيستنو وماحدا بيرد هيك شي تلت مرات بعدين بينفتح باب الجيران وبتطلع وحدة بتسألون مين بدون بيقلولا مدام جمانة
والله هي مو هون وما بعرف ايمتى بترجع
طيب اذا بتريدي بتعرفي لوين راحت لانو ضروري بدنا ياها الله يخليكي
والله يا اختي هي نزلت ع الشام كرفتة وحتى دقت عليي الباب وقالتلي بس يرجعو بناتا من المدرسة خلين عندي وتركت شغالتا عندي كمان وقالتلي بجوز تقعد يومين وبجوز اكتر وكان مبين عليها مكركبة كتير
طيب اختي كان معها حدا
اي كان معها اخوها وصبية صغيرة وحلوة اسم الله ((الجارة لتاتة جداً))
ام عالية واخوها بيطلعو ببعض
شكراً الك
بينزلو بسرعة بالاسنسير وبيركبو السيارة
اخي دخيلك ع الشام فوراً مابعرف عشو ناوي هادا مابعرف وين حيخبو بنتي والله اعلم شو رح يساوو فيها
لك هدي هدي شو بدون يساوو فيا يعني شبكي عم تقولي الشب بحبا وراكض وراها يعني مستحيل يأذيا
ياربي ياربي بدي بنتي ياربي دخيلك تحميا يارب
بيشغل وبيمشي
.............................
بالبناية عند وليد زحمة عند المدخل وناح الاسنسير مليان رجال متجمعة واصوات همهمة ووتوتة معبية المكان
بيوصل وليد وجمانة ع البناية وبصيرو يطلعو حواليون ع العالم المتجمعة وبيركضو ع الاسنسير ببعدو العالم وبيطلعو ع البيت بيوصلو بيلاقو الباب مفتوح وفي ناس مجمعة ع الباب ببعدوون وبفوتو لجوا مفلوجين بيلاقو اسعاف وشرطة
بعدين الصدمة الكبيرة لما بلاقو ابوهم مغطا بغطا ابيض
جمانة بيغمى عليها لما بخبرون الشرطي انو ابوها والشغالة تبعو توفو خنقاً بالغاز
يا لطيف الله يجيرنا من ساعة الغفلة يارب
وليد بينهار بالبكاء
.....................................
بيمر وقت وبيصير الليل والناس عم تجي تعزي وليد
بتوصل ام عالية واخوها وبيستغربو لما بلاقو باب البيت مفتوح وصوت قرآن طالع
بتموت مم رعبتا ام عالية وبتركض لجوات البيت متل المجنونة وبتصير تنادي بنتي بنتي لاااا بنتي وينا بنتي وهي عم تلف وتدور بالغرف وتصرخ ((مسكينة فكرت بنتا صرلا شي))
بتلاقي بنتا قاعدة مع جمانة ع التخت بغرفة من الغرف عم تواسي جمانة يلي عم تبكي ومنهارة ع الاخير بيطير عقلا ام عالية وبتركض لا شعورياً وبتحضن بنتا وبتبكي
الحمد لله يارب الحمد لله يارب
...............................
اخو ام عالية الدكتور عدنان قاعذ برا مع وليد يلي ما حكا ولا حرف ولا اتحرك من محلو مصدم صدمة عمرو والناس عم تروح وتجي وعم ياخدو بالخاطر وهو على نفس القعدة ماتحرك ولا سانتي
...........................
يتبع
