عالية بالأرض وجيهان عم تساعدا لتقوم
بتسندا وبتاخدا ع المستشفى
طبعاً مافي داعي الكن شو صار بعالية بسبب الضرب لانو اكيد عرفتو لحالكن 😞عالية المسكينة متل ما توقعتو سقطت مات البيبي ببطنا ونزلوه مسكينة وكانت حتموت يعني حالتا يرثى لها وطبعاً اختو الواطية ودتا ع المستشفى وهربت يا فكيك مشان ما تعلق الحقيرة.... 
للأسف عالية ما عاد تقدر تحمل بعد هيك لانو تضررت بسبب الضرب يلي انضربتو (الله يكسر ايديه بجاه الحبيب المصطفى)
ما بتتخيلو القهر والعذاب والحزن يلي عاشتو عالية بسبب فقدان ابنها وطبعاً حقدت على وليد حقد ما بيتخيلو انسان
ام عالية كمان حقدت عليه اكتر ما كانت حاقدة وحلفت لتاخد حق بنتا منو
طبعاً عالية اشتكت عليه وعملولا تقرير بالمشفى عن الضرب يلي انضربتو بعنف لانو جسما ووشا كلن زراق وتنفيخ يا حرام شو صار فيا
عالية ضلت فترة لا تقل عن عشرين يوم بالمشفى واكيد كل المصاريف امها يلي دفعتا لانو هديك الواطية رمتها عند المشفى ويا فكيك
.........
عالية وكلت محامي ورفعت دعوة طلاق و المحامي ارفق تقرير الطبيب تبع الضرب المبرح والتعنيف والسب والقذق بملف الطلاق 
وبعت تبليغ على عنوان وليد لكن المحضر ما كان يحظى فيه ولا مرة اربع مرات راح يبلغو وما لقاه او ممكن هو الواطي موجود بس ما عم يفتح الباب للمحضر مشان ما يتبلغ
بس بآخر مرة حط التبليع ع الباب لصقاً يعني هيك صار مالو حجة انو ما تبلغ لازم يحضر 
............
بتشط وبتمط قصة وليد وعالية بالمحاكم ووليد بيتهرب بكل مرة
اختو طبعاً هربت ورجعت ع كندا بعد ما باعت البيت وقبضت تمنو عطت اختا جمانة حصتا وتركت حصة وليد كمان مع جمانة
بتمر شهور طويلة وعالية مقهورة ومكسورة وامها عم تتقطع عليها ومو اردانة تعملا شي غير الدعاء 
ام عالية بتحاول تعرف عالية ع ناس جداد وتدخلن حياتا لتطالعا من الحالة يلي هي فيها
بتمرق سنة وعالية عم تستعيد قواها شوي شوي امها بتقترح عليها تسجل اي دورة تتسلا فيا وتستفاد منها فا بتسجل دورة لغة انجليزية وبتصير تروح وتجي ع الدورة بانتظام وبتتعرف على صبايا جداد ومن بيناتن وحدة متدينة مبين عليها مؤدبة ومحترمة عالية كتير حبتا وارتاحتلا بصيرو رفقات كتير وبتصير هالبنت تاخد عالية معا كل خميس ليحضرو سوا درس دين وفعلاً عالية صارت مداومة ع الدروس وكتير نفسيتا فرقت وتحسنت 180 درجة لانها التزمت اكتر دينياً وصارت ما تقطع وقت
وتصلي كل صلاة بوقتا وامها كتير مبسوطة وفرحانة بهل شي
بس هالشي ما بيمنع انو بعدا مجروحة لكن ايمانها انو رب العالمين رح ينصفها كان قوي جداً 
ويوم عن يوم عم يقوا 
مرقت سنة كمان وعالية صارت متدينة والصلاة والقرآن وذكر الله اساس حياتها