عالية وامها الصبح بكير لبسو ونزلو من البيت وراحوا ع المستشفى
وصلوا ع المستشفى وكانت حنان ناطرتون ع الباب
التقو وفاتو سوا ع الدكتور
بلشت ام عالية اولى جلسات العلاج
وبينما هي عم تتلقى العلاج بغرفة خاصة قعدت عالية وحنان والدكتور بمكتب المدير وعم يحكو بموضوع الشغل واتفقو انو عالية تبلش من بكرة رح تستلم كل شغل الدكتور كريم ومواعيدو طول الشهر يعني متل مديرة اعمالو
عالية صحي ما تعلمت بس كتير تثقفت من معاشرة الناس وكتير صار عندا خبرة كبيرة بكتير أشغال وهي بنت ذكية وشاطرة ويعتمد عليها وأمينة كتير
بيمر وقت وبتخلص فترة العلاج تبع ام عالية بيفوت الدكتور مع عالية وبيطمنو عليها وبيطمنون انو هي بألف خير
.......................
بيخلص اول اسبوع وعالية عم تشتغل مع الدكتور ومبسوطة كتير.. الدكتور محترم كتير واكابر وعم يعاملا بكل لطافة وذوق بالإضافة الى انو عم ينظرا نظرات اعجاب بين وقت والتاني بس طبعاً هي لا مبالية ومالا منتبهة اصلاً قلبا من الحامض لاوي
بيمر اسبوع تاني وام عالية عم تتلقى العلاج بشكل مستمر وعالية عم تابع شغلا وملتزمة فيه جداً
.............
عالية وامها بالبيت يوم الجمعة قاعدين عم يفطرو معطلة عالية طبعاً
ام عالية... اي بنتي كيفك بالشغل حاسستك مبسوطة نشالله
اي ماما الحمد لله
اي الحمد لله منشكر الله
بتعرفي والله هالدكتور كتير اكابر يا بنتي
عالية بدون اي اهتمام... اي فعلاً
الله يكتر من امثالو ويجزاه الخير يارب
ٱٱٱٱٱٱمين
طيب شو رأيك نعزمو ع الغدا لعنا شي يوم؟
ماما لشو هالعزيمة يعني اي شو ييقربنا لحتى نعزمو ونفوتو ع بيتنا.. لا ما بصير رجال غريب هاد
اي طولي بالك ليش عصبتي انا كان قصدي من باب العرفان بالجميل يعني اي والله مو حلوة خجلانة منو كتير انا
ماما ما بدا خجل دكتور هاد وعم يعمل واجبو تجاه مهنتو وبس مابدا عزايم وعرفان بالجميل ومدري شو
اي صح هي مهنتو وهادا واجبو بس مو ببلاش مالو مضطر الزلمة
ماما هو هادا هدفو بالحياة وعايش كرمال هالشي وفاتح مستشفى طويل عريض اضرب واطرح بآخر ما عمر الله كرمال خدمة الناس وتقديم لهم كافة انواع العلاج بالمجان.... بقى بدك تقنعيني انو بفرنسا كل حدا بيتعالج عندو بيعملو عزيمة غدا ومحاشي وكبب وتبولة ويلنجي وحلويات وكاتو وهالقصص تبعك...
يوووه تؤبروني على هالشغلة لك شبكي انبحتي عليي متل الئباوة بنص رغيف لك بنتي نحنا غير بلاد برا نحنا منفهم بالاصول هنن ما بيعرفوا من اساسو
ماما انا قايمة اقرا شوي بأوضتي ومشان موضوع العزيمة باختصار شديد لاء مالي موافقة
وبتحمل حالا وبتفوت ع اوضتا
ام عالية بتستغرب ردة فعل بنتا وبترفع حواجبا
..................
تاني يوم عالية بالشغل مع الدكتور بالمكتب
الدكتور كريم عم يكتب شي ع ورق قدامو وعالية قاعدة ع الكرسي يلي بوش المكتب وعم تقرا بالملفات
الدكتور كريم بيرفع راسو عن الورق
عالية
ايوا نعم دكتور
بدي اسألك سؤال
اتفضل
هلأ انتي من وين متعلمة كل هالنظام والترتيب ماشالله عليكي رتبتيلي اموري كلا وزبطتيلي مواعيدي المخربطة ونسقتيلي الشهر كلو بكل سلاسة
شكراً على الاطراء دكتور
هادا مو إطراء انا عم بحكي جد
طيب شكراً
العفو
عالية انتي شو دارسة
بتخجل بحالا... للأسف انا نا درست غير للتاسع
اي مو معقول مستحيل ع القليلة بكالوريا انا هيك توقعت لانو ماشالله عليكي مثقفة وفهمانة كتير اي والله خريجات جامعة ما بيعملوا يلي بتعمليه
بتشكرك من قلبي دكتور كلامك بيحفزني كون افضل وأفضل
اي لازم تكملي
كمل شو؟
تعليمك
انا؟!!!
اي انتي لكن انا
لا دكتور ماخرج خلص مشي الحال وراحت عليي
هههه راحت عليكي!! ضحكتيني والله لك شو راحت عليكي لساتك بأول عمرك يلي قدك بعدون بالبكالوريا
اي لا دكتور مو لهي الدرجة
مبلا واكتر... عالية فكري فيا الشهادة تستحق التفكير
نشالله
وعديني
بشو
تفكري فيا
خلص نشالله
لاء اوعديني
سكتت واستغربت اصرارو
يلا اوعديني لا تصفني
خلص بوعدك دكتور ان شاء الله
ان شاء الله
يلا منرجع لشغلنا
.............
بيمر الشهر كلو وبتخلص مدة وجود الدكتور كريم بالشام وبالتالي بيخلص شغل عالية
ام عالية تلقت علاج مع الدكتور كريم كل هالفترة وتحسنت شوي لكن بحاجة لوقت اطول واعتناء اكثر بمشفى متخصص
......
اخر يوم لام عالية في العلاج
بعد جلسة العلاج قاعدين سوا عالية وامها والدكتور كريم بيتحدثو
خالة نشالله راح الشر عن قلبك وانا صدقيني متمني كمل معك لكن خلصت فترة وجودي هون ولازم ارجع ع شغلي ومرضايي يلي عم يستنوني
بس كنت بتمنى تابع معك للآخير
ولا يهمك دكتور ما قصرت وكتر الف خيرك بتشكرك من كل قلبي وعنجد حاسة بتحسن ولو انو نفسي
طبعاً خالة هادا اهم خطوة بالعلاج انو تتقبلي فكرة العلاج وتكون نفسيتك مرتاحة
اي الحمد لله بفضل من الله ثم حضرتك طبعاً
تسلمي الله يحفظك فضل الله
عالية ساكتة
بيلتفت الدكتور لعالية وبيمد ايدو... وانا كتير انبسطت بمعرفتك وبالشغل معك
بتتلبك عالية وبتمد ايدا بخجل
الدكتور كريم بيشبك ايدو بأيدا بوضعية السلام وما بيترك ايدا
هي بتخجل وبتدايق وبتفلت ايدا
عالية توترت طبعاً عندا عقدة من الرجال وخصوصاً هالاسلوب اللطيف ما بقى تطيق هيك تصرفات
بيلاحظ طبعاً وبيبتسم عادي
يلا عن اذنكن بدي اعمل جولتي الاخيرة ع المرضى قبل ما امشي
ام عالية.... دكتور لحظة من فضلك قبل مل تروح ثانية بس
ايوا اتفضلي حجة انا بأمرك
ما يؤمر عليك ظالم
انت ايمتى مسافر ان الله راد يعني اني يوم واني ساعة طيارتك
بعد بكرة بإذن الله ع الفجر بدي كون بالمطار
اي لكان عميل حسابك بكره الغدا عنا
عالية بتبحلق بأمها بس امها بتطنش
استغرب شوي بس حب الفكرة.. والله ألي الشرف اكيد بس مابدي عذبكن
لا شو تعذبنا يا مية اهلا وسهلا واذا بتحب شي معين من عيوني التنتين
لاااا الله يسامحك كل شي من ايدك اكيد روعة كلك ذوق والله
خلص لكن ناطرينك بكرة انت وحنان لانو هي بتعرف البيت
خلص بأمرك أنا
عن اذنكم
اذنك معك
بيطلع وبيسكر الباب وراه
................
يتبع
