بيروحو العالم يلي عم يعزو وبيفضا البيت ما بيضل فيه غير وليد وجمانة وعالية وامها وخالها الدكتور
وليد ع نفس قعدتو موطي راسو وصفنان بالارض وخال عالية قاعد ع كرسي جمبو
بيقوم الدكتور عدنان وبيحاكي وليد... العمر الك
شكراً... بدون ما يرفع راسو
بدي استاذن منك بس اذا محتاج اي شي لا تتردد نحنا اهل نشالله
بيرد بنفس البرود... نشالله
طيب بخاطرك
بينادي لاختو ولعالية.... اختي.. عالية
بترد ام عالية من جوا... اي اي اخي جايين يلا ثواني بس
عالية وامها قاعدين ع طرف التخت يلي نايمة عليه جمانة وعم يحكو بهمس
يلا بنتي بكفي لهون قومي
بنبرة حادة.... لوين بدي قوم
ع بيتنا بنتي اتاخر الوقت وخلص العزا
واذا اتاخر الوقت انا مالي متحركة من هون هادا صار بيتي
لك شو مالك متحركة منهون وبيتك ومدري شو يا بنت لا تبلشي الله يرضى عليكي
انتي لا تبلشي اذا بتريدي اتركيني بحالي واذا بدك تروحي انتي الله معك
لك شو عم تحكي انتي شو روح واتركك هون جنيتي انتي
لا ما حنيت عم الك هادا صار بيتي من هون ورايح
لسى ما صار شي رسمي بيناتكن عيب مو حلوة بحقك قعدتك هون لك بنتي وين كرامتك
عالية بتحمل حالا وبتطلع من الاوضة وبتروح ع الصالون مطرح مو قاعد وليد وخالها عدنان بتركض لعند خالا وبتحضنو بتبكي
له له له روئي خالو روئي
ام عالية لحقتا
عدنان بيأشر لاختو من ورا ضهر عالية انو تهدي وتروق
حبيبة قلب خالو عاليتي الغالية اشتقتلك يا روحي
بتمسح دموعا.... خالو حاكي ماما اذا بتريد خليا تتركني بحالي بقى
شو هالحكي خالو عيب هي امك
بعرف بس ماعاد بدي تدخل فيني
بيأشر لاختو يلي كانت بدا تبلش تبهدلا
بتمسك حالا وبتسكت
ليش خير خالو شوفي
بدا تاخدني معا ع البيت غصب وانا ماعاد روح معا ابداً بتحبسني وبتضربني وبتهيني قدام خطيبي
هون بيقوم وليد وهو مبحلق وبقول للخال.... اي صح وانا ما عاد اسمح بهادا الشي وبيمسك ايد عالية وبيشدا لعندو... هي خطيبتي ورح تصير مرتي بكرة من الصبح ومالا طلعة من هالبيت من بعد اليوم ابداً
لك انت شو عم تحكي ولا... هي ام عالية جنت ع الاخير لما سمعتو هيك عم يحكي
بيمسكا اخوا الدكتور وبيهديا وبيحاكي وليد بهدوء ورواق.... بس عفواً انت ما طلبتا مني ولا حتى من ابوها ع اي اساس صارت خطيبتك وبدك تتزوجا بيوم وليلة هيك ببساطة..؟!!! هي بنت عالم وناس مو بنت شوارع
ليش لو بنت شوارع انا شو بدي فيا آاااا
ليكو لا تلعو قلبي عملنا كلشي طلبتو اما لهلأ واتحملنا نئا وسئا لحتى قلنا حاج وهي كل هما تفركش جوازتنا وانا ماعاد اسكت انا رح اكتب كتابي عليا بكرة من الصبح وماعاد حدا دخلو لا فيا ولا فيني خلصنا بقى وبالنسبة اني طلبتا وما طلبتا ومن هالحكي يلي صرعتو راسنا فيه بحب الك اني لما سالتا من مين اطلبك قالتلي من حالي ورغم هيك طلبتا من اما ونزلنا جبنا المحابس بوجودا وراحت معنا ع الحفلة يلي عملناها يعني اذا مالا موافقة من البداية ليش لتوافق وتجي معنا...
ام عالية طلع الدم لراسا وعصبت كتير وبدا تبلش تصرخ وتعيط بس اخوها مسكها من ايدها وهو يلي صار يحكي.... بس هالحكي يلي عم تحكيه حضرتك مو اصول منوب يعني عيب تفرض علينا انك تتجوزا هيك فرض ان عجبنا وان ما عجبنا مو فارقة معك انو عيب هيك ع فكرة وما بصير كمان... يعني كلشي ممكن يصير بالزور الا الجواز والحب مستحيل يصيرو الا بالرضا
وليد بيطلع بعالية.... اي وهي رضيانة وهادا المهم
بتطلع عالية بخالا وبعدين بتطلع بوليد وبتبتسم ((يعني رضيانة ع كلام هالبطيخ وليد))
خالو روئي واعقلي ويلي بدك ياه بصير بس بالاصول
خالو بليز انا هيك مبسوطة
ام عالية ماعاد فيا تسكت بيحاول اخوها يمسكا بس هي بتنتر ايدو بقوة... اخي اتركني بقى بكفي حاج ماسكني بدي احكي انا اما وانا يلي بقرر شلون بدي اتعامل معا انا سمعت كلامك وليك لوين وصلنا
بتقرب على عالية.. هي مابدا مسايرة هي بدا كف يهر سنانا وهاه...... بتلطشا كف بيرن رن
................ فجأة بتقوم ام عالية من عز نوما وبتتلفت حواليها بتدور ع بنتا عالية ((تاريا كانت نايمة ع كرسي بيت وليد مسكينة نامت ع القاعد وصارت تكوبس ببنتا ووليد))
بتقوم بتطلع لبرا وبتمشي شوي شوي وبتنادي بصوت واطي عالية يا عالية وينك يا بنتي بس ما بتلاقي حدا الاضوية مطفية ومافي صوت
بيئمطا قلبا وبيحمر وشا من الخوف ع بنتا
فجأة بتسمع صوت طرق مدري من وين بتلحق الصوت شوي شوي بتمشي ع روس اصبيعا
------------------------------------------------------------------------------------------------------------------------
ام عالية عم تلحق الصوت يلي سمعتو عم تمشي شوي شوي والصوت عم يقرب وفي ضو بسيط جاية من ناحية الصوت بتضل تمشي لتوصل ع المطبخ بتفوت شوي شوي بتشوف خيال ع الحيط بترتعب وبتصرخ وبينكسر صحن اوشي
تاري عالية بالمطبخ
اوووووووف ماما رعبتيني
لك وانتي كمان رعبتيني
شو عم تعملي هون لك بنتي وليش ع ضو الشمعة
ماما مطفية الكهربا مالك شايفة البيت كلو متل بيت الأشباح بموت من الرعبة
اي والله بموت من الرعبة
طيب وينو خالك راح؟
خالو ع البرندة هو ووليد وطلب مني ساويلون شاي واتركون لحالن وانا فتت ع المطبخ لقيت في جلي والدنية قايمة قاعدة قمت جليت وضبضبت شوي فيا شي هي كمان
لا حبيبتي مافيا شي الله يرضى عليكي شو حنونة
طيب وساويتي الشاي ولا لسى
مبلا ساويتو وكنت رايحة لئمو وقت فتي ورعبتيني وانكسر قطرميز الشاي مالك شلون انبحت بالأرض وتعبا المطبخ كلو شاي وقزاز
ييييييييي لك اي والله تتتتت لك من رعبتي مانتبهت ع شي
شوفيلي وين في مئشة وكريك للمون بنتي بعدي انتي لتفوت برجلك شي قزازة تؤبريني لابسة كلاش انتي
لا ماما انا بلمون بعدي انتي هلأ ضهرك بيجعك
لا تؤبريني هاتي
خلص ماما التلك انا بلمون
طيب متل مابدك الله يرضى على اسمك يارب
بس من بكرة بدي انزل ع العصرونية وجبلون بدال هالقطرميز عيب نحنا كسرنا
عالية عم تكنس الأرض
.............................
بيجي خال عالية وبفوت ع المطبخ بلاقي عالية عم تلم القزاز والشاي واما عم تضب الجليات
لك شو صار بالشاي خالو طولتي
لك شو هاد يلي عم تلميه من الأرض
بتطلع باما وبتضحك.... هههه هادا الشاي يلي ما ساويتو لسى خالو
له له له انكسر الشر حبيبتي
بس خير شو صار
ماما رعبتني وارتعبت مني هههه
ههههههه اي بسيطة اذا هيك
طيب يعني هلأ ما عاد في شاي
شو اخي شايفتك قاعد سهران وشاي وما شاي شو ما حنروح؟
روئي اختي وطوليلي بالك اصلاً كنت جاية حاكيكي
خير
اي خير طبعاً بإذن الله
اختي باختصار الشب طلب عالية مني
عالية بتسمع وبتبتسم بفرح (بالعامية بطير عقلا من راسا)قال هو ما حابب يزعلك ولانو هو بحاجة لوقوفا جمبو بهي الأيام وبدو يتجوزو بسرعة وكان عم يستأذني نضل هون لننزل سوا ع المحكمة الصبح بكير ونكتب الكتاب
عالية بيزغو عيونا ع الحكي من كتر ما فرحت وطارت من محلا طيران
ام عالية ما كتير نبسطت.... طيب اخي مو بكير ع هل حكي هلأ يعني كمان الوضع مو مناسب الزلمة ابوه ما صرلو كم ساعة تحت التراب
اي مهو مشان هيك قالي بدي اتزوج عالية بدو ياها جمبو
وانت شو التلو عدنان؟
والله انا التلو الرأي الأول والأخير لصاحبة العلاقة عالية خانم وطبعاً بموافقة امها ورضاها هالشي بيتم
بطير عقلا وبتنط ع خالا وبتضمو...... لك الله يخليلي ياك يا احلى خااااال بالكون
ام عالية بتسمت بس بغصة
..................................
بيمر شهرين على زواج عالية ووليد
عالية بالمطبخ عم تجلي وتشطف الأرض
بيرن الجرس
عالية بتنادي لوليد
حبيبي الباب عم يندق تعال افتاح
بيرد عليها من جوا.... اجيت.... وبيفتح الباب
عالية بتسمع صوت وحدة عم تعيط
الصوت.. بابااااااااااا ااااااااااه يا بييييييي يا عمري يا روحيييييي
بتجي فوراً ع الباب بتلاقي وحدة ومعا بنتين صغار عمرون خمس سنين
وليد عم يهديا.... روئي اختي
عالية بتنصدم..... أختي!!!!! بتحاكي حالا لك شو اختو ع اساس عايشة بكندا 😮
وليد بينتبه ع وجود عالية بيناديلا.... تعي عالية بعرفك هي اختي جيهان
اهلين وسهلين الحمد لله ع السلامة... وبتقرب لتسلم عليها وهي لابسة مريول المطبخ وايديها مي ... هديك جيهان مشغولة بالبكاء والسح والنح وبس تقرب عليها عالية لتسلم بتطلع فيا وبتقلو لاخوها... مين هي الشغالة الجديدة يعني؟
عالية بتدايق كتير
وليد بيطلع بعالية.. لك اختي شو شغالة هي مرتي
شوووو هاااااااااد مرتك... بتقوم بتوقف ع حيلا وبتطلع بعالية من فوق لتحت بقرف
لك انت مابدك تبطل فلتنة وكل يوم والتاني جايبلنا وحدة شكل ع البيت ولك انا هجيت وتركتلك البيت باللي فيه بسبب تخبيصاتك يلي ما كانت تخلص
عالية بتنصدم من يلي عم تسمعو وبتطلع بوليد كانها عم تطلب تفسير
وليد بيعصب... ولك انتي شو عم تاكلي هوا وتحكي
انا ما عم باكل هوا انت يلي عم تخبص
لك هي مرتي يا حيوانة فهمي
اي متلا متل يلي قبلا ويلي قبل قبلا ويلي قبلون وهيك كلون التلي عنون انو هي مرتي وهي غير وهي اكيد والثالثة ثابتة ومن هالعلاك المصدي
عالية ما بتصدق شو عم تسمع بتشلح المريول وبتزتو بالأرض وبتروح ع اوضتا وبتقفل الباب وبتصير تبكي
....................................
نهاية المرحلة الثانية
