عالية وامها عم يحضرو الغدا مشان عزيمة الدكتور
ام عالية عم تكبكب كبة وعالية عم تلف يبرق
ماما لشو هل عزيمة هلأ كان الو طعمة تعبك هلأ؟
لا تعب ولا شي انا منيحة الف حمد وشكر الك يارب والفضل بيرجع للدكتور كريم الله يعزو ويعلي مرابتو
ماما الفضل لله عز وجل وبس
ونعم بالله ماما اكيد طبعاً بس بقصد انو ربنا بعتلي ياه من السما وجعلو سبب لتحسني فهمتي بنتي
عالية بتهز براسا
بيمر وقت وعالية وامها بعدون عم يشتغلو بالأكل
ام عالية واقفة ع الغاز عم تئلي كبة
وعالية عم تصف البيرق بالطنجرة
بيرن موبايل عالية
عالية بتدايق لانو مافيها ترد ايديها زفرة.... يييييييي علينا مين هادا هلأ...
اي تركيه بعدين بتردي ما حمل الحج هلأ
اي وهو هيك ماما
اي يلا تؤبريني خلصي صف اليبرق بسرعة وحطي الطنجرة ع النار ما بقي عنا وقت ما حلوة يصلو والاكل بعدو ع النار
حاضر ماما خلصت هاه
...............
بيمر وقت وعالية وامها خلصو طبخ وبلشو بتحضير السفرة
ماما عالية خلصي وروحي البسي شي مرتب تؤبريني اي
لابسة ماما
لا هدول مو حلوين ماخرح تعدي فين قدام هيك ضيف
وليش بقى شبهون بعدين مين هو هل ضيف عادي يعني مانو مهم بالنسبة لألي واصلاً انا ما كنت موافقة ع هل عزيمة بس انتي حطيتيني تحت الأمر الواقع
بس يا بنت اسكتي واسمعي الكلمة
ماما انتي ع راسي من فوق بس تيابي مالي ح غيرون اوكي
تضربي ع هل مخ اي
هههه شبو مخي مامي
مبو شي بس مخ تيوس
هههه شكراً مام
اي روحي زبطي حالك طالعة متل الشيبة قال مام قال
الله يسامحك انا شيبة
اي
مقبولة منك يا نبع الحنان بس تيابي ماني ح غيرون ومالي حزبط حالي لاني خلقة رابطة 😄
وضريب شو بتلعي روحي من خلقتي
هههه
بتضحك وبتروح ع اوضتا
ام عالية عم تكمل السفرة
عالية بتحاكي امها من جوا
ييييييييي لك مطفي موبايلي الظاهر خلص شحنو وقتا كنا عم نطبخ
بترد عليها امها... اي ما صار شي اشحنيه مالك مضطرة عليه هلأ
اي عم بشحنو ماما بس كنت جاية شوف مين يلي اتصل
بهل وقت بيرن جرس الباب
ام عالية بتركض ع اوضة بنتا وبتحاكيا بالهمس... لك قومي قومي اجو
اي ماما شبك يجو اهلا وسهلا شو بفرشلن سجاد احمر يعني
لساتا عم تهمس... لك خرسي وليه وقومي افتحي حاج فزلكة
حاضر
.....................
حنان والدكتور كريم بالسيارة جايين بالطريق د.كريم عم يسوق وحنان قاعدة جمبو
اي وشو صار معا بعدين
مسكينة اطلقت
ايوااااا اي احسنلا شبدا بهيك واحد ماعندو زمة ولا ضمير
اي والله يعليي عليها شو تعذبت شافت العذاب الوان معو
طيب وليش ضلت ساكتة وما حكت لامها من الاول
ما حبت تحكي شي لانو هي يلي اختارتو وخافت تحكي لانو امها حذرتا منو كتير بس هي ما ردت واصرت ع رأيا لا وعاندت امها وزعلتا كتير
مسكينة قصتا بتزعل لا وهلأ كمان مرض امها
صحي دكتور شو وضع امها ما قلتلي
والله يا حنان المرض منتشر وصرلو فترة وهي ساكتة عنو مشان ما تخوف بنتا بس هالشي أثر على فترة علاجها واستجابة حالتها
يعني في امل تطيب ولا بعيد الشر حالتا ميؤوس منا؟
هلأ الأمل بالله دايماً موجود وما بيصير الانسان يفقدوه لأي سبب كان وبالعكس الإيمان بهل شي هو أهم خطوة بالعلاج والنفسية لازم تكون مرتاحة ومتقبلة العلاج بكل مراحله وما تيأس أبداً من رحمة رب العالمين
ونعم بالله... الله يشفيها يارب والله عالية بتجن بتموت اذا امها بصرلا شي لا سمح الله
نشالله ما بصير عليها الا العافية
نشالله يارب
وهلأ دغري ولا شو
ييييي التهيت بالحكي ونسيت الك لا تواخذني... اي ليك هلأ بعد الإشارة شمال
اوكي
......................
عالية راحت تفتح الباب يلي اندق من شوي
فتحت الباب وانصدمت وجمدت بأرضا
ام عالية جاية ورا بنتا وابتسامتا من الأدن للأدن ترحيباً بالضيوف بس بتنصدم لما بتلاقس وليد زوج عالية السابق هو يلي ع الباب
لك الله لا يوفقك انت شو جابك لهون
ام عالية بتوقع بالأرض
ماما مامااااااااا
................................
الدكتور كريم وحنان بيوصلو ع بيت عالية بس بيلاقو سيارة الاسعاف عند باب البناية اخدت حدا ومشيت بس ما بين معون مين
بينزلو من السيارة وبفوتو ع البناية
حنان بتطلع ع سيارة الاسعاف وهي رايحة... يا لطيف الله يجيرنا
بيفوتو ع البناية وبدقو الباب مرة ومرتين وتلاتة وما حدا بيرد وحنان بتحاول تتصل بعالية لكن عم يطلعلا مغلق... بتطلع بالدكتور وكأنو فهمو شي بيركضو وبيركبو بسيارة وبحاولو يلحقو سيارة الاسعاف
الطريق زحمة كتير هنن شايفين الاسعاف قدامهن بس بعيدة شوي
حنان توترت كتير وصارت تفرك ايديها وعاد نزل الموبايل عن ايدا وهي تتصل بعالية ويطلع مغلق او خارج نطاق التغطية
كريم استعجل الله يوفقك
عم بعمل جهدي. .. يعني بس لو اقدر اقرا اسم المستشفى بروح عليها فوراً بلا ما الحق الاسعاف
هلأ بس تقرب بحاول انا اقرا الاسم
نشالله خير يارب والله غلي قلبي كتير يا ترى شو صاير معون يارب ما تكون خالة ان عالية تعبت
يعليي عليكي يا عالية
ياربي شو معترة هالبنت
روئي نشالله مافيا شي
بعدين بركي مو هي يلي بالاسعاف يعني كأنو نحنا تسرعنا
لا اكيد هي لانو مستحييييلللل عازمتنا ومعذبة حالا وتحمل حالا وتطلع من البيت الا لو كان خارج عن ارادتها خالة ان عالية كتير مزوءة واكابر انت لسى ما بتعرفون هي وعالية بجننووو كتير حبابين ومحترمين...
اي والله سبحان الذي خلقون كتير بينحبو
وهل عالية شو لذيذة وبنت عالم وناس ومرباية الله يحرسا.... طيب معقولة ابوها مابدو يشوفا حتى ولا يعرف عنا شي اي والله غريبة الله يعينو على عقلو
طبعاً حنان متوترة ومو اردانة تركز بشي لا كلام كريم ولا سؤالاتو وتلميحاتو
وعم تدعي وتتصل بعالية
يارب سترك يارب.... يارب لا تضر عالية بأمها يارب
يارب يشفيكي يا خالة ام عالية يارب
كريم بيسكت وبيقول ٱٱٱٱٱٱمين يٱٱٱٱٱٱرب وبيكمل سواقة وملاحقة الاسعاف وهو ساكت
.....................
الاسعاف بتوصل ع باب المستشفى وبينزلو ام عالية المسطحة ع التخت وعالية بتنزل من ورا كانت معا
عالية عم تبكي ودموعا شلالات
بتوصل سيارة كريم حنان بتلمح عالية وهي فايتة من مدخل الطوارئ
ييييي ليكا هي عالية بتفتح الباب قبل ما يصف كريم وبتركض حتى بدون ما تسكر الباب وراها
بتلحق عالية وبتناديلا
عالية عالية
عالية مو سمعانة
بيفوتو ام عالية ع العناية المشددة وبيمنعو عالية من الدخول
بتوقف المسكينة ع الباب وبتبكي
حنان بتجي فوراً وبتحضنا وبيبكو التنتين
كريم صف السيارة وفات وعم يدور على حنان وعالية دور شوي بعدين لقاهن
بيطلع عليهن من بعيد ما حب يقرب وعالية عم تبكي بحرقة
صار يطلع فيا وعيونو مدمعين
.......................
يتبع
