عالية بعد ما طلعت تكب الزبالة واجاها حدا من وراها واخدا ع جنب وهو مسكرلا تما
بيحاكيا وهو وراها بدون ما تشوفو... لفي شوي شوي وانتي مغمضة عيونك
بتلف متل ما قلها وبتنصدم لما بتلاقيه كريم ومن رعبتا ما عرفت صوتو بتصير تضربو ع صدرو.. اووووف اووووف لعمى شو غليظ قطعتلي قلبي
ياربي دخيلك حسيت ح يوقف قلبي
سلامتك يا قلبي
طيب ما عرفتي صوتي معقول؟
لاااا من الرعبة يلي اكلتا امي مارح اعرفا
هههه انا آسف
عالية بعدا حاطة ايدا ع قلبا وعم تزورو
خلص روئي
طيب يعني لشو هل حركات يلي بلا طعمة
تعي للألك لشو
بياخدا من ايدا وبروحو ع الشارع يلي ورا بنايتا
وبيوقف جمب سيارة ميني كوبر حمرا
وبيطالع من جيبتو مفتاح السيارة وبيرفعو قدام وشا وبيهزو... شو رأيك؟
بشو؟
بالسيارة حياتي
عالية سكتت وما فهمت قصدو
لك شبكي ليش سكتي
لانو مافهمت شو قصدك
لك هي السيارة الحمرا يلي قدامنا الك والمفتاح ليكو بأيدي صرلي ساعة عم لولحلك فيه
السيارة ألي أنا ليش؟؟
شو ليش خطيبتي وحبيبتي وكل شي بحياتي ومابدي ياها تتشنطط بالمواصلات فيا شي هي كمان
يسلمو بس انا ما بعرف سوق
وانا بعلمك هلأ يلا تعي
لا مابدي... يتنترلو ايدو وبتروح ع البيت بيروح وراها فوراً... عالية عالية استني
بتفوت ع البيت بتلاقي امها... لك بنتي وينك لهلأ ع اساس طالعة تكبي الزبالة و....
كريم بينقر ع الباب السلام عليكم حجة انا كريم
اي اي اهلين كريم لحظة... بتلبس طقم الصلاة... اتفضل كريم
بيفوت.. اسف حجة بعتذر على الإزعاج
له اني ازعاج هادا يا مية اهلا وسهلا فوت فوت حماتك بتحبك ساويت رز بحليب شي ناهي عود لجبلك زبدية
بتروح ع المطبخ وهو قاعد بالصالون وعم يمد راسو لجوا بركي بيلمح عالية
لانو عالية فاتت ع اوضتا وهي مزعوجة انهزت منو مشان السيارة
ام عالية جابتلو رز بحليب... اتفضل صهري نشالله تعجبك
كل شي من ايدك بجنن مرت عمي
صحة وعوافي.. لك وينا عالية؟؟؟ بتصير تناديلا... عالية يا عااالية
عالية بترد من جوا... جاية ماما
بتجي عالية... نعم ماما بدك شي ساويلك شي
لك وين فتي وتركتي خطيبك يا بنت.. بعدين مافهمت كيف اجيتو سوا التقيتو برا يعني ولا كنتو متواعدين يا سلالين وطلعتي ع اساس تكبي الزبالة هههه.... زعران
عالية ساكتة وعم تطلع بكريم
لك شبكون متخانقين شي
مرت عمي انتي احكمي
اي احكيلا اصلاً هي رح توقف بصفك اكيد
خير شوفي يوه والله شلشتوني
مرت عمي انا جبت سيارة صغيرة لعالية مشان تروحوا وتجو ع راحتكن وبلاها شنططة المواصلات
جبت شو؟؟ سيارة؟؟ 😱
وايمتى صار هالشي
هلأ لما كانت هي برا انا فاجأتا فيا
اي
وهي زعلت مني كتير بس انا ما فهمت ليش
ليش يعني لانو لسى مافي شي بيربطنا
لك بنتي شلون يعني مافي شي بيربطكن والحفلة يلي صارت والخاتم يلي لابستيه شو هدول
ماما انا عن بحكي ارتباط شرعي
يا ستي انا اصلاً كنت جاية استأذنكن نكتب الكتاب لاني مستعجل كتير وبدي سافر شغلي متعطل بس بالي عندك
بتفرح كتير ام عالية وبتنسى موضوع السيارة وبتبلش حكي بالكتاب فوراً
اي اي ابني وانا هيك رأيي كمان
عالية كتير بتعصب... مامااااا
عااالية.. اسمعي الكلمة
بتمسك حالا قدام كريم... امرك ماما... بتقولا بدون رضا تام
اي ابني ايمتى بتحب نكتب الكتاب
كريم بيطق عقلو من الفرح... لك انا بدي هلأ بهي اللحظة
معلش قول كلمة
اتفضلي حبيبتي
انو بدنا نكتب الكتاب وسافر معك يعني انو بدون حفلة عرس؟؟؟
لك لااااا حبيبتي مو هيك... انا رح سافر وانتي رح تضلي هون وبرجع منعمل العرس بعد فترة وبتسافري معي لتعيشي معي بقى
اي يلا ابني خير البر عاجله منروح بكرة الصبح انت تعال خدنا
عنجد مرت عمي... لك لك يخليلي ياكي يارب والله مابعرف شبدي الك لك الله يطول بعمرك ويديمك يارب
الله يرضى عليكن و يوفقكن الهي
عالية بتتركن و بتفوت ع اوضتا
اي مرت عمي لكان رح بستأذن انا لح روح حضر حالي وخبر ماما واختي
اي صهري الله معك... بتوصلو ع الباب وبتودعو بتسكر وبتفوت لعند بنتا ع الاوضة
ولك انتي شو صايرلك يا بنت كانو عم تزوديا مع الزلمة يعني والله معاملتك ألو ما حلوة يعني مابعرف كيف متحملك والله
الله يطول بالو يارب
عالية بتطلع بأمها وبتضل ساكتة
اي لا تردي احسن
المهم زبطي أمورك مشان بكرة الصبح بظن اسمعتي انو جاية كريم الصبح لازم نكون جاهزين شوفي شبدك تلبسي من هلأ وبطليلي البنطلونات والكنزات المشلفة
عالية بتطلع بأمها بزعجة.. مشلفة؟!!! هلأ الكنزة العريضة والطويلة للسترة صارت مشلفة
هلأ حاج تاخدي وتعطي يلي بدي اولو كوني عروس يعني هادا كتب كتاب بدك تلبسي تيور اكابري وفاتح مو كنزة وبنطلون
ماما هادا الصبح بكير وبالمحكمة بين الزحمة والعالم فوق بعضا والتدفيش والحيونة كيف بدك ياني البس تيور وفاتح كمان
اسمعي الكلمة يا بنت
عالية بتنفخ
ام عالية بتطلع وبتسكر الباب
.....................
تاني يوم الصبح بالمحكمة عالية وامها وكريم وامو... عالية لابسة ومهندسة ع الاخير وطالعة بتاخد العقل وعيون ام كريم ما نشالت من عليها وامها منتبهة ومبسوطة بهل شي ورافعة راسا وشايفة حالا ببنتا
انكتب الكتاب وراحت عالية وامها مع كريم وامو ع بيتون لانو كانو جامعين اهليتن القراب كتير طبعاً واخت كريم وجايبين كاتو وحلويات ليحتفلو بس ما قالو لعالية مشان يعملوها مفاجئة
وفعلاً اتفاجأت عالية لما فاتت ولقت زينة وبوالين والكل سفقولون وصاروا يباركو ويهنو
ام عالية شمرت منخيرا وانبسطت كتير كتير
وكريم جايب لعالية طقم دهب ولبسها ياه كمان كان مفاجئة للكل حتى امو ما خبرا بس كتير انبسطت منو وام عالية لح يغمى عليها شوي تانية من كتر ما فرحت لك مالا مصدقة يلي عم تشوفو ويلي عم يصير قداما
بيمر وقت والناس بيروحو كل مين ع بيتو طبعاً الناس كلن ساكنين بنفس البناية لانو هي البناية كلا لأهلية كريم وبس مافيا حدا غريب ابدا
بيقعد كريم مع عالية بالبرندة
والباقي بالصالون عم يتحدثو يعني ام عالية واخت كريم وامو مشان يتركو العرسان ع راحتون
كريم عم يتأمل عالية يلي قاعدة عم تعد نجوم السما متل المراهقات وصفنانة بجمالن
كريم.... عالية حبيبتي بدي اطلب منك طلب
اتفضل
حبيبتي بدي ياكي بالفترة يلي انا حكون بعيد عنك فيا تدرسي
اي عادي عم بدرس انجليزي ورح كمل لاخد الشهادة
اي بعرف بس ما قصدت هيك انا
لكن شو
قصدي انك تاخدي البكالوريا
بس انا مابدي ادرس
لا بدك تدرسي عالية لانو كل يلي درسو وصاروا بالجامعات مالن احسن منك ولا أذكى ولا أشطر منك ابداً بالعكس ماشالله عليكي مو ناقصك شي من الذكاء والفهم
شكراً
حبيبتي ممكن تبطلي تعامليني برسمية
معلش ياريت تصبر عليي شوي بس لأتعود عليك وعلى عيلتك وعلى اني ارتبطت اساساً
اوك بتحملك وبصبر كل عمري بسبيل انك تحبيني متل ما بحبك
عالية بتسكت
اي منرجع لحديثنا.. . ارجوكي تكملي تعليمك ولما منسافر سوا بعد العرس بدي ياكي تفوتي جامعة هنيك بفرنسا
نشالله
لا بدي توعديني
اي التلك نشالله
عالية هادا الموضوع مهم ومافيه مزح لذلك بكرة بدك تجي معي الصبح بكير بدي سجلك بمعهد لانو يادوب تلحقي السنة مشان يكون عندك وقت كافي تدرسي وانا واثق انك قدها وقدود ورح تنجحي ومن اول مرة وبعلامات بترفع الراس
عالية كتير انبسطت من حكي كريم وحست بثقة بنفسا من زمان ما حستا
ام عالية بتجي ع البرندة..... يلا ماما عالية بدنا نمشي انا نعست وتعبت كتير.. كريم الله يرضى عليك توصلنا
يييي ولووو طبعاً بدي وصلكن ولو اني مبسووووووط كتير بوجودكن بس يلا بتحمل للصبح
ام عالية بتبتسم مبسوطة من كلام كريم كتير
..............
كريم بيوصلن ع باب البناية وبينزل معون وبيأمن أنو فاتو ع البيت وبيودعون وبيمشي
..............
يتبع
