ونشرت الصفحة الرسمية للدمية الشهيرة منشور جديد ويبدو أنها تحاول من خلاله تحسين صورتها خصوصا بعد الهجوم عليها بعد تبرؤها من مراسها، فكتبت موجه كلامها لشادي: "عزيزي شادي، أنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل. أنا متأكدة أنك ماتقصدش غير إنك تعبر عن رأيك.. أنت شاب والشباب لما بيحبط بيلوش.. قلبي عندك وحضنك عندي".

كما وجهت رسالة لجنود الأمن المركزي قالت فيها: "عزيزي العسكري الغلبان، حقك علينا، أنت على راسنا من فوق طول ما أنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش - ده شباب محبط وتقلها في الهزار".

ولم تنس أن تتحدث إلى الشعب وتتطرق لموضوع حرية التعبير: "عزيزي الشعب، أحضن نفسك، أنت مالكش غيرك.. عزيزتي حرية التعبير، متكاتفة معاكِ ومش ناوية أسيبك، ده أنت برضك يتيمة زي كارو".

واختتمت رسالتها موجهة كلامها لمحبيها في محاولة لمصالحتهم:

"أعزائي حبايبي وأعدائي، حقكم تاخدوا على خاطركم مني، البيان اللي نزل الأسبوع اللي فات كان صدمة ليا قبل ما يكون صدمة ليكوا.. كنت فاكرة إني الأقوى وكلمتي هي اللي هتمشي، لكن طلع فيه الأقوى.

أنا ست حرة ومابخافش ومش هأعيش غير حرة.. بيقولولي يا أبلة كان باين انه مش كلامك، خليكي ساكتة وبكره الناس هتنسى.. قولتلهم المهم أنا امتى هأنسى..عزيزتكم مهما شتمتوها.

إمضاء: الأبلة".