كريم وعالية وام كريم وام عالية بسوق الدهب عم يشترو الصيغة لعالية
عم يلفو من محمل لمحل عالية خجلانة وماشية جمب امها وكل شوي كريم يقرب ناحا بدو يمسك ايدا هي بتتهرب وبتمسك ايد امها وبتبعد عنو
طبعاً كريم بحكم انو عايش عمرو برا فا موضوع مسكة الايد بالنسبة لألو كتييييييييرررررر عادي واقل من عادي وخصوصي انو حاببا كتير لعالية بس هي المسكينة متعقدة ولسى ما نسيت جرحا واصلاً وافقت كرمال امها لكن هي لساتا خايفة من هيك خطوة ولساتا عم تتعامل مع كريم برسمية شوي يعني لساتا بتقلو دكتور كريم وهو عم يحاول بكل الوسائل انو يحببا فيه وينسيا يلي مرقت فيه من خلال تصرفات راقية وحلوة وما عم يحاول يدايقا ابداً ولا يجبرا ع شي بدو ياها ترتاحلو وتحبو......
ام كريم يبدو انها حاببتا لعالية كتير لانو مبسوطة وهي عم تتفتل بالسوق معون وينئولا الدهبات
ويبدو انو ضربو صحبة هي وامها لعالية
ام كريم ست اكابرية وشيك كتير وبتفهم بالاصول لابعد حد لهيك عجبت ام عالية كتير
بيضلو يلفو من محل لمحل لحتى يجيبو المناسب ويلي بيعجب الام وبنتا طبعاً عالية مارضيت تختار شي حتى المحبس كلو تركت قرارو لوالدتا
يعني امها هي يلي اختارت الصيغة من اولها لآخرها
بيخلصو من قصة الدهب وبيروحو ع محلات تجهيزات العرايس والبدلات وبيفتلو كتير لحتى يشترو بدلة الخطبة متل ما بتحب عالية وامها طبعاً كريم ووالدتو يعني عيلة سبور بحكم انهم عايشين برا بس مو مأشلطين يعني والدتو ست مقدرة ولبسها محتشم وضمن الادب بس مو محجبة لكن عالية اصرت انها تختار بدلة محتشمة كتير بحكم انو لسى مافي بيناتن اي شي مجرد تلبيس محابس وحفلة خطبة نوع من الاشهار فقط انو قدام الناس هي صارت مخطوبة لكريم يعني الحفلة التقليدية لتلبيس المحابس... المهم بيخلصو شراء كل لوازم الخطبة وبيخلص النهار بعد ما فرطوا كلن من التعب والجوع وكريم بياخدون ع مطعم كلاس كتير بيتغدو وبيمشو
بالسيارة مع كريم امو قاعدة جمبو بعد ما وصلو عالية وامها ع البيت
ام كريم مبينة مبسوطة وضحكتا من الأدن للأدن بتقرب ع ابنا كريم وبتبوسو بفرح.... نشالله الف مبروك تؤبرني
بعيد الشر عنك ماما وربي يباركلي فيكي ويطولي بعمرك ياحئ
الله يرضى عليك
بس ابني ما سألتك شو ناوي تساوب بعد الخطبة يعني مشان شغلك وحياتنا بفرانسا ماما ما منقدر نضل هون
لا مارح ضل طبعاً ماما شبدي ضل ساوي هون اصلاً انا معطل شغلي كلو هنيك كرمال اخطب وبعدا نشالله بمشي
طيب والبنت بدا تضلا هون وانت هنيك يعني حكيتو واتفقتو ع هل شي ولا لأ ابني
والله مابعرف ماما ما صار فرصة الصراحة كل شي صار بسرعة وانا ما صدقتون يوافقو
بس كأنو البنت ما كتير مبسوطة هيك حسيتا انا ولا احساسي غلط؟
لا ماما مو هيك بس هي خايفة يتكرر معها الشي يلي صار بجوازتا الاولانية حكيتلك انا
اي والله يعليي عليها مسكينة ما بتستاهل بنت مرباية وبنت عالم وناس وسبحان الذي خلقا شو حلوة وناعمة
اي بتجنننننننن طار عقلي فيا بجمالا وهدوءا واكابريتا
كريم بيضرب فرام قوي وامو بترتعب.... يييييييي انتبه ابني
اسف ماما بس يخربيتو من حالو وقف فجأة
امي برضاية عليك انتبه وخفف سرعة شوي يعني ما بتبطلا هل عادة هل علة فيك بتدايقني كتير
حاضر ماما بأمرك أنا
بيكملو طريقون
........................
عالية وامها بالبيت بعد ما رجعو من السوق عم يفردو الغراض وام عالية عم تتفرج عليهن وهي طاير عقلا ومبسوطة كتير وعيونا مدمعين
تؤبريني نشالله الف مبروك وجوازة الدهر بإذن الله ياعمري انتي
عالية ساكتة
شو امي شبكي تؤبريني ما حكيتي كلمة طوال النهار
مبني شي ماما عادي تعبانة من الدوارة
سلامة قلبك ياعمري وبتبوسا وبتحضنا.... لك دخيل العروس انا
عالية بتبتسم بصمت
...............................
بيمر كم يوم وتحضيرات الخطبة شغالة الصالة انحجزت وانطبعت الكروت وكريم وامو بيجو ع بيت عالية لياخدوها هي وامها مشان توزيع الكروت وبيفتلو من منطقة لمنطقة ومن بناية لبناية ومن بيت لبيت لحتى يخلصو توزيع كل الكروت على اهل ومعارف عالية واهل ومعارف كريم
.....................
بيمر وقت وبيجي يوم الخطبة المنتظر
عالية وامها وام كريم واخت كريم عند كوافير الاوتيل يلي حتصير فيه الخطبة
طبعاً هنن عيلة كلاس ومعارفون كلا شي رفع وماشالله مادياتون ممتازة لهيك حجزو صالة بأوتيل خمس نجوم معروف بالشام وطبعاً الخطبة مختلط نسوان ورجال
بيخلصو من الكوافير وبيطلعوا كل مين ع غرفتو المحجوزة مسبقاً لهادا اليوم
عالية بتطلع ع اوضتا بتبلبس البدلة وبتزبط حالا هي وامها
ام عالية بدمعو عيونا لما بتشوف بنتا وهي لابسة البدلة ومساوية شعرا بجنن ومكياجا روعة هادي ورايق كلو اكابرية
بتقرب وبتتأملا بعيون كلا فرح وسعادة
بتبوسا... تؤبريني نشالله الف مبروك وربي يبيض بختك ويكملا معك بجاه النبي ويفرح قلبك ياعمري انتي
عالية مستحية كتير
يؤبرني الخجلان انا
..............
كريم لبس وخلص وطالع بيطير العقل ماشالله شخصية بتجنن جمال وطول بعرض وجسم رياضي يعني كامل مكمل ومو ناقصو شي ابداً
ام كريم كمان لبست فستانا الشيك كتير وصارت تطلع بابنا من فوب لتحت وتبتسم بسعادة
حبيبي احلى شب نشالله الف مبروك يا روحي انت
الله يخليلي ياكي يا احلى أم
الله يرضى عليك يارب
بيبوس ايدا
بيندق الباب تبع الاوضة بيفتح الباب بتكون اختو لكريم لابسة وخالصة وعم تستعجلن.... يلا يا جماعة شو ما خلصتو... اي اذا العروس خلصت وعم تستنى
كريم بيركد لبرات الاوضة... عنجد عالية خلصت كتير مشتهي شوفا اكيد بتجنننننننن حبيبتي
بتضحك اختو وبتشنكلو من ايدو... ههه اي تعا نروح لعندا لابسة وجاهزة وعم تستناك
ام كريم بتطلع وراهن وبتسكر باب الاوضة
كريم بيدق الباب مع انو مفتوح شوي
ام عالية بترد
اتفضل كريم
بيفوت وبيشوف عالية بوشو واقفة بطير عقلو فيا وبترتسم على وشو ضحكة حب واعجاب
كلن بيطلعو ببعض وبيبتسمر بفرح
ام كريم... يلا يا عريس مسيك ايد عروستك ونزلو الناس عم تستنا يلا يا عرسان
عالية بتخجل كتييييييييرررررر وكريم طاير عقلو وفرحان بيقرب لعند عالية وبيمسك ايدا وهي وشا بيحمر وبتموت من خجلا
بياخدا وبيطلعو من الاوضة والباقي وراهن... انا اليوم اسعد مخلوق على وجه الأرض
عالية ساكتة وخجلانة
كتير مبسوط فيكي
انتي احلى شي صار بحياتي
يارب اقدر اسعدك وفرح قلبك وهنيكي يارب يقدرني على هل شي يارب
بتبتسم بخجل
بحبك عالية
عالية بتستحي كتير وبتوطي راسا
كريم بيشد ع ايدا وبيكملو مشي بالكوريدور وبيصلو ع الاسنسير وبينزلو ع الصالة
بيفوتو ع صوت زفة راقية
والناس كلا عم تطلع عليهن كلو بدو يشوف مين هي يلي اختارا كريم
طبعاً الصالة مليانة بأهل كريم ومعارفو ومعارف عالية وامها يادوب كم طاولة بحكم انو منفصلين امها وابوها واصلاً ام عالية نص اهلا مقاطعينا من زمان فا لذلك اقتصروا معازيم عالية على رفقاتا وكم قرايب لامها من بعيد حتى خالها الدكتور ماتواجد لانو سافر بعقد عمل للخليج
................
بيمر وقت والمعزيم عم ياكلو ويشربو ويرقصو والمقربين لكريم عم يروحو ع الاسكي يهنو ويباركولو وينقطوه
بيصير وقت تلبيس المحابس والدهب
كريم بلبسا المحبس وهي بتبلبسو كمان وام كريم واقفة وماسكتلو علبة الدهب وهو عم ياخد ويلبسا ماشالله شو لبسا دهب خواتم واساور غير المحبس والحابس تبعو يلي بحجر ألماس
غير الطقم الكامل يلي ضل بالعلبة
ام كريم بتجي وبتلبس عالية اسوارتين تقال كتير وخاتم
بعدين ام عالية بتجي وبتلبسا تلت مبريم وطوق بأونصة آية الكرسي
بتجي حنان بتلبسا خاتم ناعم وبتبوسا وبتباركلا وبتبارك لكريم وام حنان كمان بتياركلون وبتسلم على ام عالية وبتهنيا هي وام كريم
ييخلصو تلبيس وبيرقصو شوي والعالم مبسوطة وعم ترقص
بتخلص الحفلة يلي كانت من اروع ما جاء يكون وكل مين بيروح ع بيتو
...................
تاني يوم كريم بيتصل بعالية وبيطلب منا يطلعوا مشوار سوا
بتستأذن عالية من امها وهي بتسمحلا وبيطلعوا بيقضو يوم برا يعني مطاعم وكافتريات وتسوق
كريم بياخدا بيشتريلا شوية تياب وكنادر وشناتي انو هدية الخطبة هو هيك قالا بيتغدو وبيتعشو برا وبيخلص اليوم وبوديها ع بيتا وبيروح ع بيتو
...................
بيمرق يومين على خطبتون
عالية طالعة من البيت بدا تكب الزبالة
بيمسكا حدا من ايدا من ورا
بترتعب كتير بيسكرلا تما وبياخدا ع جنب
.......................
يتبع
