وجاء سبب الاعتراض أن فهمي استبدل كلمة "تيما" بـ"طينة" لينطقها "بلاك طينة"، واعتبر صلاح الدين ذلك إهانة عنصرية لأصحاب البشرة السمراء، فكتب عبر حسابه بموقع التواصل الاجتماعي Facebook: "حوار من مسلسل #ريح_المدام .. اللي كنت لسه باشكر فيه إمبارح ..!
- عارف مين بيجي يغني هنا علي طول
= مين ..؟!
- التلاتة السمر دول .. بلاك طينة ..
= بلاك طينة .. آه .. آه عارفهم
* طبعا ده ايفيه عنصري احد اهم الأساليب الرخيصة التي يتبعها الممثل لما بيحب يضحك بالعافية .. سقطة من أسرة الكتابة و من الممثلين .. بتتكرر معايا للمرة التانية في الدراما المصرية بعد جمله " هات أهلك البرابرة " من مسلسل " نكدب لو قلنا ما بنحبش " ،، وهي طبعا موجودة طول الوقت في الاعمال الفنية ..
| أحب أقول للسادة الفنانيين أصحاب البشرة البيضاء .. في انتظار إجراء قانوني يا حبايبي الكوميديانات".

وفور وصول الأمر لمنتج العمل طارق الجنايني، أبدى اعتذاره عن ذلك مؤكدا أنه سيحل الأمر في العروض المقبلة للمسلسل، فكتب: "إعتذار واجب:
في صديق لينا زعل من أفيه موجود في الحلقة ٨ من مسلسل "ريح المدام"
في حين أننا كفريق عمل لم نقصد هذه الأهانة بأي صورة، و لكني متفهم أن حاجة زي كدة ممكن تضايقه، و هو الصراحة راجل محترم و أنا بحبه على المستوى الشخصي جداً..
بغض النظر عن قبولك للأعتذار من عدمه، الجملة دي هتتشال من العروض التانية للمسلسل إن شاء الله".

تنويه- لمعرفه مواعيد عرض مسلسلات رمضان اضغط هنا

تنويه- شاهد جميع حلقات مسلسلات رمضان وبطريقة أفضل على "شاشة رمضان 2017".. اضغط هنا