جيهان اخت وليد عم تلف وتدور بالبيت وعم تفكر وتحاكي حالا
شو قصتا هي البنت ليش لافية ع وليد شبدا منو بالضبط... اكيد اكيد طمعانة بالورتة والبيت بس ما فشرت تلوع قرش انا بفرجيا... بتروح ع اوضتا بتمسك الموبايل وبتتصل برقم بتستنى شوي بعدين.... الو
اي جمانة
كيفك اختي
اي
اي
هلأ اتركينا من هالحكي وفهميني هي يلي لافي عليها اخوكي وعم يقول مرتي ومرتي شو قصتا؟؟
شلون يعني انتي التانية هي غير شو اول مرة بيتجوز حيالله وحدة وبيطلقا بعد شهر
اي حاجتنا فضايح والله صار وشي اسود قدام جوزي بضل بهتني اخوكي الفلتان بجيب بنات ع البيت وانتو ساكتنيلو وعلى وحدة فايتة ووحدة طالعة قالب البيت دعارة وانتي بدك ياني خليكي تسكني معون وبناتي يشوفو هالشوفات لك ما فشرتي انتي وياه بدك تنقلعي تعدي معو روحي انتي بس بناتي بضلو عندي ولا تحلمي تشوفيون.... لك تخيلي هيك قالي...
شو بدك ياني قلو يعني سديت حلقي وخرست لانو معو حق الله يلعنو اخوكي شو بسود الوش وما بستحي
لك اي
لك كتير مايعة ومجلمطة
لك اسمعي
انا اول ما شفتا كانت لابسة مريول المطبخ امت فكرتا الخدامة هههههه بس بتستاهل الصراحة
هههه اي
اسمعي لكمل
اي قامت هي انقهرت
ولما قالي هي مرتي انا هون انبحتت ونكتت الخمير والفطير والتلو متلا متل يلي قبلا وقبل قبلا قامت جنت وركدت ع اوضتا وقفلت الباب وصارت تبكي وتسح وتنح ولي عليها شو نعيانة
المهم اخوكي التشتوش راح وراها وصار يدق الباب وما تفتح بعدين مدري شو جاب مفك مدري شو وفتح الباب نزعو كرمال هالدبة ينزعو رقبتو
اي ولقاها مغمى عليها ع اساس يبليا بقتلا شو مايعة
اي لك اسمعي مو هون القصة
اخدا ع المستشفى
وحزري شو
طلعت
حامل
لك اي
لا ما قالولي انا سمعتون من ورا الباب
لا مالون هون راحو تروح روحون الهي
اي
اي
طيب يلا روحي بحاكيكي بعدين
اي بخبرك شو بصير
يلا باي
بتسكر الموبايل وبتحطو باوضتا وبتروح ع المطبخ
...........................
وليد وعالية وصلو ع بيت ام عالية
بيدقو الباب بتفتح ام عالية وبيفوتو
عالية بتبوس امها
كيفك ماما اشتقتلك
تشتقلك مكة يا روحي وانا بالاكتر
وليد بيسلم على ام عالية من راس منخيرو... كيفك حماتي
ام عالية بتنظرلو بطرف عينا... الحمد لله صهري منشكر الله
طيب انا رح امشي حبيبتي بدك شي برجع المسا باخدك بتكوني شبعتي من الحجة
لا سلامتك الله معك بس لا تجي المسا بدي نام هون اليوم
له لك ليش لا ما بصير لازم تنامي ببيتك
وهادا كمان بيتي ورح يضل هيك
ام عالية بتحس في شي مو مزبوط وكأنو في شي صاير بين بنتا ووليد بس بتعمل حالا مو منتبهة.... اي عادي خليا تنام عندي الليلة مارح تخرب الدنيا صهري
مابوعدك والله يا حجة لانو صعب
وليد لو سمحت انا حابة نام عند ماما اشتقتلا وانت تعال بكرة وخدني كلا ليلة مارح يصير شي
طيب حبيبتي امرك واذا غيرتي رأيك حاكيني
اوك
باي
باي
ام عالية بتطلع ببنتا.... عالية بنتي في شي مدايقك ماما حاسستك مو ع بعضك كأنو الجو مكهرب بيناتكن؟
لا ابداً ماما شو هالحكي
ما بعرف حاسستك مو ع بعضك
ووشك اصفر وعيونك منفخة بكيانة كانو
لاااااااا ماما مافي هيك شي بس في خبر بدي خبرك ياه لهيك اجيت لعندك اليوم وحتى بدون ما الك اني جاية
اي والله انا استغربت جيتك قلت خير يارب
اي مامي خير بإذن الله
اي
شو اي
لك احكي شو الخبر نشفتي ريئي
روئي ماما طولي بالك جاييتك بالحكي
قولي
القصة ومافيا وباختصار شديد انتي رح تصيري تيتة وبتحط ايدا ع بطنا وبتبتسم بفرح
ام عالية بتنصدم من يلي سمعتو وكانها ماستوعبت
شو شو قلتي مافهمت شلون يعني
يعليي عليكي يا ماما كبرتي لدرجة انك ما ستوعبتي شو يعني رح تصيري تيتة هههه عم بمزح مامي بس اكيد من الفرحة مبقى فهمتي عليي... رح الك ع بساط احمدي وخبط لزق انا حامل
ام عالية بتبتسم بغصة
عالية بتستغرب ردة فعل امها..... طيب ماما مافي مبروك
بتنتبه ع حالا وبتقوم بتحضن بنتا وبتبوسا وبتباركلا بس يبدو من جواتا مافرحت بل بالعكس غصت ونقهرت وخافت ع بنتا كمان
تؤبريني مبروك ياعمري
...........................
وليد بيجي ع البيت بيلاقي اختو عم تطبخ
انتي شو هالتصرفات يلي عم تتصرفيا قدام مرتي يعني مابدك تبطلي حركات وقلة ذوق ونورنة
بتعصب وبترفع عليه الكبجاية وهو بخاف وليد جبان كتير..... خرااااااس ولاه ماحدا غيرك انت وهل سنكوحة تبعك النور وقليلين ذوق.. انقلع من خلقتي احسن ما اخبطك بالكبجاية ع راسك انقلع
.........................
