وتبين أن الفيديو مجتزأ من سياقه وظهر كأن عزمي مجاهد هو صحاب الكلام الذي قاله، رغم أنه كان ينقل رأي الكاتب الصحفي محمود الكردوسي.

وقال مجاهد: "الكاتب الصحفي المحترم محمود الكردوسي كتب كلمتين هم الحقيقة وبصراحة أعجبوني جدا، عندما قرأت شعرت أنه واصف الموقف الذي نعيشه بالضبط".

وتابع: "كتب يقول: عزيزي المواطن سواء كنت تعبان في عيشتك أو مستريح إذا كان بيت حضرتك من إزاز فمفيش داعي تحدف السيسي بالطوب، ماشي يا ننوس عين مصر".

واستكمل: "عايز أقول لحضرتك، السيسي اللي مش عاجبك دلوقت كنت تبوس رجليه عشان يبقى رئيسك، وعايز أقولك كمان إن السيسي هو أحسن حاجة فيك، يا ريت بعد ما تطفح وتشرب شايك وتضرب لك نفسين جوزة يا حيلتها وتحط راسك بين رجليك وتتخيل إن داعش مستنياك على أول الشارع وبنت الأمورة في إيدك عشان تسلمها بنفسك لسمو الأمير أبو بكر البغدادي".

" frameborder="0">

وأضاف: "شوف إنت بقى تعيش من غير شرف ولا كرامة؟ ولا تعيش من غير كهرباء وحلمة وجوزة؟ تعيش وتموت راجل؟ ولا تقضيها. شعب يخاف وما يختشيش".

ومن المعروف أنه تم تداول العديد من الفيديوهات الساخرة من تصريحات مجاهد والتي ظهر في معظمها كأنه هو صاحب هذا الكلام وليس الكاتب الصحفي محمود الكردوسي.