بعد العرس كل مين فات ع اوضتو وصبحية العرس التقو ع الفطور تحت بالمطعم تبع الاوتيل وكانو كريم وعالية ضابين شناتين وجاهزين مشان يطلعوا ع المطار مباشرة بعد الفطور مع ام كريم وام عالية
وهنن قاعدين ع الفطور بتحسو الفرح والحزن بعيون ام عالية بنفس الوقت فرح لسعادة بنتا ولتعامل كريم معها ومحبتو الها والحزن لانو رح تبعد عنها
ام كريم سينييه كتير وعم تاكل بالشوكة والسكين وعم تتبسم
كريم... اي ماما
اي حبيبي
ما التيلي ايمتى لاحقتيني
والله مابعرف ياروحي لخلص يلي ورايي متل ما التلك بدي دهن البيت وغير الفرش وكمان بتعرف اختك نورا صارت بالسادس ما معقولة اتركا وامشي بقى بتولد وبطمن عليها بعدين بجي نشالله بتكون انت قعدت مع عروستك لحالكن شوي
ام عالية بتطلع فيها... ليش حضرتك رح تضلي عايشة معون بنفس البيت
اي حبيبتي اكيد هادا بيتي وما بتركو
بتنزعج ام عالية كتير وبتطلع ببنتا نظرة ازدراء 😒
كريم بيتدخل بابتسامة عريضة وهو عم يضم عالية بحب.... مرت عمي انتي ايمتى رح تجي لعنا تقعدي معنا كم شهر
لا حبيبي بكفي امك
عالية بتطلع بأمها انو شو هل اسلوب خافت تصير مشكلة
عالية بتستأذن بدا تروح ع الحمام تغسل
ام عالية.. استني خديني معك
بيفوتو ع الحمامات... لك ماما شو صرلك
انا شو صرلي. لك يخربيتا هل مقوصة حماتك بدا تضلا قاعدة ع قلبك هنيك وانا بعيدة عنك يعليي عليكي شو بدو يصير فيكي بلايي
ماما مافيا شي المهم كريم بيحترمني وما بيتصرف اي تصرف بدون ما ياخود رأيي.. لا تخافي ما بتعمل شي
لك تعمل تحتا نشالله ليش بتسترجي والله بطلع بروحا
ماما ليش مصرة توتريني بآخر لحظاتي معك
لا تؤبريني اضرب انا ينقطع لساني ريتو
بعيد الشر عنك ماما لا تقولي هيك يعني انا يلي بقصدو خلينا قاعدين هل شوي مع بعضنا برواق واشبع منك وتشبعي مني لانو مابعرف ايمتى رح شوفك مرة تانية
وهادا الشي منغص عليي فرحتي وحارق قلبي من جوا بس وجود خالتو ام مصباح جمبك مطمني شوي يعني هي جارتنا من سنين طويلة وبتحبك كتير وهي بحكم انها وحدانية وعايشة لحالا متلك وعدتني تضل عندك طول النهار وتعملو كل شي سوا وبس وقت النوم بتطلع ع بيتا وبتنام هل شي فعلاً ريحني الله يجبر بخاطرا وعلى العموم انا عطيتا كل ارقام كريم هنيك وبتقدر تتواصل معي بأي وقت اذا صار شي لا سمح الله وبدي منك توعديني ما تتركي العلاج ارجوكي ماما ديري بالك ع حالك وانا اتفقت مع كريم اني انزل كل ست شهور وقضي معك شهر كامل وبعدين ارجع
اي نشالله تؤبريني الله يهونلك ويسعدك يارب
حبيبتي يا احلى ام.... بتبوسا من راسا وايدا
يلا نطلع ماما ما حلوة اتاخرنا عليهن كتير
بتعانقا وبيطلعوا
بيرجعو بيعدو محلاتن ع الطاولة
حبيبتي طولتي كأنو مو
ماما كانت زعلانة وعم تبكي ع سفرتي وانا كنت عم حاول راضيها
لا تزعلي مرت عمي رح تجي لعنا او عالية بتجي اكيد خبرتك مو
اي صهري خبرتني الله يرضى عليك
يلا عاليتي منقوم حبيبتي دوبنا طريق المطار بياخد معنا وقت
يلا
بيقومو كلن وبيطلعوا سوا على السويت تبع عرسانا الحلوين
ام عالية وام كريم عم يساعدو العرسان بالضب النهائي مشان ما ينسو شي
بيطالعو كل الشناتي لبرات السويت وكريم بيطلب خدمة الغرف ليجي يشيل الشناتي لباب الاوتيل
ام كريم... ابني بوصلكن انا مافي داعي للتكسي
لا ماما خدي السيارة وروحي انتي ومرت عمي وديها وأمني عليها وبعدين روحي ع البيت وارتاحي
انتو تعبتو معنا الله يخليلنا ياكن يا بركتنا
بيقرب وبيبوس ايدين امو وام عالية
ام عالية بتخجل من هل تصرف المذوق
الله يرضى عليك حبيبتي بنتي بأمانتك وبدمعو عيونا
بينزلو لتحت وبتكون التكسي تبع الاوتيل ناطرة ام عالية بتودع بنتا بدموع
وام كريم بتحضن كريم وبتتمنالو السعادة... توصلو بالسلامة حبيبي
الله يسلمك ماما
وبعدين بيتبادلو ام كريم بتبوس عالية وام عالية بتبوس كريم وبيودعوهن ودموع عالية وامها ع خدودون شلالات 😢😢
بيركبو التكسي وبيطلعوا ع المطار
ام كريم وام عالية بيطلعوا بسيارة كريم وبيمشو
.....................
ام كريم بتوصل ام عالية يلي ما نشفت دمعتا ع بيتا وبتروح
ام عالية بتفوت ع البيت وبتصير تبكي اول ما بتشوف صورة عالية جمب التلفزيون محطوطة ببرواز قديم
........................
عالية وكريم بيوصلو بالسلامة وكريم بياخدا ع شهر العسل ضمن فرانسا بيلففا ياها كلا بتنبسط كتير ما بيخلي فيها مطرح وهي طايرة من الفرح والسعادة حست حالها ما عاشت قبل هلأ
بيخلص شهر العسل وبيرجعو ع بيتن وبيمضا شهرين كمان يعني مضى على سفر عالية تلت اشهر
عالية بتكون ببيتا بيوم من الأيام وبيجيا اتصال من ام مصباح جارة امها بتخبرها انو امها تعبانة كتير واخدوها ع المستشفى
المسكينة ما بتعرف شو تعمل بتجن وبتتصل بكريم يجي ع البيت بسرعة بتبكب كتير وبتطلب منو يحجزلا ع اول طيارة نازلة ع الشام وهو ما بيتأخر فوراً بيحاكي سكرتيرتو تحجزلا وبالفعل بيلاقو حجز بس لبعد يومين
مسكينة عالية بتقضي ليلتين كلن بكاء وقهر واحساس بالذنب لأنها تركت أمها لحالا بس طبعاً ضلت على اتصال مع ام مصباح وعم تطمن عن امها اول بول لانو مافيا تحاكيها حاطينا بالعناية المشددة متل اول مرة
وعالية بتتصل بحنان وبتوصيا انو تضل قاعدة عند امها لبين ما تجي هي لانو مالا غيرا وبتعتبرا اختا يلي ما ولدتا امها
وكريم بدورو بيتصل بوالدتو وبيوصيها تروح وتشوف ام عالية وتعمل اللازم تشوف شو لازمها وشو المفروض يتصرفو واذا بتحتاج سفر لبرات البلد هو بيخلصلا ورقها وبيجيبا لعندو
بيخلصو هاليومين بطلوع الروح وبتسافر عالية وبوشا من المطار ع المستشفى
بتلاقي حنان واقفة عند غرفة العناية المشددة بتركض لعندا وبتسألا عن وضع أمها
بس حنان ما بتجاوب
عالية بتجن وبتدور ع اي حدا تحاكيه وتسألو عن امها وعن وضعا بتصير بدا تفوت ع العناية بس بيمنعوها
بتجن وبتصير تصرخ بكل المستشفى... ماماااااا مامااااااااا
................................
بتروح وبتجي بالمستشفى وهي عم تبكي وبتمسك كل حدا بتلاقيه بطريقا وبتصير تمسكو وتسألو... لك ليش ما حدا عم يرد عليي عم بسألكن ماما شبها شو صار معها هي بخير ولا لا
صرلا شي لك ردو عليي
يا انسة انا مالي الدكتور عن اذنك
بتجي لعند حنان
لك الله يوفقك ردي عليي ماما شبها
حبيبتي روئي جد ما بعرف شي بس هي تعبانة ادعيلا
شو يعني فهميني ماما بدا تموت
بتلاقي حدا مسكا من ورا.... حبيبتي بيكفي روئي نحنا بمستشفى... هي ام كريم
بتحضنا وبتصير تبكي بحضنا
بيطلع الدكتور من غرفة العناية المشددة ومبين عليه الانهاك والتعب
بتركض لعندو عالية... دكتور ارجوك طمني عن ماما
الحمد لله تجاوزت الخطر عنجد امك قلبها لله ومحظوظة الله معافاية نشالله
بطير عقلا وبتصير تبكي اكتر من الفرح
يعني بقدر فوت لعندا دكتور
لا مو قبل 48 ساعة لتكون تجاوزت الخطر تماماً ورجع نبضا لطبيعتو ساعتا منقدر نقول انها تمام وفيكن تشوفوها عادي ام هلأ لا اعذروني عليها العافية نشالله
بيمشي الدكتور
عالية بتحضن حماتا وبتبكي
حنان بتطلع على عالية بفرح وحزن سوا
............................
بيمرق يومين ع وصلة عالية ع المستشفى وهي نايمة ع القاعد بكرسي جمب غرفة العناية
بينفتح باب العناية وبيطالعو امها بالتخت بتفيق عالية وبتنط ع امها وبتبوس ايدا... ماما حبيبتي ما ع قلبك شر تؤبريني نشالله انا
ام عالية مو ادرانة تحكي حاطينلا كمامة اوكسجين بس بتبتسم بفرح لما تشوف بنتا
الممرضات.... يا انسة اذا بتريدي خلينا نشوف شغلنا بعدين بتشوفي والدتك
طيب لوين اخدينا لو سمحتي
ع الأشعة وبعدين ع اوضة عادية
انتظرينا هون نحنا منبلغك
طيب.. بتررك ايي امها غصب عنها
عليكي العافية يا احلى أم.... انا هون قاعدة مارح اتزحزح من محلي ناطرة يسمحولي شوفك تؤبريني
ام عالية بتبتسم من تحت الكمامة
بياخدوها وبيمشو وعالية بترجع بتقعد ع الكرسي وجمبا حنان
حنان وينا مرت عمي مالي شايفتا
والله مابعرف بس بظن راحت من زمان
شو هاد راحت؟
اي هيك كأنو
ولوين راحت وتركتني لحالي ع اساس كريم موصيها تضل معي
مابعرف والله
بسيطة الله لا يحيجني الها
طولي بالك عالية بركي عندا شي عذر قاهر
شو هل عذر القاهر يلي يخليها تترك كنتا لحالا بهيك ظرف
حنان بتسكت
عالية مبين عليها عصبت كتير بتصير تهز برجلا
بعدين بتفتح شنتايتا وبتستناول موبايلا وبتتصل بكريم هو بيفصلا وبيرجع بيتصل
بترد عليه فوراً.. اي كريم
هلأ هيك انت وصيت امك
شوفي والله يا حبيبي امك تركتني لحالي بالمستشفى وحملت حالا وراحت وما كلفت خاطرا تسأل كيف صارت أمي
لا مابدي روء
انا الله يعلم بحالتي هلأ
الله يعلم كيف قضيت هاليومين
لك متت من خوفي ع امي متت رعبة يصرلا شي وما شوفا بعد هلأ
بتصير تبكي
وهو بهديها
وهي تسمع وساكتة وعم تبكي
نشالله
اي
ماشي
اي
ياريت
طيب حاكيني بس تعرف شي
لا مابدي منها شي
اصلاً هيك شغلات ما بتنطلب بتنحس
اي
ماشي
روئت بسماع صوتك حبيبي دير بالك ع حالك
باي
باي
........................
