بتمر أيام طويلة وأشهر كأنها دهر على عالية يلي عم تنتظر النصر من عند الله... عن تستنى لحظة الحرية اللحظة يلي بدو يقلا فيا القاضي انو انتي حرة
اللحظة يلي هم تحلم فيا صرلا تلت سنين
عالية نايمة بتختا بيرن موبايلا
بتفتح عيونا نص تفتيحة وبتاخد الموبايل من على الكومودينة جمب التخت وبترد بعد ما تطلع ع الساعة يلي ع الحيط بوشا وبتلاقيا تمانة الصبح
الو
اهلين
اهلين استاذ
لا مافي ازعاج
اتفضل
اي
شو
عنجد
طيب جاية فوراً
لا لا ما بطول اي اكيد ع التسعة بكون هنيك نشالله
عالية بتقوم بسرعة من التخت وبتفتح الخزانة وبتطالع اواعي بترمين ع التخت وبتروح ع الحمام..
ام عالية بالمطبخ عم تحضر فطور بتجي ع صوت باب الحمام بتلاقيه مسكر بتطلع ع اوضة عالية بتلاقيا مر باوضتا والخزانة مفتوحة وفي تياب ع التخت
بتقرب ع باب الحمام
عالية شو ماما رايحة لئرنة انتي؟
اي اي ماما
لك بكير ع الدورة بنتي
مو ع الدورة امي اصلاً مافي درس اليوم الاستاذ اعتذر منا عندو سفرة ضرورية مارح يجي تلت تيام
اي لكن لوين رايحة تؤبريني
ماما خلص انطري لاطلع حمل الحج هلأ 😁
اي ماشي بنتي انا عم حضر فطور بس تطلعي تعي لنفطر سوا
وبتروح ع المطبخ
............................
تسعة الصبح عند باب المحكمة الناس رايحة جاية ويلي فايت فايت والطالع طالع زحمة كتير يعني كالعادة
عالية وامها ناطرين عند الباب
بيجي محامي عالية بياخدون وبيفوتو ع المحكمة
يلا اتفضلوا
....................
جوات المحكمة عند باب القاعة
عالية وامها واقفين مع المحامي يلي كل شوي عم يطلع بالساعة
عالية متوترة كتير
استاذ مطولين لنفوت
مدام عالية لسى ما اجا دورنا
طيب
عالية عم تروح وتجي بالكريدور..... يارب تنصرنا يارب.... يارب مالي غيرك يارب
ام عالية قاعدة ع الكرسي جمب القاعة وعم تسبح
بينفتح باب القاعة وبينادو ع القضية تبع عالية
عالية وامها والمحامي بفوتو ع القاعة
بيتفاجؤو بوجود وليد جوا
تاري الحقير كان هربان كل هالمدة ولهلأ لحتى قدروا يجيبوه فا جايبو المُحضِر من قبل بليلة وحبسوه لحتى يصير الصبح ويجي القاضي ويفتحو الجلسة
المهم عالية لما شافتو جوا فاااااار دما وتذكرت كل شي صار معا بسبب هالواطي واحمر وشا وعبئت... ام عالية اول ما شافتو هجمت عليه بدا تضربو... لك يا واطي
المحامي بيمسكا
القاضي بيعصب وبيخبط ع الطاولة بالمطرئة... هدووووء
بتبلش الجلسة
القاضي بيحكي مع عالية وبيسألا عن سبب طلبا للطلاق بعد ما قرا الورق يلي قدامو طبعاً هو بيعرف بس بدو يسمع منا... هون عالية بتضطر مسكينة تسترجع كل العذاب والقهر والظلم يلي عاشتون مع هل بني آدم وبتحكي للقاضي كل شي ساواه فيا من طق طق للسلام عليكم
ام عالية عم تسمع بنتا بحزن وكل شوي بتزور وليد
وبأثناء كلام عالية وليد كذا مرة بحاول يدافع عن حالو ويقاطعا لكن القاضي يكل مرة بيخرسو وبيطلب من عالية تكمل
بينتهي القاضي من استجواب عالية ووليد وبيطلب استراحة ساعة لاصدار الحكم
بيطلعوا كلن لبرا ما عدا وليد بيضل بالقاعة مع المُحضِر
...................
بيقعدو كلن برا ع الكرسي لتخلص الساعة
وبيرجعو بفوتو لسماع الحكم
القاضي بيحكم لعالية بالطلاق والمتقدم الغير مقبوض والمتأخر..... وليد بيعترض وبيقول للقاضي انو هو ما معو والقاضي بيأمر بحبسو اذا ما دفع
بياخدو وليد من القاعة ليودوه ع الحبس هون عالية وامها بيطلعو وراه بسرعة وبتركض ام عالية وبتبزق بنص خلقتو قدام كل العالم يلي رايحة وجاية بالمحكمة....
عالية بتاخد امها وبيمشو
.............
عالية حصلت على حريتها واخيراً حست حالها طايرة ومبسوطة وحرة ورجعت شي عشر سنين لورا حست حالا رجعت طفلة بريئة حست انها خلقت من جديد من زمان ما داقت طعمة السعادة من زمان ما حست بوجودا من زمان ما رفعت راسا بالعالي واعتزت بحالا
حست انو رجعتلا الحياة من اول وجديد
..................
بتعم السعادة ببيت عالية وامها وبترجع حياتن لطبيعتا متل وقت كانت قبل ما تتعرف على هل مغضوب.......
ام عالية بتفاجئ عالية بخبر كانت مخبيتو عنها وهلأ صار لازم تخبرا ياه
عالية ماما
اي ماما
الله يسعدك تؤبريني
بعيد الشر عنك ماما وانا اصلاً اسعد وحدة بالكون لانو عندي ام متلك وبتقوم وبتبوسا
روحي الله يرضى عليكي يارب
عالية بتحضن امها
بنتي ليكي بدي الك ع شغلة
اي مامي قولي شغلات كمان انتي بتأمريني يا شمعة حياتي
الله يسعدك ياحئ
بنتي ليكي انت خبيت عنك شغلة بس كنت مستنية لتاخدي حريتك وترجعي لحياتك الطبيعية
خير ماما شوفي رعبتيني
بنتي انا مريضة وعم روح ع مشفى كل فترة اعمل فحوصات وتحاليل
عالية بتنط من اربعتا شو قلتي ماما..؟!!!!
اي بنتي روئي لا ترتعبي
شو ما ارتعب ماما دخيلك فهميني الله يوفقك قولي عم تمزحي معي
اهدي بنتي مابدا كل هالقد
شلون مابدا امييييي دخيلك احكي قلبي صار بين رجليي
مافي شي يا روحي طولي بالك كلا شكوك لحد هلأ مافي شي أكيد
شو هو يلي مو أكيد ماما.. لا تقولي شي مو منيح دخيلك
حبيبتي لا تخليني اندم لأني حكيتلك
مامااااا قولي ارجوووكييي
طيب...
عالية عم تستنى وعم تطلع بأمها وعيونا كلن دموع بدن نكشة ليهرو
اي ماما
ليكي هو شك مو أكيد بس اي متل ما فكرتي هداك المرض
عالية بتنهااااااار وبتصرخ لاااااااااااااء مامااا وبتحضن اما وبتبكي بقهرر
............................
