عالية بتصحى بعد ما غميت ووقعت بالأرض وبتلاقي حالا بغرفة 

بالمستشفى وفوق راسا جوزا كريم وعم يستناها تصحصح

اول ما بتستوعب وبتتذكر شو صار لوصلت لهون بدير وشا عن كريم 

بغضب

كريم.. الحمد لله على سلامتك حبيبتي

عالية ما بترد بالمرة

ليكي حبيبتي انا ما بعرف شر سمعتي وشو فهمتي بس انا مدين الك 

بتفسير كامل للموضوع وبوعدك بدون كذب نهائياً رح خبرك كل شي 

القصة من اولها بس قبل ما احكي بدي احلفلك يمين اني ما خنتك ومستحيل يصير هيك شي انا 

اعجبت فيكي بالاول وبعدين حبيتك وهلأ صرت بموت فيكي

فا مستحيل ثم مستحيل ثم مستحيل اعمل شي يدايقك او ينفرك مني

عالية.... ماما كيفا

امك وضعا ممتاز الحمد لله عم تتحسن وبظن عن قريب رح سمعك احلى خبر ممكن تسمعيه بحياتك 

بس لحتى أتأكد تماماً

شو هو بليز كريم خبرني

مابقدر حياتي لازم اتاكد بالاول

لازم اعرف

لا تكوني لحوحة ولجوجة وانتظري رجاءً ووثقي فيني

بمسخرة... هاه شو قلت!!! اوثق فيك!!! هادا الشي صار مستحيل بعد ما شفت يلي شفتو وسمعت 

يلي سمعتو 

التلك عالية انا مدين الك بتوضيح وما بصير تحكمي عليي لتعرفي القصة كلا

فا ياريت نروح ع بيتنا وهنيك بحكيلك كل شيء

بس انا نا بقدر اترك ماما

هلأ مارح يصير شي اذا تركتيا كم ساعة واصلاً هي موعد دواها بعد شوي وهادا بيعطيها ريلاكس 

وبخليها تنام بهدوء 

بس بدي شوفا بالأول

اوكي بس بدي منك رجاء خاص انك ما تحسسيا انو في شي مدايئك ولا تروحي لعندا بوشك 

المقلوب 

هاد افردي وشك وابتسمي وروحي لعندا ضروري مشان صحتا أكيد مو مشاني

عالية بتقوم بتسرح شعراتا وبتغسل وشا وبتروح بتطمن ع امها يلي صارت بأحسن حال وبتستنى 

ليعطوها الدوا وتتأكد انها نامت

بتحمل حالا وبتروح مع كريم ع البيت يلي بيبعد عن المستشفى خطوات

كريم وعالية بيفوتو ع البيت

كريم بيطلب من عالية تطلع تقعد بالجنينة وتستناه هو رح يعمل فنجانين قهوة ويجي

عالية بتستناه بالجنينة تبع بيتون

كريم بيجي ومعو فنجانين القهوة بيعطيها واحد وبيضل معو واحد لألو طبعاً

عالية بدي منك طلب

خير

انا رح بحكيلك كل شي بس بدي منك ما تقاطعيني ابداً ارجوكي اتحمليني لخلص كل حكيي اذا 

بتريدي

اوك

شكراً الك حبيبتي

عالية عم تستناه يبلش حكي

كريم بيشرب شفة من القهوة وبعدين بيحكي.... هي اسما ريدا عمرا 45 سنة

عالية بتنظرلوا نظرة استغراب

بس مو مبين عليها بعرف هيك بدك تقولي.... صح معك حق بالفعل هي مو مبين عليها بهيك عمر 

ابداً 

متزوجة من رجال فرنسي الجنسية وأكبر منها بالعمر غني كتير كتير.. بيحبا وطاير عقلو فيا وما بخلي 

بنفسا شي وهي ما شالله دايرة بالا ع حالا كتير مو مخلية عملية تجميل ولا شفط ولا شد ولا بوتوكس 

ولا الى آخره من قصص النسوان الا وعاملتو... بالمختصر كتير مدللها وما بيرفضلا طلب

عندا منون تلت اولاد

هنن جيراني بالبيت القديم

كنت كل ما شوفا طالعة وفايتة معو احسدو عليها وقول شوفو هل ختيار شو ألو حظات بيفلقو 

الصخر

ونحنا بينا ما كان في غير سلام وبس

بيني وبين زوجها طبعاً بحكم الجيرة اما هي بعمري ما وجهتلا كلمة بس نظرات

لحتى صار ولقيت هادا البيت ونقلت عليه لانو اقرب للمستشفى هداك كان بعيد كتير 

انتقلت واستقريت ونسيت القصة تماماً بس ضل بمخيلتي كـ رجُل جمالها وجسما الخزيئ متل ما 

بيقولو اللبنانية

المهم مالك بطويل السيرة بيوم من ايامي العادية بالمستشفى كالعادة كنت عم بعمل جولتي 

اليومية على المرضى وما بلاقيلك الا هي وزوجا فايتين ع المستشفى وبوشون لعندي وانا كنت 

واقف بالكوريدور مع الممرضة

بتجي هي فوراً بتحكي معي

ريدا باللهجة اللبنانية.... هاي كيفاك دوكتور

انا بيني وبينك استغربت جيتون بس انبسطت بشوفتا

عالية بتنظرلوا بانزعاج

روئي حياتي انا التلك رح بحكي كل شي وما خبي عليكي اي تفصيلة حتى لو كانت ضدي المهم 

عندي اني ما اخفي عنك شي

عالية بتسكت

طيب رح كمل اوكي

المهم بتطلب مني نروح ع المكتب تبعي مشان نحكي بأمور مهمة

باخدون ومنروح وبطلبلن قهوة وبتخبرني هي انو زوجها معو هداك المرض واكتشفو هل شي 

متأخرين للأسف وهو حابب يدخل يتعالج عندي بالمستشفى ع قد ما سمع عني على أمل انو رب 

العالمين يتم شفاه على أيدي وبيحكيلي وضعو المادي يلي اتدهور تماماً بسبب البورصة

المهم بالمختصر انا عملتلو الاوراق اللازمة لدخوله المستشفى عندي وصار في ألو غرفة خاصة 

وبلش بتلقي العلاج متلو متل كل المرضى وصارت ريدا تروح وتجي لعندو كل يوم طبعاً وكل ما 

كانت تجي تمرق عليي وتسلم

وطبعاً كانت تبقى على آخر طرز مكياج وشعر مساوا وفساتين وتنانير قصيرة هيك كل لبسا مزفلئ 

بس اكابرية كتير والصراحة كانو يبظو عيوني لبرا لما شوفا

عالية بتزورو

لاحظي قلت كانوا

المهم مشان ما طول عليكي صار بيناتنا علاقة اكتر من مرة و أوهمتني انها بتحبني من زمان ومن 

أول ما شافتني ومن هل حكي وهي اصلاً كلي ما كانت شايفتني لما كان جوزا بكامل صحتو وعزو 

ومالو وجاهو بس هلأ لما فلس بلشت تدور ع غيرو ولقتني انا الطعم الفريسة السهلة كوني شب 

وعايش لحالي وعزابي انا بالاول صدقتا وحبيتا كتير

بس صدقيني وقت شفتك نسيتا ونسيت جمالا وكلاما يلي كانت تسحرني فيه

عالية انا ما بنكر اني بالبداية كنت حابب اتقرب منك تعاطفاً مع وضعك ومشان برر مساعدتي 

لوالدتك قلت بخطبك وبتزوجك وهيك بكون انا خلصت من هي المخلوقة وقدمت مساعدة وعلاج 

لوالدتك بدون منية عليكي لانك انتي كتير كنتي ناشفة وحسيتك صعبة المنال والصراحة عجبتيني 

كتير

بس صدقيني صدقيني حبيتك من كل قلبي حبيت كل شي فيكي لك نسيتا ونسيت ابوها ويلي 

خلفوها وحتى كرهتا لما شفت جمالك وأخلاقك ومحبتك لأمك حتى جفاصتك معي حبيتا وعشقتا لانو 

بعمرا بنت ما تجافصت او التأمت عليي بالعكس كلن كانو يرمو حالن عليي رمي وانا اكرهن بسبب 

هالشي 

بس انتي غيييييرررررر لهيك حبيتك كتير

ولهلأ ولبعد 100 مليون سنة ما حدا غيرك بعبي عيني انتي ملاكي

عالية بتخرح عن صمتها.... خلصت؟؟؟ 

يلي لازم احكيلك ياه عن هديك المرة اي اما كلامي عنك لا ما خلص ولا رح يخلص بعمرو

طيب سؤال جوزا شو موقفو من الإعراب وانا ليش ما شفتا عندك من قبل؟

جوزها توفى الله يرحمو بفترة غيابي لما كنا عم نتزوج انا ويااكـ..... بيسكت وما بيكمل كانو غلط بشي

بس انا سمعت غير هيك لما كنت انت وياها عم تتغازلو ورا الباب

الصراحة الصراحة انا شفتك وقت كنتي مسنودة ع الباب وعم تسمعي وتلبكت وما عرفت شو احكي 

معا لتفهمي انو هي ما بتعنيلي وما في بيناتنا شي التلا روحي اهتمي بزوجك وولادك وهي قد مالا 

حربوءة فهمت انو في حدا ورا الباب وكملت معي الحكي عادي

يعني جوزا توفى ولا لا ما عاد فهمت

مبلا حبيبتي توفى الله يرحمو من هداك الوقت

بطلت تجي لعندي لانو ماعاد الها حجة ولهيك اتفاجأت فيها وقت شفتيا عندي

عالية انا حكيتلك كل شي بالحرف وبدون كذب

والقرار لألك بس ياريت تفكري منيح قبل ما تقرري اي شي يهدم بيتنا يلي بلشنا نبنيه بحبنا

انا رح حاول فكر بهدوء وبخبرك بقراري بعد تلت ايام من اليوم بس ياريت حضرتك بهي الفترة تترك 

البيت وما تجي عليه ابداً قبل ما تخلص المدة وبلغك بقراري

حاضر انا رح ضل بالمستشفى هل كم يوم

شكراً 

كريم بيقوم... طيب انا رح جهز شنتاية صغيرة بأشياء ممكن احتاجها هل فترة وناطر تلفونك بفارغ 

الصبر

نشالله

بيمشي بعدين بيوقف وبيرجع خطوة..... عالية انا بحبك ورح ضل حبك كل عمري وقبلان بأي عقاب 

بدك ياه بس المهم تسامحيني وتضلي معي

عالية ع أساس ما انطشت.... بعد تلت أيام منحكي

كريم بيمشي بيروح ييضب غراضو وع المستشفى

عالية بتقضي التلت ايام عم تفكر بكل شي مرقت فيه من أول قصتها مع وليد مروراً بمرض أمها 

وتعرفها على كريم ولليوم

كل يوم بالليل تصلي استخارة على نية هالموضوع وتتصرف عادي

بس اول يوم صلت فيه الاستخارة كان بعد الفجر ودغري نامت

فاقت مرتاحة كتير وهي استغربت وما فهمت وكملت يومها عادي بتروح ع المستشفى كل يوم 

بتشوف امها وبترجع بالليل بس ما بتمرق ع كريم ابداً بس ما حسست امها بشي ابداً ابداً

وتاني يوم صلت الاستخارة بنفس التوقيت ونامت وفاقت كمان مرتاحة ومالا حاسة انو في ع قلبا اي 

هم كمان استغربت بس كملت يومها كالعادة

وباليوم التالت يلي لازم تاخد القرار فيه قعدت مع حالها وبعد تفكير عميق صارت تقول بنفسها. يعني 

هو لو كان بدو ياها عادي كان كمل معها ويوميتا هو ما كان بيعرف اني رجعت لاني نسيانة شنتايتي 

عندو يعني لما قربت هالواطية عليه ما كان حدا شايفو بيقدر يعمل كل شي معها بس هو دفشها 

وقلها ابعدي عن حياتي

وانا حبيتو حبيتو كتير وما بظن رح حب من بعدو بعتبرو اول حب حقيقي بحياتي مابدي اتركو ياربي

عمل مشاني كل شي حلو تعذب معي واتحملني كتير وهي نزوة الكل بيمرئو فيها وبعدين هو ما 

خاني يعني هي العلاقة قبل ما يتزوجني

يارب حلا من عندك يارب

احسن شي قوم صلي وادعي لربي يهونها عليي

بتقوم بتتوضى وبتصلي

......................... 

كريم بالمستشفى عم يشوف صورة أشعة حدا من المرضى وعم يتمعن فيها ويدقق كتير

بيرن موبايلو بيطلع ع الشاشة وبيبتسم بسعادة.... حبيبتي 

حاضر 

بأمرك ساعتين وبجي

بيسكر الموبايل وهو مبسوط عم ببتسم بأمل

بيكمل فحص الأشعة وشوي شوي الإبتسامة عم ترتسم على وجهو

..................... 

بيصير الوقت كريم بيحمل حالو وبيروح ع البيت وهو طاير عقلو مشتاق لعالية كتير

بيفوت ع البيت المغرب تقريباً بيلاقي الإضاءة بكل البيت خفيفة كتير

بيجي ليشعل الأضوية بتطلع عالية بوشو وهي شايلة شمعة ولابسة اجمل فستان عندا وعاملة شعرا 

وحاطة مكياج 💄 

وطالعة بتاخد العقل

كريم جمد بأرضو وما استوعب مسكين

قربت عليه.... كل سنة ونحنا سوا حبيبي ورفيق دربي وسر سعادتي

كريم بيطير عقلو وما بيصدق شو عم يسمع

طيب شو يعني سامحتيني 😍

قررت يا زوجي المصون اني حافظ عليك وما اترك اي مجال لأي وحدة تافهة تفرق بيناتنا

لك تؤبري قلبي شو بتجننننيييييي لك انا كنت بعرف اني اخترت اعقل بنت بالكون حبيبتي بحبك 

وعانقها

طبعاً عالية كان قرارا صح ما كان لازم تتخلى عن زوجها بهي السهولة

يوميتا اتعشو ع ضو الشموع ورقصو سلو سوا ونسيو القصة كلا من بابها

هلأ الشي يلي كان كريم مخبيلا ياه هو خبر سعيد كتير وبيوميتا كان عم يتأكد منو وبعد ما سهرو 

وانبسطو وجددو حبهن خبرها انو أمها تماثلت للشفاء تماماً وما عاد في وجود او اي أثر للمرض

عالية طارت من فرحتا وبكيت وصرخت وما صدقت وضلت تبكي وتضحك تبكي وتضحك تبكي 

وتضحك

وكريم مبسوط انو قدر يبسطا ويفرحا ويرجعلا ابتسامتا يلي قالتلو امها انو ما شافتا من لما كانت 

صغيرة

كريم رجعها صغيرة بكل شي يا خالتو ام كريم مو بس بابتسامتها

بعفويتها وجمالها وتصرفاتها

الحمد لله ام عالية رجعت لحياتا الطبيعية وعالية وكريم أصرو انها تعيش معهن ولا يمكن يتركوها 

تسافر خلص

وهي رضخت لارادة بنتها طالما هالشي بيسعدها وطبعاً هي بتطمن عليها اكتر لما تكون جمبا

بتمرق فترة سنتين بعد شفاء ام عالية وحياة كريم عالية بتجنن مبسوطين ومرتاحين كريم من نجاح 

الى آخر وطبعاً عالية دخلت جامعة ودرست ادارة اعمل وهي بالسنة الثانية

بيوم بترجع من الجامعة بكير وبتفوت ع اوضتا امها بتلحقا.. شبكي تؤبريني كأنك راجعة بكير عن غير 

العادة

اي ماما تعبانة شوي ماقدرت كمل اليوم

ام عالية بتتصل بكريم مشان يجي يشوف شبها

بيجي بيلاقيها نايمة فا ييتركا ترتاح بعدين بتصحى وبيتغدو بس عالية مبين عليها التعب وامها وكريم 

بيلاحظو هالشي كتير

طبعاً مافي داعي خبركن شو صار اكيد عرفتو انو زوجها اخدها ع المستشفى تبعو وعملها تحاليل 

شاملة وطلعت حاااااااااامللللل

دخيل اسمو هل رب لما بذو يعطي بيعطي وبلا حدود لانو عالية بعد تلت اشهر تبين انها حامل بتوأم 

ثلاثي

وع الشهر الخامس بين جنسهن بنتين وصبي

عالية بتولد بأول يوم الها بالشهر التاسع بعملية قيصرية طبعاً 

امها وزوجها مو مصدقين 

بكيو كتير من الفرحة

كريم سجد وشكر ربه على هل نعمة

ماشالله تلاتة بفرد مرة

بس في بنت بيناتن كان وزنا كتير قليل

بس مع الأيام كبرت متلا متل اخواتا

وصاروا بياخدو العقل
................

هلأ كيف صار هيك هي من عند الله هو العاطي الوهاب

لكن الأطباء قالو انو الراحة النفسية وعدم التفكير بهادا الموضوع كانت عامل كتير كبير ومهم بحدوث 

الحمل بالاضافة الى انو كلمة مابقى فيها تجيب ولاد يلي قالولها الدكاترة بالشام كانت قمة الغباء 

وضعف ايمان لانو عادي الوحدة تحمل بـ مبيض واحد وكمان عادي بقناة واحدة بس بيصير تأخر وبس اما عقم لا

هي مشان تشوفو تخبيص الدكاترة وعلاكن يلي بلا طعمة

كله بأمر رب العالمين وبسسسسسسسسسسس

{ إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ }

نــــهاية قِـــــصَّة عـــــآلـــــية