وتذكر باسم أنه في ذلك الوقت أجرى لقاء في برنامج الإعلامي الكبير مفيد فوزي "حديث المدينة"، وذلك خلال تصوير البرنامج في نادي "الجزيرة"، والذي صادف تواجد باسم به، وعبر في الحوار عن رأيه في تلك الظاهرة بصفته أحد شباب هذا الجيل.
وقال باسم في عدد من التغريدات كتبها عبر حسابه الشخصي في Twitter حكى فيها عن ذكرياته كاتبا: "كان مفيد فوزي بيقدم برنامج حديث المدينة وداير يلف في نادي الجزيرة يسأل الناس وياخد منهم تصريحات بتدين "عبدة الشيطان"، جيت في سكته فسألني.
"قولت له دا كلام فارغ لو العيال دي مذنبة في جرايم مخدرات ولا حاجة وفي دليل يبقى نتكلم عن كده بس عبادة شيطان وبتاع ده كلام مش صح".
وتابع: "كلمت عيلتي كلهم وقولتلهم أنا حاطلع في حديث المدينة وكل العيلة اجتمعت قدام التلفزيون، لاحظت أن كل اللي بيجيبهم بيوصلوا الكلام اللي الدولة عايزاه من تنديد وشجب واتهام. البرنامج خلص والحتة اللي أنا فيها اتقطعت بالكامل وطبعا كان شكلي وحش قدام العيلة.
سألت ناس أعرفهم في النادي والجامعة وطلع أن كل واحد قال كلام عاقل في الموضوع اتشال في المونتاج وأصبح حديث المدينة هو حديث السلطة. ذكريات!
ويأتي تذكر باسم لهذا الموقف بعد أن قرأ مقالة تتحدث عن هذا الموضوع وشاركها مع متابعيه، فأراد أيضا أن يشاركهم بذكرى قديمة له مع الإعلام المصري.
باسم يوسف: الداخلية بتلم رزقها عشان السجن الجديد
٦ إجابات لباسم يوسف في "المتاهة" يرجح أنه تم حذف جزء منها.. شاهدها واحكم بنفسك
بالفيديو- باسم يوسف: بقائي خارج مصر عقل.. وتلقيت تهديدات "بحاجات تانية" وليس القتل