بعد ما فاتت ام عالية ع المستشفى وضلت عالية يومين لحتى شافت امها شوي وهنن اخدينا ع الأشعة وحماتا ام كريم تركتا لحالا بهيك ظرف وعالية عصبت كتير منها وانقهرت من قلبا لانها كانت معتبرتا سندها الوحيد يعني مو لئامة منها ولا جفاصة ولا قلة ذوق ولا قويّة من العشم بس
ام كريم طبعاً كان عندها عذر قاهر وهو انو صهرا جوز بنتا اتصل عم يستنجد فيا لانو بنتا عم تولد وبحاجتا لهيك تركت المستشفى وعالية بهي الطريقة بس اول ما اطمنت ع بنتا اتصلت واعتذرت وشرحت موقفا واطمنت على ام عالية واتمنتلا الشفاء العاجل ودفعت كل شي للمشفى على طلب ابنها كريم
كريم حاكا المستشفى يلي عم تتعالج فيا ام عالية وعمل الاجراءات اللازمة لنقلها الى خارج البلاد للعلاج لانو حالتها صارت صعبة والمرض بمرحلة متقدمة بالإضافة الى انو وجودها جمب بنتها ممكن يساعدها نفسياً ويخليها تتحسن وتصير حالتا افضل وجسمها يتقبل العلاج بصورة افضل
طبعاً مافي داعي اشرح لكن حالة عالية النفسية كيف ضلت كل هل فترة... للأسف سيئة جداً مع انها بقيت طول الوقت تمثل عكس هل شي قدام امها لحتى ما تحسسها بشي وتخليها تنتكس اكتر
كريم بالتعاون مع المشفى والمعارف تبعو بالبلد بيخلص وراق ام عالية المطلوبة لسفرها خارج البلاد للعلاج وبيتحدد موعد السفر وبتسافر بحالة حرجة مع بنتها ومن وصولها مباشرةً بيكون فريق طبي مختص من مستشفى كريم بفرانسا مستنيها بالمطار وبياخدوها بسيارة الاسعاف ع المشفى مباشرةً
طبعاً وعالية بتروح معها
كريم بيرحب فيها بكل وش بشوش وبيحسسها انو كل شي بسيط ومافي شي بيدعي للخوف وانو هي بألف خير
بدي خبركن شغلة مهمة عن كريم وعن سبب نجاحو بمهنتو وبشكل عام وباختصاصو بشكل خاص ((هو دكتور ناجح جداً جداً جداً جداً بمجالو وباختصاصو بصورة كبيرة وبعود هالشي طبعاً لدراستو وتخصصو خارج البلاد من صغرو بس السبب الاهم طريقة تعاملو مع المصابين بهداك المرض الله يبعد عنا وعنكم يارب وكل المرضى بيحبوه كتييييييييرررررر وبيسمعو كلمتو ومعظمهم تماثل للشفاء التام بفضل من رب العالمين ثم بفضله لانو بيزرع الفرح وحب الحياة بقلوبهم من خلال تعاملو معهم الغير معتاد من الدكاترة في نفس مجاله او بغيرو
هادا بالنسبة له اول خطوة بالعلاج هو هيك بيعتبر انو هادا اول مرحلة بالعلاج وبعدين بيبلش بالعلاج الفعلي يلي بالأدوية و خلافه
وهو كمان قلبو لله وعامل هالمشفى كلها لعلاج هادا المرض بالمجان وهي من اكبر واهم مستشفيات فرنسا بهادا المجال وكلها اجهزة متطورة وأطباء مخضرمين وذوي خبرة كبيرة
السر يلي ما بتعرفو عن كريم انو هو عمل هالمشفى ودرس وتعب وتخصص بهادا المرض لسبب مهم جداً ولعقدة صارت بحياتو دمرتو وحرقت قلبو كتير لانو وقف عاجز عندها وما قدر يعمل اي شي وهو انو خسر ابوه بهداك المرض "والعياذ بالله"
وهو كان بهداك الوقت شب لا مبالي صايع ضايع متل ما بيقولو مقضيها سهر و بنات وفوتات وطلعات ومن وحدة لوحدة مقطع السابلة وما مخلي بنت من شرو وشرب وكل شي سيئ كان يعملو كريم وابوه كان مدايق منو وكل يوم يتقاتل هو وياه بس كريم ما كان يهمو وما غير من طبعو ولا من عاداتو
لحتى يوم من الأيام ابوه تعب كتييييييييرررررر فجأة ما بيعرفو شو صرلو ودوه ع المستشفى وبعد الفحوصات والتحاليل يلي عملولو ياها بالمستشفى طلع معو هداك المرض وبمرحلة متقدمة جداً وبآخرو كمان "يا لطيف"
هون كريم بينصدم صدمة قوية كتير بسببها بيضل يومين ما بيحكي حرف بس كان يضل قاعد ليل نهار قدام باب العناية المشددة يلي كان فيها ابوه
وبعد ما وعي ع حالو وفاق شوي من الصدمة واستوعب انو ابوه عم يصارع الموت صار يصلي وما يقطع وقت وبكل صلاة كان يضل يدعي ويبكي لابوه بالشفاء لحتى يبوس ايديه ورجليه ويعتذر منو ليسامحو ع كل عمايلو السيئة معو وبطل كل العادات البشعة يلي كان يعملا متل السهر والشرب والبنات وحلف يمين مابقى يعمل هيك ابداً وما عاد يلعب ببنات الناس ويضحك عليهن ويتركن
هالشب كان شي وصار شي تاني تماماً ولا كأنو هو لكن للأسف ما فادو هالشي انو يخلي ابوه مستمر معو بالحياة
بيوم من هديك الأيام يلي مرقت بصعوبة عليه توفى ابوه وطلعت روحو الى خالقها وما قدر يعمل شي وبكي كتير واحترق قلبو وندم وانقهر حتى انو اعتكف اوضتو لشهور طويلة بس لما خرج منها كان انسان عندو رسالة سامية بهل الوجود وهي مساعدة الناس على الشفاء من هذا المرض بفضل من الله ثم بعلمه واصراره... وحلف طول مافيه نفس مارح يخلي عين ابن او بنت تدمع على ام او اب عم يموت بدون ما حدا يساعدو
يعني حلف يكون يد العون لهدول الناس وخصوصاً من الناحية المادية والمعنوية
لحتى صار اشهر دكتور على مستوا فرنسا ومعروف بكل العالم وعضو بجامعات كتيرة حول العالم
يعني اصبح دكتور كبير جداً وغني جداً وكل مصاريه رايحة على المستشفى الخيري يلي أنشأو وعلى تطوير وتحديث الأجهزة والمعدات يلي فيها بشكل مستمر لتتناسب مع تطور المرض لحتى صارت بالفعل اشهر المستشفيات عالمياً لعلاج هكذا امراض
يعني قصة نجاح الدكتور كريم تتلخص بكونه عانى من هادا المرض وفقد اعز الناس له وانو تقرب من ربه واصبح انسان مؤمن بكل معنى الكلمة واخلاقه يحتفى بها
........................
من قصة حياة كريم المختصرة منرجع لعالية وامها يلي بمستشفى الدكتور كريم ويلي ضلت فترة شهرين متواصلين منذ وصلتها على فرانسا وهي قاعدة بالمستشفى وطبعاً مدللة آخر دلال هي حماتو للدكتور العظيم مو حيالله
طبعاً عالية ما فارقت امها ولا لحظة بس يادوب تروح ع البيت تتحمم وتغير اواعيها وترجع لعند امها ركد
كريم انسان راقي وبعمرو ما تأفف من اهمال زوجتو عالية له ولبيتها لمعرفتو تمام المعرفة بشو عم تحس بهي اللحظات
ام عالية كانت عم تتحسن بوجود بنتا جمبا ومن الجو يلي عم يخلقو كريم لراحتها ومعاملتو لبنتا كانت عم تزيدا طمأنينة وراحة وتحسن من تجاوبها مع العلاج
بتمرق سنة كاملة وعالية رايحة جاية ع المستشفى لعند امها يلي عم تتلقى علاجها هنيك
وبيوم عالية كانت رايحة ع البيت لتتحمم وتغير اواعيها كالعادة بس وهي نازلة بالاسنسير انتبهت انو نسيانة شنتايتا بالمكتب تبع كريم بالمستشفى
بتطلع مرة تانية بالاسنسير وبتوصل ع باب المكتب بتلاقي الباب مردود وصوت كريم عم يحكي مع وحدة بتقرب شوي شوي وبتطلع من شق الباب بتلاقي وحدة لابسة فستان يادوب مغطي منطقة الارداف وضيق كتير وهي طويلة وجسما عم يلمع وبيطير العقل قربت تدقق بملامح وجهها شافتا ملكة جمال كتير حلوة وشعرا اسود وطويل لسفل ضهرا بالمختصر "بتشل"
عالية انصدمت مدري شو صرلا عيونا زاغو بترجع لورا بتخاف يشوفوها بعدين بتبلع ريقا وبترجع تتناوء عليهم
وتحاول تسمع شو عم يحكو
البنت عم تحكي باللهجة اللبنانية
بس انا اشتقتلك كتير يعني مش طبيعي كل هيدا غاييب
كريم بيحاكيا وهو عم يبعدا عنو... لو سمحتي ريدا التلك خلص ما بقى بينا اي شي
هون عالية بيجن جنونا بس بترجع تسمع وتطلع ع حركات البنت يلي مدلوئة دلئ على كريم
حبيبي بليز ما تعمول هيك انا كتير اشتقتلك واشتقت لصوتك وريحتك صدقني
وبتصير تقرب عليه وتتمايل بمياعة وبتشم قميصو بحركات مو محترمة
كريم بينظرلا نظرات ضعف بس بيدفشا بسرعة
ولك انتي شو عم تعملي يخربيتك رح تروحينا
التلك اتركيني بحالي انا هلأ انسان متزوج ارجوكي اتركيني لا تخربي بيتي روحي اهتمي بزوجك المريض هر بحاجتك وولادك كمان روحي ديري بالك عليهن خلص نحنا قصتنا انتهت من زمان وانا ما عاد اقدر كون معك... رجاءً روحي من هون ولا عاد تورجيني وشك
مابقدر روح انته بتعريف زوجي بيتعيلج عنداك وما معي مصاري انقلو ع مشفى تانية بتيخود مصاري كتير
لكن عدي بأدبك ولابقى تقربي عليي روحي عدي عندو والا بمنع دخولك ع المستشفى كلا
لااا يييييي شو تمنعني مابقدر ما شوفك كل يوم انا
عالية بتوقع غميانة ع باب المكتب وبينفتح الباب وكريم بيشوفا وبينصدم
..............................
